Последние посты
"Куораттан дэриэбинэҕэ: Пиэрмэр"
30 авг., 08:46
Үтүө киэһэнэн❤️Миигин сүтэрбиттэрэ буолуо диэн бүк эрэллээх телеграммар киирэн суруйан эрэбин🤗☀️2020 сыллаахха пиэрмэр идэтин баһылыыбын. 2021 сылга сүрэх баҕатын толорон, тыа сиригэр көһөбүн. Ол тухары үлэ, үлэ киһитин, үлэттэн үөрүүнү, үлэ кыһалҕатын бастаан инстаграмҥа, оттон телеграм-ханаалга суруйан кэллим.Аны билигин MAX-ханаал арынным.Суруйууларбын сөбүлээн ааҕааччыларбар махтанабын уонна салгыы бииргэ буолуохха диэн ыҥырабын❤️МАХ-ханаалбар бу сигэнэн киирэн подпискаланыҥ 🫶🏻💫https://max.ru/channel_polinafermer"Куораттан дэриэбинэҕэ: Пиэрмэр"
6 мар., 11:15
Этин барытын сулуйан ылан, эрийэн баран, уҥуоҕунан миин буһарынныбыт.Мииммитин эбиэккэ итиилии-буһуулуу иһэн бурдьугунаттыбыт. Бурдьугунатар диэн тылы Улахан быһаарыылаах тылдьыкка буллум. Миини иһэр тыаһы итинник ойуулаабыт М. Доҕордуурап.Идэбитинэн "Мм, ас диэн бу буоллаҕа дии", - дэһэ-дэһэ силии бөҕө сиэтибит😋😋😋Ол кэннэ уҥуохпун үлтү оҕустаран (уҥуоҕум ууллан), сыттым ээ😃 онтон олох да утуйан хаалбыппын.Тылдьыкка көрөбүт:Уҥуоҕун үлтү оҕустарбыт – утуйар курдук туруктан, утуйуоххун баҕар. Θ Быть сонливым, вялым (букв. кости его раздроблены).Уҥуоҕа уулбут – сэниэтэ суох буолбут. Θ Чувствовать слабость, вялость (букв. кости его растаяли).Ыйытыы: Сахалар тоҕо миини иһэбит диибитий? Атын норуоттар мииннэрин сииллэр ээ.Бастакынан толору хоруйу биэрбиккэ - 🥇#миин #ас"Куораттан дэриэбинэҕэ: Пиэрмэр"
1 мар., 07:55
"Күн эргиирэ" блины оһуора-мандара.#ас"Куораттан дэриэбинэҕэ: Пиэрмэр"
1 мар., 07:44
«Күн эргиирэ" блины ураты көстүүтэ.#ас"Куораттан дэриэбинэҕэ: Пиэрмэр"
1 мар., 07:22
"Күн эргиирэ" блины кутуутун уратыта.#ас"Куораттан дэриэбинэҕэ: Пиэрмэр"
1 мар., 03:57
"Күн эргиирэ" блины тиэстэтин кистэлэҥэ.#ас"Куораттан дэриэбинэҕэ: Пиэрмэр"
1 мар., 03:54
Үтүө күнүнэн☀️Ааҕааччым Мария Барашкова "Күн эргиирэ" блины кутуутун видеоҕа устан ыытарбар эппитин толоро сатаатым да, олох видеоны хачайдаан укпат буолбут бу телеграм.Сыыры эмиэ ыйыппыт этэ Мария.Дьиҥэр, устубутум. Онон хайдах сатанарынан ыытан көрүөм, биирдиилээн да буоллун. Барытын биирдэ уган ыытар кыаллыбат буолбут."Куораттан дэриэбинэҕэ: Пиэрмэр"
20 февр., 00:51
Масленица бэһис күнэ, тоҕо "Күн эргиирэ" блиныҥ ырысыабын таһаарбаккын диэн бу сарсыардаттан ыйытыы киирдэ☺️Ырысыаба - классическай😅 Биир литр 🥛+ икки 🥚🥚 + ууллубут ынах арыыта 🧈 + сода, туус 😋"Күн эргиирэ" блины биир кистэлэҥэ кини кутуутугар. Ол курдук тиэстэни блинница ортотугар кутаат, тиэстэни куппут хомуочуйаҥ алын өттүнэн эргиччи сүүрдэн кэбиһэҕин. Бүттэ☺️Масленица бэһис күнүн историятын арыйан аахтым - Тещины вечерки дииллэр эбит. Ол аата Күтүөт Ийэ кыннын блинынан күндүлүүр күнэ буолбут.Күтүөт ийэ кыннын төһөнөн үөрэн-көтөн, айхаллаан, частушкалаан, ыллаан көрсөр да, соччонон дьиэ кэргэн туруктаах буолар диэн суруйбуттар.Блиныны дьиэлээх хаһаайка оҥорор.Уонна бүгүн саамай кылаабынайа - ТОҔУС БЛИНЫНЫ сиэхтээх эбиппит. Ити доруобай буолууга уонна байылыат олоххо диэбиттэр.#доруобайбуолуҥ"Куораттан дэриэбинэҕэ: Пиэрмэр"
14 февр., 06:16
Дьиэбэр иккис этээскэ 💻 үлэлии олоробун.Эмискэ 📲👨🏽🌾үлэлии олороҕун? 👩🏻🌾оннук. 👨🏽🌾түннүгүнэн көр эрэ…💝Тапталлаахтар күннэринэн барыгытын эҕэрдэлиибин уонна куоҥкурус биллэрэбин💞 "Мин сүрэҕим историята" диэн олоххутугар буолбут кэрэ-бэлиэ кэпсээни комментарийдарга суруйан хаалларыҥ. Бирииһэ - 🎁🥛+🥩 ас😋😋😋#тыасирэ #тапталбаар"Куораттан дэриэбинэҕэ: Пиэрмэр"
13 февр., 04:49
Бүгүн Ийэ тыл күнэ😍💝Сахалыы саҥалаах, сахалыы тыыннаах ыалга төрөөбүт, иитиллэн-уһаарыллан тахсыбыт буоламмын, норуот бэйиэтэ Семен Даниловтыы эттэххэ, мин саҥам билигин "сахалыы сатарыыр"📝Саха тыллаах ааҕар ЯСИА сахалыы сирэйигэр эрэдээктэрдиибин. Онон төрөөбүт сахам тыла сайдыытыгар, киэҥ араҥаҕа тарҕанарыгар кылааппын киллэрсэрбинэн киэн туттабын📚2020 сыллаахха АГАТУ-га үөрэнэн, пиэрмэр (биэримэр - Дапсы) буолуохпуттан саха төрүт аһын туһунан үөрэтэбин, астыыбын, анаан үөрэтэр дьон, учуонайдар чинчийиилэрин билсэбин, өбүгэлэрбит доруобай аһылыктарын аныгы тэтимҥэ аҕаларга кыһаллабын. "Саха - һахатынан кэрэ" диэн этии курдук "Саха аһынан кэрэ" диэн дириҥ ис хоһоонноох өйдөбүл хас биирдии киһиэхэ баар буолуон баҕарабын. Төрүт ас култууратын ис дьиҥэр тиийиэхпин ыралыыбын🥛🥩Ханнык баҕарар эйгэҕэ аата, аан тыла, аат тыла инники күөҥҥэ тутуллар. Онон, бу тылбаас идэтигэр"Куораттан дэриэбинэҕэ: Пиэрмэр"
12 февр., 11:41
Сардаана, аан бастаан эн билбитиҥ быһыылаах, мин тыа сиригэр олохсуйар баҕабын. Бэйэбит иитиэхтээн оҥорон таһаарбыт Улусмедиа саайтпыт "Паспорта районов" түһүмэҕэр 17 оройуон дьонун-сэргэтин үлэтин, дьарыгын сэһэргээбиппит. Тыа сиригэр сылдьарбын, үлэ дьонун кытта кэпсэтэрбин, дьиҥнээх олоҕу суруйарбын сөбүлүүр да этим.Билигин бэйэм тыа сирин олохтооҕобун😍Киһи ыра санаалаах буоллаҕына, онтугар син-биир ханан эрэ эргитэн тиийэр эбит. Баҕар чэпчэкитик, баҕар ыараханнык.Саамай сөпкө эттиҥ - аны кырата үс сылынан гастротуризмҥа саатар биир атахпынан үктэниэхтээхпин. Онно эрэнэбин эрбэр, оҕолорбор, аймахтарбар, биир дойдулаахтарбар, доҕотторбор."Народный фермер" уопсастыбаннай тэрилтэ телеграм-ханаалыгар суруйбутун таһаардым үөһэ хаартыскаларга. Манна төһө сөбүлэһэҕит? Биһиги уһаайбабытыгар сахаҥ төрүт аһын аһыы, бэйэҥ ынах ыан үүт иһэ, идэһэлээн, ис сууйан, буотарах миинэ иһэ"Куораттан дэриэбинэҕэ: Пиэрмэр"
10 февр., 11:15
Сыр / сыыр / туналыкӨссө биир сакаас бэлэм буолла.Табылынна ахан😍 Сакаасчытым мааны киһи буоллаҕа🫶🏻#тиэрмин #сахатыла"Куораттан дэриэбинэҕэ: Пиэрмэр"
8 февр., 09:10
Бүгүн билим (наука) күнэ. Барыгытыгар эҕэрдэ буоллун.Тылбаас хайысхатыгар магистратураҕа үөрэнэр буолан, билимҥэ сыһыаннаах курдук сананабын.Үөрэхпит интэриэһинэйэ олус. Бииртэн биир урут билбэтэх билиибин күн аайы эбинэн иһэбин.Холобур, бастакы хаартыскаҕа көрүҥ. Тыл үөскэҕин үөрэтии.Ур уонна Хом диэн үөскэхтээх тыллар. Маны Тыл үөрэҕин хандьыдаата, дассыан, М.К. Аммосов аатынан Хотугулуу-Илиҥҥи бэдэрээлинэй үнүбэрситиэт ХИФУ Арассыыйа Бэдэрээссийэтин Хотугулуу-илиҥҥи норуоттарын тылларын уонна култуураларын үнүстүүтүн (АБ ХИНТКҮ) дириэктэрэ Гаврил Григорьевич Торотоев үөрэтэр. Кини кэпсээн бардаҕына, биир да тылын сиргэ-буорга түһэрбэккэ, дьолоҕойгор тутарга кыһаллаҕын.Аны иккис-үһүс хаартыскаларга тыл эмчитэ М.П. Алексеев-Дапсы "Учуутал барахсаҥҥа" диэн кинигэтигэр тыл саҥарыллыытын, туттуллуутун, суруйуллуутун ырытыы баар. Онно фермер диэни биэримэр диэбит. Биэримэ диэҥҥэ"Куораттан дэриэбинэҕэ: Пиэрмэр"
2 февр., 04:37
Күн уһаан, саас иһэрэ биллэр буолла.Сибэккилэр үөрдэллэр😍🤩#сахасирэ #тыасирэ #кэрээйгэтэ"Куораттан дэриэбинэҕэ: Пиэрмэр"
24 янв., 10:52
Оонньуубут дуо?😅Сайыммытын, айаммытын, пароммутун саныы таарыйа. Ип-итии күн ип-итии массыына иһигэр "накопительга" уочараттаан, хас да чаастаах күүтүүгэ тымныы кыһыммытын ахтарбыт😅Ыйытыы:Хаартыскаҕа хас тыыраахы баарын көрөҕүт?Хоруйдаргытын комментарийга суруйуҥ.#сынньалаҥ #өрөбүллэр"Куораттан дэриэбинэҕэ: Пиэрмэр"
17 янв., 10:13
Сүөһү аһылыга - фермер биир тыын боппуруоһа.Хаһаайын Амматтан алаас отун ылла. Төһө да ырааҕын иһин, "сыанатын толуйуохтаах" диэн быһаарда. Бүгүн бастакы рейс оҥоһулунна, сарсын эмиэ кэлиэхтээх.Амма Мээндигэтиттэн "бастыҥ суортаах" диэн, ардахха, хахсаакка баттаппатах, күөҕүнэн от. Сүөһүлэрбит абыраныахтара.Бэйэбит оппут - арыы ото, соппоҥ от.Арыы ото + алаас ото + бэйэбит үүннэрэн сенажтаабыт оппут = буккуйан аһаттахпытына, сүөһү туруга да, биэрэр үүтэ да тупсар.Оту атыылаабыт Иваҥҥа, суоппарга Владимирга этэҥҥэ буолууну✊🏻✊🏻✊🏻#тыасирэ #сүөһүаһылыга #от"Куораттан дэриэбинэҕэ: Пиэрмэр"
15 янв., 09:13
Оонньуубут дуо?☀️😀1. Ынах 2. Оҕус 3. НьирэйЫнах, оҕус, ньирэй уопсай ааттара сүөһү. Билигин ыйытыы: Ыт үрэр, сылгы кистиир, оттон ынах хайыырый? Оттон оҕус уонна ньирэй?Интэриэһинэйэ бу баар👇🏻Ынахпыт, оҕуспут, ньирэйбит саҥалара тус-туспа быһаарыллан этиллэр эбит. Чэпчэтии - биир тыл курдук этиллэр-суруллар, аһаҕас дорҕоон эрэ уларыйар😀Хоруйдаргытын комментарийдарга суруйабыт📝#сүөһүиитиитэ #сахатыла"Куораттан дэриэбинэҕэ: Пиэрмэр"
13 янв., 09:49
Бэчээт күнүн бибилэтиэкэҕэ көрүстүм. Устудьуон кэмтэн саамай сөбүлүүр сирбэр - "Пушкинкаҕа"😍1851 сыллаахха тахсыбыт А.Ф. Миддендорф саха тылыгар анаммыт кинигэтин илиибинэн тутан көрүөхпүн баҕарбытым. Манна сахалыы-ньиэмэстии тылдьыт баар. Ити эрээри кинигэ дьон тутан ааҕарыгар бэриллибэт күндү экземпляр буолан, бэрт кичэллик хараллан сытарын эттилэр. Электроннай киэбинэн эрэ ааҕыллар.Бибилэтиэкэ үлэһиттэрэ саһарбыт хаһыаттары сыа-сым курдук тутан, сааһылаан, ыстатыйалары наардаан, сыыппараҕа киллэрэллэр. Көрөргө наһаа үтүө. Биһиги хаһыаччыттар үлэбитин илиилэрин сылааһыгар бигээн, дьон ааҕыытыгар таһаараллар. Махтал буоллун эһиэхэ🫶🏻.Бибилэтиэкэ - төһөлөөх элбэх билиини иҥэринэн, харыстаан, бүөбэйдээн илдьэ турара буолуой?!?Бэчээттэммит кинигэ - ханнык да кэмҥэ, хайа да түгэҥҥэ сыаната биллибэт күндү кылаат буолар.Хаһыат - история кэрэһитэ. Суруналыыстыка эйгэтигэр"Куораттан дэриэбинэҕэ: Пиэрмэр"
31 дек. 2025 г., 03:14
2026 сылбыт буолара 12 чаас хаалла. Бу күннэргэ ааһан эрэр сыл кимиэхэ тугу тосхойбутун кэпсэтэбит. Үксүбүтүгэр үөрүү, хомолто, ситиһии, табыллыбатах түгэн биир кэм хотоҕостуу уһунна...2025 сылга мин олохпор бэлиэ түгэнинэн – М.К. Аммосов аатынан университекка магистратураҕа туттарсан киирбитим буолар. Саха тылын истилиистикэтин уонна нууччалыы-сахалыы тылбаас хаапыдырата.2020 сыллаахха саҕалаабыт “Куораттан дэриэбинэҕэ: Пиэрмэр” бырайыагым салгыыта диэххэ сөп. Ол курдук, билигин бэйэбит көрөр сүөһүбүт этиттэн-үүтүттэн төрүт аһы астыырга холонобун. Онно төрүт аспыт аата сороҕо нууччалыыттан сахалыы дорҕоонунан тылбаас быһыытынан сылдьар эбэтэр төрүт да сыыһа өйдөбүллээх диэн бэлиэтии көрдүм. Онон саха төрүт астарын ааттарын историятын, тыл төрүтэ хантан, хайдах үөскээн тахсыбытын чинчийэн үөрэтэн, улахан тылдьыт оҥорон таһаарар былааннаахпын.Бастакы сессия “туйгун” сыанаҕа"Куораттан дэриэбинэҕэ: Пиэрмэр"
31 дек. 2025 г., 03:14
