Последние посты
Dr.Azizbek | Dermatolog
27 авг., 08:40
YUKSAK E’TIBOR VA EHTIROM Men uchun katta sharaf — O‘zbekiston Respublikasi Mustaqilligining 35 yilligi munosabati bilan ta’sis etilgan esdalik nishoni bilan taqdirlandim. Ushbu e’tirof men uchun nafaqat quvonch, balki kelgusida o‘z kasbiy faoliyatimda yanada mas’uliyat bilan mehnat qilishga undovchi katta rag‘batdir. Yurtimiz taraqqiyoti, xalqimiz salomatligi va tibbiyot sohasining rivojiga o‘z hissamni qo‘shish — men uchun sharaf va mas’uliyat. 🇺🇿 Mustaqilligimiz abadiy bo‘lsin! Vatanimiz ravnaqi va xalqimiz farovonligi yo‘lida qilayotgan mehnatlarimiz bardavom bo‘lsin! #Mustaqillik35yil #EhtiromDr.Azizbek | Dermatolog
25 авг., 09:06
переслано из @shmirziyoyev
O‘zbekiston Respublikasi Prezidentining “O‘zbekiston Respublikasi mustaqilligining 35 yilligi” esdalik nishoni bilan taqdirlash to‘g‘risida”gi FarmoniPrezident.uz|Facebook|Instagram|YouTube|X1,670Открыть в TelegramDr.Azizbek | Dermatolog
20 авг., 08:41
Afg‘on shamolining salbiy ta’sirini kamaytirish bo‘yicha hamkorlik Afg‘on shamoli — Surxondaryo hududida quruq, chang va mayda zarrachalarga boy havo oqimlari bilan kechadigan tabiiy hodisa bo‘lib, aholi salomatligi, ayniqsa teri va nafas yo‘llariga salbiy ta’sir ko‘rsatishi mumkin. Shu munosabat bilan Termiz davlat universiteti huzuridagi Hududiy tadqiqotlar markazi hamda Respublika ixtisoslashtirilgan dermatovenerologiya va kosmetologiya ilmiy-amaliy tibbiyot markazi Surxondaryo viloyati hududiy filiali hamkorligida Afg‘on shamolining aholi salomatligiga ta’sirini o‘rganish va uning salbiy oqibatlarini kamaytirishga qaratilgan ishlar amalga oshirilmoqda. Asosiy yo‘nalishlar: • Afg‘on shamoli davrida chang va quruq havoning teriga ta’sirini o‘rganish; • dermatologik va allergik kasalliklarning zo‘rayish xavfini baholash; • aholiga teri va nafas yo‘llarini himoya qilish bo‘yichaDr.Azizbek | Dermatolog
20 авг., 05:26
Afg‘on shamoli terimizga qanday ta’sir qiladi?Afg‘on shamoli — faqat chang-to‘zon emas. U teri uchun ham jiddiy ekologik stress omili bo‘lishi mumkin.Changli shamol vaqtida havodagi PM10 va PM2.5 kabi mayda zarrachalar miqdori oshadi. Bu zarrachalar teri yuzasiga cho‘kib, ayniqsa teri himoya bariyeri zaif bo‘lgan odamlarda muammolarni kuchaytiradi.Mexanizmi qanday?Chang zarrachalari teriga tushgach:PM → oksidlovchi stress ↑ → ROS ↑ → yallig‘lanish ↑ → teri bariyeri buzilishi → TEWL ↑Ya’ni, zarrachalar reaktiv kislorod shakllari (ROS) hosil bo‘lishini kuchaytirib, keratinotsitlar va epidermal lipidlariga zarar yetkazishi mumkin. Natijada terining himoya funksiyasi pasayadi va transepidermal suv yo‘qotilishi (TEWL) ortadi.Qaysi teri kasalliklari kuchayishi mumkin?1. Atopik dermatit va ekzema Teri bariyeri allaqachon buzilgan bemorlarda chang va havoning ifloslanishiDr.Azizbek | Dermatolog
7 авг., 05:59
🚨 Fournier gangrenasi: dermatolog va jarrohlar uchun eng xavfli shoshilinch holatlardan biri Fournier gangrenasi — perineum, genital soha va perianal hududning tez rivojlanuvchi nekrotik fassiiti bo‘lib, kechikkan tashxis bemor hayotiga xavf tug‘diradi. 📊 Epidemiologiya • Kasallik kam uchraydi: erkaklarda yillik uchrash chastotasi taxminan 1,6 holat / 100 000 aholi. • Bemorlarning asosiy qismini 50–79 yoshdagi erkaklar tashkil qiladi. • Erkaklarda ayollarga nisbatan taxminan 10 marta ko‘proq uchraydi. • Barcha gospitalizatsiyalarning 0,02% dan kam qismini tashkil etadi. ⚠️ O‘lim ko‘rsatkichi yuqori • Zamonaviy davolash usullariga qaramay, o‘lim darajasi ko‘plab tadqiqotlarda 20–40% ni tashkil etadi. • 2024-yilgi tizimli sharhda 3646 bemor tahlil qilinib, umumiy o‘lim darajasi 20,4% deb topilgan. Asosiy xavf omillari Qandli diabet Semizlik Immunosupressiya Surunkali buyrakDr.Azizbek | Dermatolog
6 авг., 08:54
📊 O'choqli soch to'kilishi (alopecia areata): Har 50 kishidan bittasida uchrashi mumkin bo‘lgan autoimmun kasallik Alopecia areata (o‘choqli soch to‘kilishi) — immun tizimi soch follikulalariga hujum qilishi natijasida yuzaga keladigan surunkali autoimmun kasallikdir. Kasallik nafaqat bosh sochlari, balki soqol, qosh va kipriklarni ham zararlashi mumkin. 🌍 Statistik ma'lumotlar • Global meta-tahlillarga ko‘ra, alopecia areata dunyo aholisining taxminan 2% qismida hayot davomida uchraydi. • Dunyo bo‘yicha 18 milliondan ortiq inson ushbu kasallik bilan yashamoqda. • Kasallik ko‘pincha 20–40 yoshlar oralig‘ida boshlanadi. • Bemorlarning taxminan 5–10% ida og‘ir shakllar — alopecia totalis yoki alopecia universalis rivojlanishi mumkin. • Alopecia areata bilan kasallangan bemorlarda: – qalqonsimon bez kasalliklari, – vitiligo, – atopik dermatit, – autoimmun kasalliklar sog‘lom aholigaDr.Azizbek | Dermatolog
31 июл., 11:45
Vitiligo va oksidlovchi stress. Bularni nima bog’laydi? Vitiligo uzoq yillar davomida faqat autoimmun kasallik deb hisoblanib kelgan. Biroq so‘nggi yillardagi ilmiy tadqiqotlar kasallikning boshlanishida oksidlovchi stress muhim rol o‘ynashini ko‘rsatmoqda. Oksidlovchi stress nima? Bu hujayrada hosil bo‘ladigan erkin radikallar (ROS – Reactive Oxygen Species) va ularni zararsizlantiruvchi antioksidant tizimlar o‘rtasidagi muvozanat buzilishidir. Vitiligoda aynan melanotsitlar (melanin ishlab chiqaruvchi hujayralar) ROS ta'siriga juda sezgir hisoblanadi. 📊 Ilmiy tadqiqotlar nimani ko‘rsatmoqda? Vitiligoli bemorlar epidermisida: ⬆️ Vodorod peroksid (H₂O₂) miqdori oshadi ⬇️ Katalaza fermenti faolligi kamayadi ⬆️ Lipid peroksidlanishi kuchayadi ⬆️ Mitoxondrial disfunksiya rivojlanadi Natijada melanotsitlar shikastlanadi yoki apoptozga uchraydi. Professor Karin Schallreuter tadqiqotlariDr.Azizbek | Dermatolog
24 июл., 08:05
Yiringli gidradenitda yangi biologik yo‘nalish: IL-1 blokadasi Yiringli gidradenit— qo‘ltiq osti, chov va intertriginoz sohalarda og‘riqli tugunlar, absesslar, oqma yo‘llar va chandiqlar bilan kechadigan surunkali yallig‘lanishli dermatoz. 2026-yilda JAMA Dermatology (Amerika Tibbiyot Assotsiatsiyasi) jurnalida e’lon qilingan 2-bosqich randomizatsiyalangan klinik tadqiqotda lutikizumab preparati o‘rganildi. Lutikizumab nima? Lutikizumab — IL-1α va IL-1β sitokinlarini bir vaqtda bloklaydigan biologik preparat. Yiringli gidradenit patogenezida IL-1 yo‘li yallig‘lanish, og‘riq va to‘qima destruksiyasida muhim rol o‘ynashi mumkin. Tadqiqot kimlarda o‘tkazilgan? Tadqiqotga o‘rtacha-og‘ir va og‘ir Yiringli gidradenit bilan kasallangan, avval anti-TNF terapiya samara bermagan bemorlar kiritilgan. Bu aynan “qiyin davolanadigan” bemorlar guruhi hisoblanadi. Asosiy natija 16-haftada lutikizumabDr.Azizbek | Dermatolog
24 июл., 07:36
SSpH — teri yuzasining pH ko‘rsatkichiSSpH (Skin Surface pH) terining kislotali yoki ishqoriy muhitini baholaydi.Sog‘lom teri yuzasi odatda kuchsiz kislotali: pH 4,2–6,1Bu kislotali muhit “acid mantle” — kislotali mantiya deb ataladi.Kislotali mantiyaning vazifalari: • epidermal barerni mustahkamlaydi; • seramidlar hosil bo‘lishini qo‘llab-quvvatlaydi; • patogen mikroorganizmlar ko‘payishini cheklaydi; • terining tiklanishi va normal deskvamatsiyasini ta’minlaydi.SSpH oshganda: • teri bareri zaiflashadi; • quruqlik va irritatsiya kuchayadi; • mikrobiom muvozanati buziladi; • transepidermal suv yo‘qotilishi — TEWL oshishi mumkin.Dr.Azizbek | Dermatolog
17 июл., 09:40
FotoFinder: teridagi xavfli o‘zgarishlarni erta aniqlash texnologiyasiDermatologiyada eng muhim vazifalardan biri — teri o‘smalari, ayniqsa melanomani erta bosqichda aniqlashdir. Shu yo‘nalishda zamonaviy texnologiyalardan biri — FotoFinder tizimi hisoblanadi. FotoFinder — bu raqamli dermatoskopiya va total body mapping texnologiyasiga asoslangan diagnostik uskuna. U bemor tanasidagi xollar, pigment dog‘lar va boshqa teri hosilalarini yuqori sifatli suratga olib, vaqt o‘tishi bilan ularni solishtirish imkonini beradi. FotoFinder nima qila oladi? 1. Xollarni raqamli dermatoskopiya orqali kattalashtirib ko‘rsatadi; 2. Butun tana bo‘yicha “teri xaritasi”ni yaratadi; 3. Eski va yangi suratlarni solishtirib, o‘zgarishlarni aniqlashga yordam beradi; 4. Shubhali xollarni monitoring qilish imkonini beradi; 5. Melanoma va boshqa teri o‘smalarini erta aniqlashda dermatologga yordamchi vositaDr.Azizbek | Dermatolog
16 июл., 03:37
Terimizda ko‘rinmas xarita bor: Blashko chiziqlari Inson terisida oddiy ko‘z bilan ko‘rinmaydigan maxsus “chiziqlar” mavjud. Dermatologiyada ular Blashko chiziqlari deb ataladi. Qiziq tomoni shundaki, bu chiziqlar qon tomir, nerv yoki limfa yo‘llariga mos kelmaydi. Ular embrional rivojlanish davrida teri hujayralarining qanday joylashgani bilan bog‘liq. Nega bu dermatolog uchun muhim? Ba’zi teri kasalliklari aynan shu ko‘rinmas chiziqlar bo‘ylab chiqadi. Masalan: linear epidermal nevus Q82.5 incontinentia pigmenti Q82.3 linear qizil yassi temiratki Q43.8 linear psoriaz L40.8 segmentar vitiligo L80 chiziqsimon lixen L44.2 Bemor terisida toshma yoki dog‘ oddiy tasodifiy joylashmagandek, balki chiziq, yoy yoki “S” shaklida ketayotgan bo‘lsa, dermatolog Blashko chiziqlarini eslashi kerak. Asosiy g‘oya Teri faqat tashqi qoplama emas. U organizm rivojlanish tarixini ham saqlab qolgan
