Последние посты
Mohammed ElGhaleez
22 окт., 02:04
السلام عليكم ورحمة الله وبركاته صباح الخير يا شبابيقول ربنا في الحديث القدسي: "إذا تَقَرَّبَ عَبدي مِنِّي شِبرًا؛ تَقَرَّبتُ منه ذِراعًا، وإذا تَقَرَّبَ مِنِّي ذِراعًا؛ تَقَرَّبتُ منه باعًا، وإذا أتاني يَمشي؛ أتَيتُه هَرولةً"..يا الله! ما أعظم سعة رحمة الله، وما أعظم فضله على عباده! تتقدم إلى الله بخطوة؛ فيتفضل عليك بمزيد من القرب والرحمة والهداية.تسيب ذنب اعتدت عليه.. تفتح المصحف بعد انقطاع.. تحافظ على صلاة كنت بتضيّعها.. تبدأ برجوع صادق بعد غفلة طويلة.. تستغفر وإنت نادم، وتسأل ربنا يعينك على الثبات..ممكن بداية بسيطة يفتح ربنا عليك بيها من أبواب الخير الكثير.فابدأ باللي تقدر عليه النهاردا، وادعي ربنا يعينك على اللي لسه مش قادر عليه..خطوة صادقة في طريق الطاعة أفضل من انتظار طويل لحد ما تحس إنك مستعد..أقبِل على الله، ولا تيأس من رحمته؛ فباب الرجوع إليه مفتوح.اللهم أعنّا على ذكرك وشكرك وحُسن عبادتك، ولا تحرمنا لذة القرب منك.t.me/moh_elghaleezMohammed ElGhaleez
21 окт., 17:01
العبرة بالرسالة ✋#قصتهم_هي_قصتنا #محمد_الغليظMohammed ElGhaleez
21 окт., 11:00
الفتوى في الدين بغير علم! من أكتر الآفات انتشارًا بين المسلمين رغم أنها من الكبائر؛ فتلاقي مثلًا شخص ماتعلمش دينه بشكل سليم وبيتكلم في الدين برأيه وهواه وكمان بينتقد أراء العلماء الكبار!والأشد كمان لما تلاقيه بيفتي لغيره بكل ثقة ويقوله حرام وحلال رغم إنه مش مؤهل للفتوى أساسًا!▪︎ طب يا ترى الشرع قالنا إيه في الموضوع ده؟- قال الله تعالى: {قُلۡ إِنَّمَا حَرَّمَ رَبِّیَ ٱلۡفَوَ ٰحِشَ مَا ظَهَرَ مِنۡهَا وَمَا بَطَنَ وَٱلۡإِثۡمَ وَٱلۡبَغۡیَ بِغَیۡرِ ٱلۡحَقِّ وَأَن تُشۡرِكُوا۟ بِٱللَّهِ مَا لَمۡ یُنَزِّلۡ بِهِۦ سُلۡطَـٰنࣰا وَأَن تَقُولُوا۟ عَلَى ٱللَّهِ مَا لَا تَعۡلَمُونَ}.- وقال تعالى: {وَلَا تَقُولُوا۟ لِمَا تَصِفُ أَلۡسِنَتُكُمُ ٱلۡكَذِبَ هَـٰذَا حَلَـٰلࣱ وَهَـٰذَا حَرَامࣱ لِّتَفۡتَرُوا۟ عَلَى ٱللَّهِ ٱلۡكَذِبَۚ إِنَّ ٱلَّذِینَ یَفۡتَرُونَ عَلَى ٱللَّهِ ٱلۡكَذِبَ لَا یُفۡلِحُونَ مَتَـٰعࣱ قَلِیلࣱ وَلَهُمۡ عَذَابٌ أَلِیمࣱ}.- والنبي ﷺ قال: "إنَّ اللهَ لا يَقبِضُ العِلمَ انتِزاعًا يَنتَزِعُه مِنَ العِبادِ، ولَكِن يَقبِضُ العِلمَ بقَبضِ العُلَماءِ، حتَّى إذا لَم يُبقِ عالِمًا اتَّخَذَ النَّاسُ رُؤوسًا جُهَّالًا، فسُئِلوا فأفتَوا بغيرِ عِلمٍ، فضَلُّوا وأضَلُّوا".▪︎ وتعالوا نشوف مع بعض قصة حصلت في عهد النبي ﷺ لناس تجرأت وأفتت بغير علم!عن جابر بن عبد الله رضي الله عنهما قال: خرجنا في سفر فأصاب رجلًا منَّا حجَرٌ فشجَّهُ في رأسِهِ ثمَّ احتَلمَ؛ فسأل أصحابه فقال: هل تجدون لي رخصةً في التَّيمُّمِ؟ فقالوا: ما نجد لك رخصة وأنتَ تقدر على الماء. فاغتسَلَ فماتَ! فلمَّا قدِمنا على النبي ﷺ؛ أُخْبِرَ بذلِكَ.. فقال ﷺ: "قَتلوهُ، قتلَهُمُ اللَّهُ، ألا سألوا إذ لم يعلموا، فإنَّما شفاءُ العيِّ السُّؤالُ، إنَّما كانَ يَكْفيهِ أن يتيمَّمَ ويعصرَ أو يعصبَ على جرحه خرقةً ثمَّ يمسح عليها ويغسلَ سائرَ جسده"..فالمطلوب منك 3 حاجات: 1. لما يكون عندك سؤال في الدين أو محتاج فتوى بخصوص أمر ما؛ تروح تسأل أهل العلم الثقات المشهود لهم بالصلاح.2. لما حد يسألك في حاجة ماتعرفهاش؛ قول لا أعلم وماتتكسفش من ده.3. طالما إنت مش أهل للفتوى؛ فلما حد من صحابك أو جيرانك مثلًا يجي يستفتيك في أمر محتاج فتوى إوعى تتجرأ وتقوله حلال أو حرام! الصح إنك تنصحه وتشجعه يروح لأهل العلم الثقات يستفتيهم.#الفتوى_في_الدين_بغير_علم #آفات_اللسانt.me/moh_elghaleezMohammed ElGhaleez
21 окт., 02:01
السلام عليكم ورحمة الله وبركاته صباح الخير يا شبابفيه موظف بيضيّع وقت الناس وهو قادر يختصر الوقت عليهم، وفيه تاجر بيخفي عيب في سلعة عشان يبيعها، وفيه حد بيبالغ في حجم خبرته ويوعد بحاجة هو عارف إنه مش هيقدر ينفذها!وبيقول في نفسه: كل الناس بتعمل كده، ما هو محدش هياخد باله...، وناسي إن الطرف التاني لو عرف الحقيقة كاملة مكانش هيوافق على اللي هو بيعمله!قال تعالى: ﴿إِنَّ اللَّهَ يَأْمُرُكُمْ أَن تُؤَدُّوا الْأَمَانَاتِ إِلَىٰ أَهْلِهَا…﴾والأمانة مش بس فلوس بنحافظ عليها، ولا أسرار بنخبيها.. الأمانة كمان في شغلك، وجودة اللي بتقدمه، وصدق كلامك ووعودك والحقوق اللي في إيديك.لما حد يدفع لك مقابل خدمة؛ فهو ائتمنك على ماله.. ولما مدير يكلّفك بمهمة؛ فهو ائتمنك على مسئولية. ولما عميل يطلب منك شغل؛ فهو محتاج يثق إنك بتقول له الحقيقة.وكون إنك تقدر تخدع الناس من غير ما يكتشفوا، مش معناه إنك شاطر!معناه إنك خاين للأمانة! فاتقِ الله في كل مسئولية في إيدك، ولو أخطأت؛ اعترف وحاول تصلح.واعرف إن رزقك مش هيزيد لما تخدع الناس، ورضا الناس عنك مش أهم من رضا ربنا.. وخلي مراقبة ربنا ليك أقوى من نظر الناس، وخلي سمعتك بين الناس مبنية على حقيقة أفعالك، واللي يتعامل معاك ميبقاش محتاج يفتش وراك.اللهم ارزقنا الحلال، وأعنّا على أداء الأمانات.t.me/moh_elghaleezMohammed ElGhaleez
20 окт., 17:00
اتفرج على المشهد صح🤝🏻#قصتهم_هي_قصتنا #محمد_الغليظMohammed ElGhaleez
20 окт., 11:02
القذف! المقصود به الرمي بالفاحشة زي إن شخص يتهم حد بالزنا بدون شهود، والفعل ده من كبائر الذنوب، وفاعله فاسق لا تُقبَل له شهادة.. قال الله تعالى: {وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ}..وقال تعالى: {إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ}..والنبي ﷺ قال: "اجتَنِبوا السَّبعَ الموبقاتِ" وذكر منها: "وقَذفُ المُحصَناتِ المُؤمِناتِ الغافِلاتِ".وقال أيضًا ﷺ: "من قال في مؤمنٍ ما ليس فيه؛ أسكنه اللهُ رَدْغَةَ الخَبالِ حتَّى يخرُجَ ممَّا قال".. والمراد أن الله سيعذبه بعصارة أهل النار وصديدهم.فاتقِ الله في نفسك، وإياك أن تخوض في عِرض الناس.. الاتهام ممكن يكون سهل تقوله، وتنشره وسط الناس.. لكن عقابه في الدنيا والآخرة شديد جدًا؛ فأمسك عليك لسانك.#القذف #آفات_اللسانt.me/moh_elghaleezMohammed ElGhaleez
20 окт., 02:01
السلام عليكم ورحمة الله وبركاته صباح الخير يا شبابفي أوقات كتير بنكون محتاجين حاجة تشرح صدورنا، وتخفف الزحمة اللي جوانا، وتخلينا نقدر نكمّل يومنا بقلب أهدأ.فنحاول نغيّر المكان، أو نخرج شوية، أو نتكلم مع حد، أو نشغل نفسنا بأي حاجة تبعدنا عن التفكير.وكل ده ممكن يكون له أثره، لكن بننسى عبادة بسيطة نقدر نعملها في أي وقت وأي مكان، ومن غير ما تحتاج مننا مجهود كبير!قال تعالى: ﴿وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ فَسَبِّحْ بِحَمْدِ رَبِّكَ وَكُن مِّنَ السَّاجِدِينَ﴾وسط ما يثقل قلبك من كلام الناس، وضغوط الحياة، وكثرة التفكير، فيه باب تقدر تلجأ إليه: أن تذكر ربك، وتسبّحه، وتحمده.لما تقول «سبحان الله»؛ فأنت تنزّه ربك عن كل نقص.. ولما تقول «الحمد لله»؛ فأنت تستحضر أن له الحمد على نعمه، وعلى فضله، وعلى ما تعلمه من الخير وما لا تعلمه.ولما تكرر الذِّكر بقلب حاضر؛ فإنت بتدي قلبك فرصة يخرج فيها من دوامة الانشغال بالمخلوقين والأحداث، ويتوجه إلى خالقه.سبحان الله وبحمده، سبحان الله العظيم.t.me/moh_elghaleezMohammed ElGhaleez
19 окт., 17:00
اسأل نفسك السؤال ده👌#قصتهم_هي_قصتنا #محمد_الغليظ
