Последние посты
قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
24 сент., 11:49изменён
🌹 የፍቅር እውነተኛ ቋንቋ አንዳንድ ጊዜ ቃል አያስፈልገውም… 🌹በሻር ቢን በርድ እንዲህ ይላል፦ وَإِذَا الْتَقَيْنَا وَالْعُيُونُ رَوَامِقٌصَمَتَ اللِّسَانُ وَطَرْفُهَا يَتَكَلَّمُتَشْكُو فَأَفْهَمُ مَا تَقُولُ بِطَرْفِهَاوَيَرُدُّ طَرْفِي مِثْلَ ذَاكَ فَتَفْهَمُ “ስንገናኝና ዓይኖቻችን እርስ በርሳቸው ሲመለከቱ፣ አንደበታችን ዝም ይላል፤ የዓይኖቻችን እይታ ግን ይናገራል። እሷ በዓይኗ ትናገራለች፤ እኔም የምትለውን ያለ ቃል እረዳለሁ። ዓይኔም በተመሳሳይ ሲመልስላት፣ እሷም የምለውን ትረዳለች።”🌿 ይህ ነው ፍቅር ሲያጠራ…● እውነተኛ ፍቅር ሲኖር፣ ሁሉንም ነገር በቃላት መግለጽ አያስፈልግም። ● አንድ እይታ ብቻ ብዙ ነገር ይናገራል። ● አንድ ፈገግታ የልብን ምስጢር ያሳያል። ● አንድ የዓይን እንባ ያለ አንድም ቃል ህመምን ያስረዳል። ● አንድ ዝምታም ከሺህ ቃላት የበለጠ ሊናገር ይችላል። 🫀ለምትወደው ሰው ዓይን ልዩ መልእክት አለው።◆ ሰዎች በአንተ ፊት ላይ ፈገግታ ብቻ ሊያዩ ይችላሉ፤ ◆ የሚወድህ ግን ከፈገግታህ ጀርባ ያለውን ድካም ሊያይ ይችላል። ◆ ሌሎች ሰዎች “ደህና ነኝ” የሚለውን ቃልህን ሊያምኑ ይችላሉ፤ ◆ የሚወድህ ግን ዓይኖችህን ያያልና፣ “አይ፣ ዛሬ ደህና አይደለህም” ሊልህ ይችላል።🌹 ከዚህ ሀሳብ ጋር የሚያስደንቅ ነገር በነቢዩ ﷺ ሐዲስ ውስጥም እናገኛለን።አቡ ሁረይራ رضي الله عنه አንድ ጊዜ በጣም ተርበው ነበር። እንዲህ ይላሉ፦ «ثُمَّ مَرَّ بِي أَبُو الْقَاسِمِ ﷺ فَتَبَسَّمَ حِينَ رَآنِي، وَعَرَفَ مَا فِي نَفْسِي وَمَا فِي وَجْهِي» “ከዚያም አቡል-ቃሲም ﷺ አለፉብኝ፤ እኔን ሲያዩኝ ፈገግ አሉ፤ በነፍሴ ውስጥ ያለውንና በፊቴ ላይ የሚታየውን ሁኔታ አወቁ።”ይህ የሚያሳየን ነገር በጣም ውብ ነው። 🌿 ነቢዩ ﷺ አቡ ሁረይራ رضي الله عنه ምንም ሳይናገሩ የነፍሳቸውን ሁኔታ ከፊታቸው ላይ ተረዱ።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
24 сент., 05:43
переслано из @sefinetunuh
በቃሪዕ ሙስጠፋ ኢብኑ ሙሐመድ🎤🧡قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
24 сент., 04:19
የኢትዮጵያ ታሪክ ከጥንት ጀምሮ የጦርነት ታሪክ ነው። ዘፈኑም፣ ቀረርቶውም፣ ተረትና ምሳሌውም እንዳለ ከመG ደል ጋር በተያያዙ መልእክቶች የታጨቀ ነው። ህዝቡም ሰርቶ ከመለወጥ፣ ኑሮን ከማሸነፍ በላይ ጦረኝነትን እና ገዳ ^ ይነትን እንደ ጀግንነት የሚቆጥር ነው።አባትሽ አይገ^ ድል ወንድምሽ አይገ^ ድል አርሶ ያብላሽ እንጂ ሆድሽ እንዳይጎድል።አገራቸው ወዲያ ዳርቻ ቀበሌ ተበድሮ ገ^ ዳይ ጥይት እንደ ጥሬወንድ ልጅ ተወልዶ ካልሆነ እንዳባቱ፣ ስጡት አመልማሎ ይፍተል እንደናቱበሀገራችን ከህግና ስርዓት፣ ከመልካም መኗኗር በላይ ጉልበተኝነት ነው የሚያስከብረው። ጉልበተኛ ወገን የሌለው ሰው አንገቱን ደፍቶ ነው የሚኖረው።ሁሉም ለጦርኝነቱ ምክንያት ቢደረድርም እውነታው ግን የህዝቡ ባህልና ስሪት ከጦረኝነት ጋር በጥብቅ የተሳሰረ ነው። ይሄ በአራቱም የሀገሪቱ አቅጣጫዎች ያለ የነበረ ያልተቀየረ እውነታ ነው። ከየትኛው ጉዳይ በላይ በጦርነት ላይ ይረባረባል። ከየትኛውም ጉዳይ በላይ የጦርነት ዜና ይመስጠዋል፣ ያነፈንፋል።በርግጥ ጦረኝነት የዓለም ታሪክ ነው። ግን ዛሬ ላይ ሃገራት የህዝባቸውን አመለካከት እየቀየሩ ውስጣዊ ሰላም በማስፈን ተረጋግተው እየኖሩ ነው። እኛ ግን እዚያው ነን። የጦርነት አዙሪት ውስጥ ስንማቅቅ እንኖራለን። አንዱ መዓት ጠባሳ ጥሎ ሲያልፍ ደግሞ ሌላው ይጀምራል። አሳማሚ እውነት። = የቴሌግራም ቻናል https://t.me/IbnuMunewor https://t.me/IbnuMuneworقَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
23 сент., 18:07
🌹«ፍቅር ሁልጊዜ ለትዳር የሚበቃ መሠረት አይደለም…»አንድ ወንድ የሚወዳትን ሴት ሲያገባ፣ ከጋብቻ በኋላ የሴትነቷ ምስጢር ቀስ በቀስ ይገለጥለታል፤ እሷም ቀድሞ በምናቡ ውስጥ ከነበረችው ሴት የተለየች ትሆናለች፤ እሱም በእሷ ምናብ ውስጥ ከነበረው ወንድ የተለየ ይሆናል።ምክንያቱም ከጋብቻ በፊት ፍቅር ብዙ ጊዜ በምናብ፣ በመናፈቅና በማይታወቀው ምስጢር ይገነባል። ከጋብቻ በኋላ ግን እውነተኛው ሕይወት ይጀምራል፤ የተደበቀው ይገለጣል፣ ምናቡም ከእውነታው ጋር ይገናኛል።ስለዚህ ፍቅር ብቻውን የትዳር ደስታ መሠረት አይደለም። በተለይም ፍቅሩ ከፍተኛ መናፈቅና የልብ መቃጠል ላይ ብቻ የተመሠረተ ከሆነ፣ ከጋብቻ በኋላ የብስጭት ምክንያት ሊሆን ይችላል። እውነተኛ ትዳር ግን ፍቅር ብቻ ሳይሆን ብስለት፣ ትዕግሥት፣ ኃላፊነት፣ መከባበርና በአላህ ላይ የተመሠረተ ፍርሃት ይፈልጋል።አንድ ወንድ ከጋብቻ በኋላ የቀድሞውን የምናብ ምስል በሚስቱ ውስጥ ማግኘት ካልቻለ፣ ይህንን በብስለት ከመቀበል ይልቅ ያጣውን ነገር በሌላ ሴት ውስጥ መፈለግ ከጀመረ፣ መከራው በእሱ ብቻ አይቆምም፤ ሚስቱን፣ ቤተሰቡንና ልጆቹንም ይጎዳል።ምክንያቱም ሴት በትዳር ውስጥ የምታገኘው የባሏ ታማኝነትና አክብሮት በስሜቷ ላይ ጥልቅ ተፅዕኖ ስለሚያሳድር ነው።ትዳር የምናብ ቦታ አይደለም፤ የእውነት ሕይወት ነው።ፍቅር ያስጀምረዋል፤ ታማኝነትና ኃላፊነት ግን ያስቀጥሉታል።t.me/Abu_hibetillah_Asselfiy t.me/Abu_hibetillah_Asselfقَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
23 сент., 14:10изменён
ሰዋ ካርድ የምፈልጉ ከኛጋ ታገኛላችሁ በዚህ አናግሩን@umureyan_33 @Riiche1قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
23 сент., 12:16изменён
🌹 ልብ የሚወደውን ለመርሳት ጊዜ ይፈልጋል…አንዳንድ ጊዜ ሰው አንድን ሰው መፈለጉን ያቆመው ስለማይፈልገው ሳይሆን፣ እንደሚፈልገው ልቡን ማሳመን ስለሚያስፈልገው ነው። አእምሮ ነገሩን ቀድሞ ሊረዳ ይችላል፤“ይህ ሰው አይፈልገኝም፣ መራቅ አለብኝ፣ መቀጠል አለብኝ” ሊል ይችላል። ግን ልብ ያንን እውነት ለመቀበል ጊዜ ይፈልጋል።ምክንያቱም ልብ በቃል ብቻ አይረሳም፤ በትዝታ፣ በልማድ፣ በተስፋና በብዙ ስሜቶች ውስጥ ይኖራል። 🥀አንድ ሰው አይፈልግህ ከሆነ ሁልጊዜ በአፉ ላይ “አልፈልግህም” ማለት አይጠበቅበትም።ተግባሩ ራሱ መልስ ሊሆን ይችላል። ◆ትደውላለህ… አያነሳም። ◆ትጽፋለህ… አይመልስም። ◆ትቀርበዋለህ… ይርቃል። ◆ለአንተ ጊዜ የለውም፣ ለአንተ መልስ የለውም፣ በሕይወቱም ውስጥ ያለህ ቦታ በተግባሩ እየታየህ ነው። ◆እንደዚህ ሲሆን በተደጋጋሚ መጠየቅ ልብህን ከመጠበቅ ይልቅ የበለጠ ሊያደክመው ይችላል።አንዳንድ ጊዜ መልስ የሚያስፈልገን ከሰውየው ሳይሆን ከራሳችን ልብ ነው። ▶“ለምን አልመለሰልኝም?” ▶“ለምን አይፈልገኝም?” ▶“ምን አጠፋሁ?” ▶“ምን ብሠራ ይቀርበኛል?” ብለን ደጋግመን ከመጠየቅ ይልቅ፣ አንድ ቀን በጸጥታ ራሳችንን፦➥“ይህ ሰው በተግባሩ መልሱን አሳይቶኛል፤ አሁን የእኔ ሥራ መልሱን መቀበል ነው” ማለት ያስፈልገናል።▶ይህ ማለት ወዲያውኑ መርሳት ማለት አይደለም። ▶አንድ ቀን ውስጥ የወደድከውን ሰው አንድ ቀን ውስጥ መርሳት አትችልም። ▶ዛሬ ልብህ ሊያለቅስ ይችላል፤ ነገ ትንሽ ይረጋጋል፤ ከነገ ወዲያ ደግሞ ትንሽ ይበረታል።እንዲህ እያለ አንድ ቀን ትዝታው የሚያሳዝንህ ነገር ሳይሆን ያለፈ ምዕራፍ ይሆናል።🌿ስለዚህ እራስህን አትውቀስ። “ለምን አልረሳሁትም?” ብለህ ራስህን አትጫን።ልብ የሚወደውን ለመልቀቅ ጊዜ ይፈልጋል። ነገር ግን በዚያ ጊዜ ውስጥ ራስህን አትጥፋ።●ለማይመልስልህ ሰው የምትሰጠውን ፍቅር፣ ለራስህ ሰላም ስጠው። ●ለማይፈልግህ ሰው የምትጠብቀውን ጊዜ፣ ለራስህ ሕይወት ስጠው። ●እና የልብህን ባዶነት በሰው ለመሙላት ከመሞከር ይልቅ፣ አላህን አቅርብ።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
23 сент., 08:40
☕🌿 የቡና ልዩ ጥቅሞች ! 🌿☕ሸይኽ ዐብደረዛቅ አልበድር ሀፊዘሁሏህ እንዲህ ይላሉ፦«فَعَلَيْكَ بِشُرْبِ الْبُنِّ فِي كُلِّ لَحْظَةٍ فَإِنَّ بِهَا يَا صَاحِ خَمْسَ فَوَائِدِ»“ስለዚህ ወዳጄ ፣ ቡናን መጠጣትን አትተው፤ በእሷ ውስጥ አምስት ጥቅሞች አሉ” ይላል። ☕🌿 ① نَشَاط — ንቃትና ብርታት ይሰጣልቡና ለአንዳንድ ሰዎች ንቃትን የምትጨምርና ድካምን የምታሳንስ መጠጥ ናት። ጠዋት ላይ የቡናዋ መዓዛ እና ጣዕም ቀኑን በንቃት ለመጀመር ደስ የሚል ጓደኛ ያደርጋታል።🌿 ② هَضْم ምግብን ለመፍጨት ይረዳልቡና ከምግብ በኋላ ለአንዳንድ ሰዎች የምግብ መፍጨትን እንደምትረዳ ይነገራል።🌿 ③ قَطْعُ الْبَلَاغِم — አክታን ለማስወገድ ይረዳል“በላግም” የሚለው ቃል አክታንና በጉሮሮ የሚሰበሰብን ነገር ያመለክታል። ስለዚህ ቡና እነዚህን ለገሮች ለማስወገድ ይረዳል።🌿 ④ نُورٌ لِلْعَيْن — ለዓይን ብርሃን ይጨምራልቡና በውስጡ ለዓይን ንቃትና ብርሃን እንደምትሆን ተገልጻለች። በተለይም የጠዋት ቡና ከንቃት ጋር ተያይዞ የሚሰማውን ያን የልዩ ደስታ ስሜት ያስታውሳል። ☕🌿 ⑤ قُوتٌ لِعَابِد — ለዓምላኪ ሰው ኃይል ናትይህ በጣም ውብ የሆነው ክፍል ነው። “ለዓምላኪ ኢባዳ ላይ ላለ ሰው ኃይል ናት” ይላል። ማለትም የቡና መጠጣት እንደ መጠጥ ደስታ ብቻ ሳይሆን፣ ሰውነትን እንዲነቃና ሰውየው በሚፈልገው መልካም ሥራ ላይ እንዲበረታ የሚያግዝ ነገር እንደሆነ ሸይኹ ያቀርባታል።☕ ቡና ለአንዳንዶች መጠጥ ብቻ አይደለችም፤ የጠዋት አጋር፣ የውይይት ጓደኛ፣ የእንግዳ አቀባበል ምልክት እና የተለያዩ ትዝታዎች አካል ናት።🌿 “فَعَلَيْكَ بِشُرْبِ الْبُنِّ…” 🌿 ወዳጄ ፣ የቡናዋን ጣዕም ብቻ አትውደድ፤ ከእሷ ጋር የሚመጣውን የጓደኝነት፣ የእንግዳ አቀባበልና የውብ ውይይት ጊዜም ውደድ። ☕🌿 ማስታወሻ፦ እነዚህ የተገለጹት ጥቅሞች ናቸው፤ የሕክምና ምክር ወይም ለሁሉም ሰው የሚሰራ የጤና ዋስትና አይደሉም። በተቃራኒው ጉዳት የሚያመጣባቸው ሰዎችም መጠጣት የለባቸውም በተለይ በሀኪም ከተከለከሉ አይጠጡ።እዚህ እያወራን ያለነው ለቡና አፍቃሪያንና ለሚስማማቸው ጥቅም ለምታመጣላቸው ሰዎች ነው።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
23 сент., 06:43изменён
☕ ለቡና ወዳጆች ☕የቡና መጠጥ ለሰውነት አካላት አነቃቂ ነው፤ ጣዕሙም እንደ ስንዴና እንደ ማር የሚያስደስት ነው።በጉዞ ወቅት የዕድሜ ሙሉ አጋርና አጽናኝ ናት፤ መዓዛዋም ሲሰራጭ እንደ ሚስክ መዓዛ ያለ ማንኛውንም ክርክር የማያስፈልገው ደስታ ትሰጣለች።በጠዋት የነፍስ ምኞትና ደስታ ናት፤ በረጋ መንገድ በጊዜዋ ስትመጣ፣ የሚወዳትን ሰው ልብ ታስደስታለች። በችሎታ የተዘጋጀች ቡና ምንኛ ደስ የምትል ናት!የመጣውንም ሆነ ሊጓዝ የተዘጋጀውን እንግዳ ለማክበር የምትቀርብ። በየቤቱ ሁሉ ስሟና በጎነቷ ይነገራል፤ ወዳጅንም ያለ ብዙ ንግግር በመደሰትና በማስደሰት ታስቃለች።“እንኳን ደህና መጣህ!” ትላለች፤ ፈገግታዋም ሁልጊዜ ከአንደበቷ አይርቅም፤ ክብርና መልካም ምግባር ላለው እንግዳም ይህንኑ የአቀባበል ቃል በደስታ ደጋግማ ትናገራለች።በእሷ ላይ ጉድለት የለም፤ ከጉዳትም የጸዳች ናት፤ ስለዚህ ንጹሕ ቡና ጠጣ፤ ከጉዳትም አትፍራ።— ሸይኽ ዘይድ ቢን ሃዲ አል-መድኸሊ رحمه الله 📖 المنظومات الحسان (الديوان المليح)، ص 343.t.me/Abu_hibetillah_Asselfiy t.me/Abu_hibetillah_Asselfiyقَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
22 сент., 18:09изменён
🌹 "የሴት ልጅ የዓይን ማረፊያ (ደስታዋ) ደግ/መልካም ባል ነው።…" 🌹 قُرَّةُ عَيْنِ الْمَرْأَةِ زَوْجٌ صَالِحٌ…የሴት ልጅ የዓይን ብሌን፣ የልብ ረፍትና የነፍስ ሰላም የሚሆነው ባል ያለው ገንዘብ ብቻ አይደለም፤ የሚያስተዳድርበት ጥበብ፣ የሚያከብርበት ልብ፣ የሚጠብቅበት ወንድነት እና የሚራራበት ርህራሄ ነው።እሷን ከእርሱ ጋር የሚያሳርፋት ባል፣ እሷን እንደ ተጠቂ ሳይሆን እንደ አማና የሚመለከት ነው።▶እሷ ስታዝን የሚያቅፋት፣ ▶ስትደክም የሚያበረታታት፣ ▶ስትጨነቅ የሚያረጋጋት፣ ▶ስትደናገር የሚመክራት፣ ▶ስትናገር የሚያዳምጣት፣ ▶ስትሳሳት የሚሸፍናት፣ ▶ስታደርግ የሚያመሰግናት ባል ነው የሴት ዓይን ብሌን።🌷እውነተኛ ባል ሚስቱን ለመግዛት ሳይሆን ለመጠበቅ ይፈልጋል። ለማስፈራራት ሳይሆን ለማረጋጋት ይፈልጋል። ሁልጊዜ “እኔ ነኝ የምወስነው” ከማለት ይልቅ፣ “እንዴት ብንወስን ይሻላል?” ብሎ ያማክራታል።🌿 እሷን የሚወዳት ብቻ ሳይሆን፣ ክብሯን የሚጠብቅ ባል ያስፈልጋታል።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
22 сент., 13:47
🫀 ልብ ልክ ሁሉም ነገር በአላህ ቁጥጥር ስር መሆኑን ስትረዳ ትረጋጋለች።አንተ የምትችለውን አድርግ፤ የተቀረውን ለአላህ ተወው።ምክንያቱም የምትፈራው ነገር ከአላህ ዕውቀት ውጭ አይደለም፤ የምትጠብቀውም ነገር ከአላህ ዕውቀት ውጭ አይደለም።የዛሬ ጭንቀትህ የነገ መጨረሻህን አይወስንም። የዛሬ መዘግየት የአላህ ውሳኔ እንደተረሳህ አያሳይም። አንድ በር ሲዘጋ ሁሉም በሮች ተዘግተዋል ማለት አይደለም።🌿 ኢብኑ አባስ رضي الله عنهما እንዲህ ይላሉ፦ «وَاعْلَمْ أَنَّ مَا أَخْطَأَكَ لَمْ يَكُنْ لِيُصِيبَكَ، وَمَا أَصَابَكَ لَمْ يَكُنْ لِيُخْطِئَكَ.» “ያመለጠህ ነገር ሊደርስብህ አልተፃፈም፤ የደረሰብህም ነገር ሊያመልጥህ አልተፃፈም።”ይህን በልብህ በጥልቀት ስትረዳ፣ ሰዎች ከአንተ ሲርቁ አትፈራም፤ አንድ ነገር ሲዘገይ አትፈርስም፤ የፈለግኸው ነገር ሳይሆን ሲቀርም አላህ እንደሚያውቅ ታምናለህ።⚠️ ኡመር ኢብኑል-ኸጧብ رضي الله عنه እንዲህ ብለዋል፦ «لَوْ كُشِفَ الْغِطَاءُ مَا ازْدَدْتُ يَقِينًا.» “መጋረጃው ቢነሳ እንኳ ያለኝ እርግጠኝነት አይጨምርም።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
22 сент., 06:50изменён
ለሚስትህ መልካም ውለታ ዋልላት (በዋጋ ሊተመን የማይችል መልካም አያያዝን ያዛትታላቁ ሊቅ አል-ዓላማ ኢብኑ ዑሠይሚን (ረሒመሁላህ) እንዲህ ይላሉ፡«ከዚህ በመቀጠል እወቅ፤ ለሚስትህ ያለህ አያያዝ እንዴት ሊሆን እንደሚገባ ስትገመግም፣ ለአዳጊ ሴት ልጅህ የሚሆን ባል ልታጭላት አስብና—እንዴት እንዲይዛት ትፈልጋለህ? በደረቅነትና በግፍ እንዲይዛት ትፈቅዳለህ ወይ? መልሱ፦ አይደለም የሚል ነው። ታዲያ የሌላውን ሰው ልጅ በከባድና ጨካኝ ሁኔታ መያዝ ካልወደድክ፣ የራስህ ሴት ልጅ በሌሎች ሰዎች እንድትያዝ የማትፈልገውን ነገር ይዘህ የሌላውን ሰው ልጅ ልትይዛት አይገባም። ይህ ደግሞ እያንዳንዱ ሰው ሊያውቀው የሚገባ መሠረታዊ ሕግ ነው።»(አሽ-ሸርሑል ሙምቲዕ ዓላ ዛዲል ሙስተቅኒዕ፣ ጥራዝ 12፣ ገጽ 381)https://t.me/Abu_hibetillah_Asselfiy
قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
22 сент., 06:20
✍ከልባቸው ፍቅር የሚሰጡ ውቦችከነፍሷ በላይ የምትወድህ እና በአንተ ዓለም ውስጥ ልዩ ቦታ ያላት አንዲት እንስት አለች። ይህቺ ሴት በነጻነት የምትተነፍሰው እና የልቧን ምስጢር ሁሉ ያለምንም ፍርሃት የምታዋይህ አንተ ፊት ብቻ ነው። ለአንተ የምታሳይህ የፍቅር ዓይን እና የምትሰጥህ እንክብካቤ ከሌላው ዓለም ፈጽሞ የተለየ ነው።ከአንተ ጋር ስትሆን ቀልዱንም ቁምነገሩንም ቀላቅላ የምታብድልህ ልዩ እብድ ትሆናለች። እንዲህ እንዳሻት የምትሆነው በአንተ ስለምትሰክንና ፍጹም ስለምትተማመንብህ ነው። በአንተ እቅፍ ውስጥ የትኛውም ምድር ላይ የማይገኝ ሰላምና እረፍት ይሰማታል። ከሌሎች ሰዎች ጋር ስትሆን ግን የንግግሯን ጥንካሬ እና ክብሯን ለማስጠበቅ የምታደርገውን ተጋድሎ ታያለህ። ከአንተ ውጭ ባለው ዓለም ውስጥ አንተ ዘንድ እንደምታያት ዓይነት ለስላሳ አትሆንም።ይህቺ ልዕልት በሕይወትህ ውስጥ ልትመጣ የምትችለው አንድ ጊዜ ብቻ ነው። ከእርሷ ጋር አብሮ የሚመጣው ንጹሕ ፍቅርና መታደል ድጋሚ አይገኝም። ወይ ጠብቀህ አብረሃት ትዘልቃለህ አሊያም እርሷን በማጣትህ ትከስራለህ። በኋላ ላይ የእርሷን ዓይነት ስሜት አንድ ፐርሰንት እንኳ ያላትን ሴት ፍለጋ ብትንከራተትም አታገኛትም።ስለዚህ በዚህ ልክ የሚወዷችሁን እመቤቶች አክብራችሁ ጠብቁ።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
22 сент., 06:09
📢ታላቅ የነፍስ አድን ጥሪ ለወንድማችን መስዑድ አወልይህ በፎቶ ላይ የምትመለከቱት ለጋ ወጣት ወንድማችን መስዑድ አወል ይባላል። የ16 አመት ልጅ ሲሆን ተወልዶ ያደገው በኦሮሚያ ልዩ ዞን ከሚሴ ከተማ ሲሆን እንደማንኛውም ሰው ህይወቱን ለመለወጥ በማሰብ ከቤት ከወጣ ወር ከአስራ አምስት ቀን ሆኖታል እሱም ወደ ሳዑዲ ለመሄድ በበረሃ ጉዞ የጀመረ ቢሆንም አሏህን በማይፈሩ እና አጭበርባሪ ደላሎች አማካኝነት ወደ ሊቢያ የወሰዱት ሲሆን፣አሁን ላይ በከፍተኛ ሁኔታ ታስሮ እና ተዘቅዝቆ እየተደበደበ ህይወት ውጭ ህይወት ግቢ ላይ ይገኛል።ለዚህ ወንድማችን አጋቾች የጠየኩት ገንዘብ ሶስት ሚሊየን(3,000 000) ብር ቢሆንም ቤተሰብ ያለውን በሙሉ አሟጦ 500 000 ሺ ብር አጊንተዋል።ነገር ግን አጋቾቹ ሙሉው ገንዘብ የማይገባላቸው ከሆነ ወንድማችንን እንደሚገሉት እየነገሩን ይገኛሉ። እና የተከበራቹህ የሱና ወንድም እህቶቸ የተቻላችሁን በማድረግ ወንድማችንን ከሞት ቤተሰቡን ደግሞ ከጭንቀት ትገላግሉን ዘንድ በአሏህ ስም ሁላችሁም በቻላችሁ አቅም እንድትረዱን እንጠይቃቹሀለን።ባረከሏሁ ፊኩም!🔹ኢትዮጵያ ንግድ ባንክ አካውንት👇 1000365388184 ስም፡Saliha Hassen Endris🔹ደውለው ስለልጁ ሁኔታ ለመጠየቅና ለመርዳት የቤተሰብ ስልክ 📞 0945697003 📞 0943725521
1,080Открыть в Telegramقَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
21 сент., 21:16
переслано из @asselefiyah_channel
እንዴት አያችኋቸው ?🌸ماشاء الله🌸
قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
21 сент., 12:31
አድስ የገባ ንፁህ የጫካ ማርባሉበት እንልካለን ማዘዝ ለምትፈልጉ በ 09 30 32 05 04 09 42 81 99 70 አቡ ሒበቲላህ ብለው ይደውሉ ። ወይም በቴሌግራም አድራሻየ ያናግሩኝ 👇👇👇 @Abu_Hibetilah_bot @Abu_Hibetilah_bot @Abu_Hibetilah_bot @Abu_Hibetilah_botአድራሻየ ደሴ መናፈሻአድስ ነገር ለማገኘት ቻናሉን ይቀላቀሉ t.me/Abu_hibetillah_Asselfiy t.me/Abu_hibetillah_Asselfiy
قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
21 сент., 04:28изменён
🌹ሴቶች ሊረዱት የሚገባ የወንድ ልጅ ስሜት…ትዳር በአንድ ቤት ውስጥ ሁለት ሰዎች መኖር ብቻ አይደለም፤ ሁለት ልቦች እርስ በርሳቸው መረዳዳት፣ መተሳሰብና መረጋጋት ነው።አንዳንድ ጊዜ ወንድ ስሜቱን በብዙ ቃላት አይገልጽም። የሚወደውንም ሰው ለማሳየት ሁሌ ረጅም የፍቅር ንግግር አያደርግም። አንዳንዴ ግን በአንድ እይታ፣ በአንድ ንክኪ፣ በአንድ ቃል ውስጥ የተደበቀ ብዙ ስሜት አለው።🌹ስለዚህ ባልሽ ወደ አንቺ ሲቀርብ፣ ሲያናግርሽ፣ በፍቅር ጊዜ ሲፈልግሽ፣ ይህን እንደ ቀላል ጉዳይ ብቻ አትመልከቺው። አንዳንዴ ከአንቺ የሚፈልገው ነገር አካላዊ ቅርበት ብቻ ሳይሆን፣ “አንቺ ትወጂኛለሽ፣ አንቺ ትፈልጊኛለሽ፣ አሁንም በልብሽ ውስጥ ቦታ አለኝ” የሚል የልብ ማረጋገጫ ሊሆን ይችላል።ነገር ግን ፍቅር አንዱ የሌላውን ፈቃድ መናቅ አይደለም። በትዳር ውስጥም ሁለቱም ሰዎች ስሜታቸው፣ ድካማቸውና ሁኔታቸው እንዲከበርላቸው ያስፈልጋል። እውነተኛ ፍቅር ግፍ አይደለም፤ ርህራሄ ነው። 🌷 ባልሽ ሲደክም አሳርፊው። 🌷 ሲያዝን አዳምጪው። 🌷 ሲፈልግሽ ስሜቱን አትናቂ። 🌷 አንቺ ስትደክሚ ደግሞ ሁኔታሽን በፍቅር ንገሪው። “ዛሬ ደክሞኛል” ማለት እምቢታ አይደለም። “አሁን አልችልም፣ ግን እወድሃለሁ” ማለትም ፍቅርን መግፋት አይደለም። የሚያምረው ትዳር የሁለቱም ሰዎች ልብ የሚሰማበት ትዳር ነው።🥀 ባልሽን እንደ ባል ብቻ አትዪው… እንደ የልብሽ ሰው እዪው። ከስራ ሲመለስ ፈገግ ብለሽ ተቀበይው።قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
21 сент., 03:28
قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
20 сент., 15:26изменён
🌷ሴት ልጅ ከወንድ ምን ትፈልጋለች?ሴት ከወንድ የምትፈልገው ብዙ ነገር የሚመስል ቢሆንም፣ የልቧን ሰላም የሚገነባው በአብዛኛው ከወንድ ልጅ የምትፈልገው እውነተኛ ፍቅር፣ እንክብካቤ እና ክብር ነው።🌹 ① ሴትነቷን የሚወድላት ፍቅር የሚሰጣት ወንድ ትፈልጋለች፦ሴት ባሏ ሴትነቷን እንዲወድ፣ እንደ ሚስቱ ብቻ ሳይሆን እንደ ተወደደች ሴት እንዲያሳያት ትፈልጋለች።እንደሚወዳት እንዲነግራት፣ በቃሉ እንዲያረጋጋት፣ በአመለካከቱም “አንቺ ለእኔ ልዩ ነሽ” የሚል ስሜት እንዲሰጣት ትፈልጋለች። እሷ ፍቅርን ስታገኝ የባሏን ወንድነት ታረጋግጣለች፤ እሷም በራሷ ሴትነት ውስጥ በሰላም ትኖራለች ስለዚ ወንድሜ በደንብ ፍቅር ስጣት።🌿 ② እዝነት እርህራሄና እንክብካቤ ትፈልጋለች፦ሴት ባሏ የምትወጣውን ድካም እንዲያይላት ትፈልጋለች። ቤትን መጠበቅ፣ ልጆችን ማሳደግ፣ ባሏን መንከባከብ ብዙ ጊዜ ሳይታይ የሚከናወን ትልቅ ሥራ ነው። አንዳንድ ጊዜ “ደክሞሻል?” ብሎ መጠየቅና፣ ●“እኔ አለሁልሽ”አብሽሪ ማለት፣ ●በርህራሄ መመልከት፣ ●እና በችግሯ ጊዜ ከጎኗ መቆም… እነዚህ ትንንሽ የሚመስሉ ነገሮች በሴት ልብ ውስጥ ትልቅ ቦታ ይይዛሉ። ርህራሄውን ስታገኝ የመልካም ባህሪውን ውበት ትሰማለች፤ እሷም በተቻላት መጠን ባሏን፣ ልጆቿንና ቤቷን በፍቅር ትንከባከባለች።👑 ③ አንተን እንዲታከብርህ እንደምትፈልገው እሷም ካንተ ክብር ትፈልጋለች፦قَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
20 сент., 14:28
"ኢሬቻ በ10ደቂቃ""Irreecha daqiiqaa 10 kessatti "በፉኣድ ሙሐመድ በኦሮምኛ ቋንቋ የቀረበ ትምህርት ትምህርቱን በዚህ ሊንክ ማግኘት ይቻላል፦ https://t.me/fuadorodurus/1981TelegramFuad Mohammed" إريتشا في عشر دقائق " "Irreecha daqiiqaa 10 kessatti " https://youtu.be/zceQq7gaSy8?feature=shared Fuad mohammed https://t.me/fuadorodurus1,370Открыть в Telegramقَنَاةُ أَبِي هِبَةِاللهِ الأَثَرِيِّ الْحَبَشِيِّ(حسين إسماعيل )
19 сент., 16:37изменён
🌿 አንዳንድ ሰዎች…🌿 በመጨረሻም አንዳንድ ሰዎች የተፃፉልን ዕድል ሳይሆኑ፣ የተማርንባቸው ትምህርቶች እንደነበሩ እንረዳለን።🌿 አንዳንዶች ወደ ሕይወታችን የመጡት ለዘላለም ሊቆዩ አይደለም፤ አንድ ነገር አስተምረውን ከዚያ ሊሄዱ ነው።🌿 አንዳንዶች ደስታን ያመጣሉ፣ አንዳንዶች ሕመምን፤ አንዳንዶች ፍቅርን ያስተምሩናል፣ ሌሎች ደግሞ ራሳችንን እንዴት መጠበቅ እንዳለብን ያሳዩናል።🌿 አንድ ቀን ወደኋላ ተመልሰን ስናይ፣ በእነሱ ላይ ያፈሰስነው እንባ ሁሉ ምክንያት እንዳልነበረው እንረዳለን። የተሰበረው ልብ ምናልባት የተሻለ ሰው ለመሆን የከፈልነው ዋጋ ነበር። አንዳንድ መለያየቶች ቅጣት አይደሉም፤ ጥበቃ ናቸው። አንዳንድ የተዘጉ በሮች ኪሳራ አይደሉም፤ አላህ ከማናውቀው ነገር የሚጠብቀን መንገድ ናቸው።🌿አንዳንድ የተሰበሩ ተስፋዎችም ልባችንን ወደ እውነተኛው ተስፋ እንድናዞር ያደርጉናል። ስለዚህ የሄዱትን ሁሉ በእንባ አንያዛቸው፤ የተማርነውን ትምህርት እንያዝ። የሰጡንን ትዝታ እናመስግን፣ የወሰዱብንንም ልባችን እንልቀቅ።🌿እና በመጨረሻ… የተፃፈልን ሰው ከሆነ ርቆ ቢሄድም መንገዱ እንደገና ያገናኘዋል፤ ያልተፃፈልን ከሆነ ግን ምንም ያህል ብንይዘው የሚቆይ አይሆንም።🌿 ሰዎች አንዳንዴ የሕይወታችን መድረሻ አይደሉም፤ መንገዱን ያስተማሩን ምዕራፎች ናቸው። እና አንድ ቀን ያንን ምዕራፍ በእንባ ሳይሆን በምስጋና እንዘጋዋለን። 🌿
