Последние посты
IJOD va IJRO •azamategamov•
22 сент., 18:22
Асов вақтнинг изнида умр...Ёшингиз улғайгани сари вақтнинг қиммати ҳам тобора ошиб боравераркан. Ортга боқиб, беихтиёр ўйларкансиз: "Ўзи ҳаётга келиб, кўзга кўринадиган нима иш қилдим?"... Деярли ҳеч нима. " Йўқ, йўқ. Бунақаси кетмайди. Қааанча амалга оширишим керак бўлган вазифаларим бор ҳали?!".. Шошиларкансиз тиним билмасдан. Энди эса фурсат аввалгидан-да азиз, тез ва асов... Ўзга чора йўқ, агарда улгурмоқ маҳол. Чунки ҳув ана, кўриниб турган эшикда сизни кексалик интиқ кутмоқда. Унга етгунча эплаш лозим. Кейин фойдасиз, у билан қучоқ очиб кўришдингизми, тамом. Минг шошманг, қанча қолган бўлсаям барибир, уёғи тошбақа юриш—шунчаки тириклик, холос... Ичимдан тўқимаяпман. Бу оддийгина фалсафа. Жони қилдеккина илашиб турган кекса нуронийларнинг яшаш тарзи, айни дамдаги ҳолсиз ҳаракатлари шундоққина келажагимизга кўзгу ҳамда ибратдир.(Ўша кунларга етказса, албатта).Азамат Эгамов ✍ httpIJOD va IJRO •azamategamov•
22 сент., 03:58изменён
Шеърларим пайт пойлар бир нажот истаб, Кўнглимнинг қил сиғмас тирқишларидан. Назмимга илҳом жўр: "ёз", дейди қистаб, Вақт ортмас турмушнинг ташвишларидан.Азамат Эгамов ✍ https://t.me/egamovazamatijodvaijroIJOD va IJRO •azamategamov•
13 сент., 14:58
Assalomu alaykum, xayrli oqshom barchaga. Go‘zal tabrik va tilaklar uchun tashakkur, azizlar! Xursand bo‘ldim. Dildan chiqqan ezgu niyatlaringiz o‘zingizga-da yor bo‘lsin!IJOD va IJRO •azamategamov•
11 сент., 16:23
Бу дунёда оддий бир инсон бўлишингиз мумкин, аммо ким учундир бутун дунёсиз.Габриэлъ Гарсио МАРКЕС11-сентябрь—мен учун энг эсдан чиқмас ва қадрли саналардан бири. Бу кун—илк бор оталик шарафига мушарраф бўлганман. Севинч ёшларининг нақадар тотли эканини ҳам кўзларимга рўмолча босганча, онамнинг елкаларига бош қўйиб туйганман айнан шу кунда... Ҳа ўғлим, бугун дадангга олам-олам қувончлар туҳфа этиб, сен таваллуд топган кун. Худди кечагина эдия?! Вақтни асовлигини қара... 11-сентябрь, чошгоҳ: соат 11. 11 йил ўтиб, мана 11 ёшдасан. Эҳҳҳ, бу йиллар! Иккимизга бир умрга татигулик аччиқ ҳамда ширин бўлган не-не хотираларни ҳадя этиб кетмади дейсан, тўнғичим! "Дадам шеър ёзмабди бу сафар", дема. Негадир қисқагина гапиргим келди, холос. Кўпига бардош қайда? Умринг узун, ризқинг бутун бўлсин илоҳим. Сен учун Яратгандан юксак салоҳият, билим, одоб ва қолаверса мазмунли, нурафшон, фаровонIJOD va IJRO •azamategamov•
10 сент., 19:32
Зим-зиё, ёйилган туннинг пардаси, Фурсатга ем бўлди бугунимиз ҳам. Чиқиллаб, тош ботар соат зардаси, Ҳорғиндир руҳият, бемажол қалам.Дил ҳарис, "ёз" дейди қатъий оҳангда Битмоқ машаққати онг-шуурга малол. Барибир қалб ғолиб аёвсиз жангда, Ёздиргач тин олар, сўнгра бемалол....Азамат Эгамов ✍ 11. 09. 2026 https://t.me/egamovazamatijodvaijroIJOD va IJRO •azamategamov•
9 сент., 02:48
ТОНГ ТУЙДИРГАН ТУЙҒУЛАРЎғлим билан қизчамнинг иккиси икки билагимни қучганча, оқшомлари бараварига "дадаа эртак айтиб берииинг, эшитиб ухлагимиз келятиии", дея эркалик қилган ўша маъсум кечаларни, йилларни соғиндим жудаям... Ҳозир ҳам айтиб бергим келади, лекин улар "йўғеее дада, уялтирманг", дейишади жилмайиб... Вақтнинг бешафқатлиги ҳам айнан ана шунда. У болангизни улғайтиради, сизни "катта одамга" айлантиради, ота-онангизни эса борган сари қаддини букиб, юзларига ажин, азиз бошларига қалин қиров сепиб бораверади. Уларни даврасида эканинггиз, жондан азиз яқинларингизга меҳр бериб, улар эса сизга ишониб, суяниб яшаётганликлари эса энг суюк ва энг буюк бахт!Бироз телбавор руҳиятим бор. Айниқса тоза тонг пайтида ўтмиш сайрида кезишни яхши кўради, ҳардам хаёлларим. Сиз бунга эътибор берманг, азизлар. Сизларга соғ - омонликда, гўзал кайфиятда отган мунаввар тонг муборак дейман!АзаматIJOD va IJRO •azamategamov•
6 сент., 07:29
Жилосини кўз-кўзлаб хаёлимни бузди куз, Руҳиятимга ишқнинг сувратини чизди куз.Ғулғула солиб ғоят, ишқдан пичирлаб оят, Қирқ еттимнинг сўқмоғин гулга кўмиб кезди куз.Пинҳонгина саросар, йўллаб чиройли хабар, Туйғулар баёнидан ажиб девон тузди куз."Кўнгилда истиҳола, кузда не даркор лола", Десам япроғин узиб, дунёларни бузди куз.Қўлимга тутиб қалам, тўрт фаслни қилиб жам, Пардозни қилиб бекам кўнгилдан гул узди куз.Хаёл, дилга бўл ҳамдам, гулга кўмилсин қадам, Субҳидамда рўпарў қилди ишққа ўзни куз.Муаллиф: Умида Юсупова✍IJOD va IJRO •azamategamov•
4 сент., 16:30
переслано из @marvaridfikrlar
#руҳиятШом яқин, паришон, хаёлим хаста, Кеч бўлди, ҳеч ишга улгурмай бироқ. Қуёш жим ва ҳорғин бош қўяр аста, Ҳаётим лавҳидан йиртиб бир вароқ.Азамат ЭГАМОВ@MarvaridfikrlarIJOD va IJRO •azamategamov•
3 сент., 07:01изменён
СЕН КЕТДИНГ...Сен кетдинг, изнингдан кетмади юрак, Кутяпман, афсуски сендан йўқ дарак, Ишқ ҳам аро йўлда сарсон, жонсарак, Аҳволимни бир бор сўроқла, дилдор.Сен кетдинг, қайтмоғинг они даргумон, Жимгина айтмасдан кетмоқлик ёмон, Чин ошиқ юз бурмас, ўшаман ҳамон, Аҳволимни бир бор сўроқла, дилдор.Сен кетдинг, бу тақдир эмас бежизга, Айт нетай юлдузинг тушса юлдузга, Бағритош бўлмасдан, айланмай музга, Аҳволимни бир бор сўроқла, дилдор.Сен кетдинг, руҳимга шодлик бегона, Сўқир қалб хўп қайсар, ўтмас баҳона, Кетмас бўлиб келгин, чорлай шоҳона,IJOD va IJRO •azamategamov•
2 сент., 09:16изменён
Сония...Бир сония нима аслида? Кимлар ўтди, қолишди ҳўнграб. Айни дамда башар наслида Минглаб фарзанд туғилди инграб."Наҳот лойиқ шунча сўровга?" Англамаймиз бу оннинг кучин. Сўнгги лаҳза қайси бировга, Янги нафас тағин ким учун.Ўтказмайлик вақтни маънисиз, Умр беш кун, ўйлайман гоҳо. Дийдор ширин! Келинг, қанисиз? Сония қадри шундан бебаҳо...Азамат Эгамов ✍ 02. 09. 2026. https://t.me/egamovazamatijodvaijroIJOD va IJRO •azamategamov•
2 сент., 03:11
Бурч ва масъулликни гарданга ортиб, Борингки, қирққача шаҳдамдир одам. Қувват ҳам, идрок ҳам орқага тортиб, Шу қирқдан ташланар қаришга қадам.Азамат Эгамов ✍ https://t.me/egamovazamatijodvaijroIJOD va IJRO •azamategamov•
1 сент., 01:32изменён
Ассалому алайкум, азиз юртдошларим! Аввало бутун Ўзбекистон халқини ҳамда жамики Қашқадарёликларни, Китоб тумани аҳолисини, қолаверса, киндик қоним томган Аёқчи элимни юртимиз бўйлаб кенг нишонланаётган Мустақиллик байрами билан чин юракдан табриклайман! Ҳурлигимиз барқарор, бардавом ва абадий бўлсин илоҳим! Тинч ва мусаффо осмонимизга ҳеч қачон кўз тегмасин!.🇺🇿 ВАТАН 🇺🇿Армуғон этайин шеър ҳаволамни, Дастлаб сенда кўрдим ёруғ оламни, Отамни сўнг мени ҳамда боламни, Ардоқлаб ўраган йўргаксан, Ватан!Тетапоя бўлдим, илк қадам юрдим, Балоғатга етдим, елдек югурдим, Қоқилдим, йиқилдим ва яна турдим, Тирсагим тирасам тиргаксан, Ватан!Сенда хотиржамман, уйғоқ, ҳушёрсан , Отамсан, онамсан, содиқ дўст-ёрсан, Туну кун тинчлик деб ҳалак, бедорсан, Қалқонсан, посбонсан, сергаксан, Ватан!Боқиб хаёл сурсам, ойдирсан ўзинг,IJOD va IJRO •azamategamov•
30 авг., 17:34изменён
СОДДА БОЛАЛИК ЁХУД ДЎСТИМНИНГ ЧЎПЧАГИ... Давоми... Аблочкани уйимизнинг энг чекка токчасига яширдим. Бу ҳақда на отамга, на онамга айтдим. Ҳеч ким билмади. Ўзим ҳам бормасдан кўзим билан қўриқлаб юрдим. Ишонинг, бир ҳафта бир йилдек ўтди мен учун. Ора-орада ҳалиги "шустрий" ҳамкорим великчасини сариқ симимда қўғирчоқдек безаб олиб, кўзимни ўйнатганча кўчадан зипиллаб ўтиб қолади. Оддий сим аравача суриб юрган мени деярли кўрмайди. Баъзан сал секинлаб, буйруқ оҳангида: "Беркитиб қўйибсанми? ҳали очма! ", дейди-ю, жавобимни кутмасдан, яна газига тепади... Ниҳоят, ниҳояттт! Мени энтиктириб кутдирган ўша кун келди."Бугун менинг алъбомим яна битта қаҳрамонга кўпаяди!" Юракчам гупиллаб, токчага яқинлашдим. Уйда ҳеч ким йўқ, агар ҳаяжонимни сезишлари аниқ эди. Оёғим остига кўрпачаларни қалаб, устига аста чиқдим. Ана, мен остига аблочка беркитган қалин китоб. Асқад Мухторнинг "БўронлардаIJOD va IJRO •azamategamov•
28 авг., 08:26изменён
СОДДА БОЛАЛИК ЁХУД ДЎСТИМНИНГ ЧЎПЧАГИЁшлигимдаги бир воқеа эсимга тушди... Ўшанда тахминан 5-6 ёшларда эдим. Катта асфалът бўйида чўкка тушиб, сим аравачам рулига сариқ сим ўраб ўтирсам, маҳалламиздаги учига чиққан "крутой" бир тенгдошим (исмини сир тутишга қарор қилдим, ранжимасин) велосипедчасида катта тезлик билан келди-да, ёнимдан ўтаётиб, қаттиқ тормоз бериб тўхтади.(Кейинчалик фаҳмладим, бу мени "духимни" синдиришга қаратилган ҳаракат экан). Тормоз натижасида кўтарилган чанг бироз тарқагач, икки қўли ҳамон рулда, бир оёғи билан ерга таяниб, менга айёрона тиржайиб турган ўртоғимнинг сариқ башараси кўринди: -Қалайсааан, жўраа? —киборларча ҳол сўраган бўлди у. -Яхшии, —дедим ҳадиксираброқ. У бошқа сўз демади. Шортикчасининг орқа чўнтагига қўл суқди-да, "Кока-кола"нинг яп-янги этикеткасини чиқариб менга тутқазди:(Ўтиш даври бўлгани боис у пайтларда "кола"ни ҳамма ҳам ичаIJOD va IJRO •azamategamov•
27 авг., 15:46
Фонийдан боқийга назар...Ёшингиз улуғлашиб боргани сари кетишга тараддуд кўра бошларкансиз. Шамнинг пилиги бўлгингиз, хоҳ ширин сўз, хоҳ самимий табссум ёки чиройли амаллар билан сал бўлсада қаернидир ёритгингиз, ортингиздан яхши ном қолдиргингиз келаркан. Тўғри, турфа ташвишли ҳаёт барча истакларингиз рўёбига тўсқинлик қилади, бу табиий. Аммо оз бўлсада хайрли ишларга улгуришга интилавераркансиз... Кетмоққа тайёргарлик ҳақида ўйлаш инсонни чўчитса-да, бироқ чиройли якун билан қайтмоқлик аслида бир гўзаллик. Лекин акси бўлсачи?... Қўрқинчлия?!.. Қирққа етиб, ундан ошаверсангиз ўз-ўзингиздан қизиққонликдан, навқиронликнинг ҳою ҳавасларидан чекиниб, чин дунё ва охират ҳақида ўйлай бошларкансиз. Бу бироз оғриқли туюлса-да вақтни ўзи кўниктириб бораркан инсонни. Ўткинчи дунё бозоридан боқийга томон хаёлотнинг илк қадамлари... Ишонч ила иймон муборак, дегим келади. Инсон эскирган сари эсиIJOD va IJRO •azamategamov•
26 авг., 01:14изменён
... ЯШАШИМЛабларимга тутиб қатра кулгуни, Тонг отди, ёришиб зимистон туни, Роббимдан ўзгаси билмайди буни, Номаълум вақт менинг яшашим!Дилимга тугилган қанчалар ният, Елкамда вазифам: бурч, масъулият, Оилам—шанимдир, жуфтим—орият, Шамолдек шаҳд менинг яшашим!Гулдек гўдакларим ширин уйқуда, Сочларин силайман ажиб туйғуда, Йигитнинг энг буюк қувончи шуда, Нақадар бахт менинг яшашим!Ризқ дея отландим ишимга насиб, Ҳалол насибамдан қилма бенасиб, Ўзинг қўллагайсан ё Раб, ёнасиб,IJOD va IJRO •azamategamov•
19 авг., 15:48изменён
Баъзида руҳимни мажақлар, янчар, Хотиранг жисмимда қондек оралаб. Эҳ ўтмиш! Жонимга қиличин санчар, Бурдалар, нимталар, ташлар яралаб. Азамат Эгамов ✍ https://t.me/egamovazamatijodvaijroIJOD va IJRO •azamategamov•
19 авг., 06:22
Фарзандлар эртамиз, ёнар шамимиз, Рўзғор тебратмоқлик ширин ғамимиз. Елкада қирқ ямоқ, лек тешик хуржун, Токи қазо қадар тўлмас камимиз...Азамат Эгамов ✍ https://t.me/egamovazamatijodvaijroIJOD va IJRO •azamategamov•
17 авг., 19:34изменён
Баъзида руҳимни мажақлар, янчар, Хотиранг жисмимда қондек оралаб. Эҳ ўтмиш! Жонимга қиличин санчар, Бурдалар, нимталар, ташлар яралаб.Азамат Эгамов ✍ https://t.me/egamovazamatijodvaijroIJOD va IJRO •azamategamov•
12 авг., 10:00
Ғийбат ноқис иллат, қалб кушандаси, Айтинг, иғво кимни мансабдор этган? Чиранманг, ўзгармас, ожиз бандаси, Кимда қай фазилат, Ҳақ назар этган.Ҳар каснинг ўз хулқи, феъл - атвори бор, Қўйинг, таққос этманг кимнидир кимга. "Кам сўзланг", донолар айтмаган бекор, Сукутда хислат кўп! "Хўп", денг сўзимга.(Агарда инсонлар чиндан ҳам бошқаларни ўз ҳолича, борича қабул қила олганларида эди, "ғийбат" аталмиш юқумли манфур иллат башариятнинг қон-қонига бу қадар синггиб кетмаган бўларди)Азамат Эгамов ✍ 12. 08. 2026. https://t.me/egamovazamatijodvaijro
