Latest posts
إشراقة
22 Sept, 19:50
خطوتك الأولى نحو مستقبلك الأكاديمي تبدأ الآن..✨ ابتداءً من 23 أيلول، ننطلق معكم في النسخة الثانية من فعالية وجهتك الأكاديمية في مختلف المحافظات السورية لتكونوا على بُعد خطوة واحدة من اختيار تخصصكم الجامعي بثقة ووعي أكبر👏🏼 تعرّف على مكان وموعد الفعالية في محافظتكإشراقة
22 Sept, 18:11
الماديّة دبحتنا، وعم ميل لكلّ شي بيتعامل مع الحياة "بإنسانيّة"🕯️ في أشياء ثمينة جدًا ما الها مقاييس، بس فعليًا هي يلي بتعطي الحياة طعم.. لما تساند حدا بتحبّه، تزور مريض، تتعلم معلومة جديدة ومفيدة، تعمل فنجان شاي لأبوك؛ أشياء بطّلت تعنينا لإنها ما بتنحط بالإشراقة
22 Sept, 18:08
الماديّة دبحتنا، وعم ميل لكلّ شي بيتعامل مع الحياة "بإنسانيّة"🕯️في أشياء ثمينة جدًا ما الها مقاييس، بس فعليًا هي يلي بتعطي الحياة طعم.. لما تساند حدا بتحبّه، تزور مريض، تتعلم معلومة جديدة ومفيدة، تعمل فنجان شاي لأبوك؛ أشياء بطّلت تعنينا لإنها ما بتنحط بال CV ولا بتجيب مصاري ولا بتنحطّ ستوري عالإنستا، بس فكر أديش هي التفاصيل والاستمتاع فيها بغيّر ألوان الحياة بعيونك🌷إشراقة
22 Sept, 18:01
ما كانَ لك فلن يصلَ لغيرك، وما كان لغيركَ فلن يصلَ إليك🌱طبْ نفسًا، واهدأ، وأدِّ ما عليك🌷إشراقة
22 Sept, 18:00
➖➖➖➖➖إشراقة
22 Sept, 14:07edited
- هي الحالة ضلت باردة وكان هدفنا بس نساعد شوي بمتطلبات الحياة لحد ما .. هلأ خالتو محتاجة عملية لعيونها ✂️ والدكتور حاول يساعدها ونزل التكلفة من 18 مليون ل 12 مليون 😶🌫️إشراقة
22 Sept, 07:36
بشرى للأخوات.. تعلّمي الإنجليزية باطمئنان! 🌸✨ انطلق مشروع "English for Muslims" لتقديم محتوى تعليمي نقي وخالٍ من المخالفات الشرعية. 🔹 الدورات المدفوعة مخصصة للنساء فقط. للتسجيل والاستفسار، نسعد بتواصلكن عبر رسائل الصفحة أو القناة 📩 (متوفر حالياً التسجيل علىإشراقة
22 Sept, 07:35
صباح الخير ☕️إشراقة
21 Sept, 21:57
🔘 لما أخدنا عن التحيزات والمغالطات كان عندي فكرة وحدة طغت على كل الأفكار يلي تعلمتها من هاد العلم: أديش نحنا ضعاف؟؟!نحنا كبشر أكتر شي بنفتخر فيه هو العقل، القدرة على التفكير والإبداع والاختراع وابتكار الحلول والتطوير و و و .. وبنقول بالمثال الكلاسيكي إنه الإنسان ما عنده قدرات الحوت بس بالعقل قدر يغوص بالمحيطات، وما عنده خفة الطير وجناحاته بس بالعقل قدر يطير ويعلّي.. وغيره من إمكانيات ممكن نوصل لها عن طريق العقل.بس هاد العقل نفسه بخونك وقت تحبّ حدا، أو تبغض حدا.. بخونك إذا كنت جوعان شوي، أو تعبان شوي.. بخونك فقط إذا تغيرت "طريقة" سرد القصة يلي عم تسمعها من اتنين متخاصمين! وهي التحيزات العلماء متفقين إنها شيء مغروس فينا بشدة وما حدا بيقدر ينجو منها أبدًا، ممكن يخفف من أثرها بس مستحيل يقدر يلغيها.ف شفت هاد العقل يلي بتتفاخر فيه؟ طلع مليااان ثغرات! طلع معقّد لدرجة البشر لهلأ عم يسبروا أغواره و "يحاولوا" يعرفوا كيف بيشتغل..بعد كل هاد؟ أليس من احترامإشراقة
21 Sept, 21:47edited
〰️ يا ترا تفكير البشر منطقي ولا لاء؟ يعني الدنيا ماشية معنا بمنطق (١ + ١ = ٢) ولا عقولنا قابلة للخداع؟مجال التحيزات المعرفية والمغالطات المنطقية من أمتع المجالات يلي ممكن الإنسان يقرا فيها، وبتخليه يفهم كتير شغلات كانت مبهمة بالنسبة اله من قبل.أول مرة سمعت عن هي المواضيع كانت من أ. أنس شيخ اكريم بدورة التفكير السليم وقت درسنا عن أخطاء التفكير بشكل عام، بعدين أخدتها بالاسم مع د. وائل الشيخ أمين بكذا يوم تدريبي من أيام أكاديمية فجر 🤩واليوم رجعت سمعت هاد البودكاست للشيخ أمجد سمير عن موضوع التحيزات، واستمتعت جدًا صراحة!ينصح جدًا: https://youtu.be/zRvZtwTSM6Q?si=TMQ7oYIVLl1-mnagYouTubeفاهم 73 | سلسلة لازم تتحرر - (6) التحرر من التحيزات العقلية | مع الشيخ/ أمجد سميرهل تساءلت يوماً .. لمَ اخترت هذا التخصص رغم أني لم أكن مقتنعاً به؟ لماذا قبلت به زوجا رغم رفضي من هو أفضل منه كثيرا؟ لماذا أشعر بالنقص كلما رأيت نجاح شخص آخر، رغم ما أملكه من نِعم؟ لماذا أكمل طريقا خاطئا ولا أريد الاعتراف بالخطأ؟ في هذه الحلقة من فاهم بودكاست،…إشراقة
21 Sept, 21:37
آخر ٣ شهورإشراقة
21 Sept, 21:36
عم شوف دوام السادسات الجدد، وأنا صرلي سادسة ١٢ شهر :"))ويا رب يكونوا هدول آخر ٣ شهور وننجبر بالوطني 🔅🖼️إشراقة
20 Sept, 19:38
وَردوا على نهرِ الحياةِ وكلهم شربوا وكم في الرَّكبِ من مُتضلعِحاشا الكريم يردهم عطشى وقد وردوا وأصلُ الجودِ من ذا المنبعِ🌿❤️إشراقة
20 Sept, 19:31
. وإذا تأخّرَ مطلبٌ فلربّما في ذلك التأخير كلُّ المطمعِ 🌿إشراقة
20 Sept, 19:28
أمي .. قبل فحص البكالوريا بيوم فاتت لعندي عالغرفة وكنت كتير كتير خايفة من الفيزياء وخايفة من الفحص عمومًا.. كتبت ٤٠٠ على كل مكان حولي، عالشبّاك على باب الكومدينة تبع الكتب، قالتلي انتي حتجيبي ٤٠٠ بإذن الله وأنا كنت مستبعدة هالشي تمامًا، إنه حتى لو جبت علامة عالية أكيد ما رح جيب "تامة" بس بفضل الله جبتها تامة!🌿ولما قدمت الكيمياء الحيوية آخر مرة بعد ما جربت قبلها كتير (وبحملها لأنها أبشع مادة عندي) رحت لعندها وقلتلها: "ماما قوليلي إني رح رفعها"، قالتلي: "رح ترفعي" ورفعتها📜وهلأ في أمر قالقني وموتّرني كتير، بس أمي بتقلي مشانه: "أنا متأكدة إنه الله مخبيلك شي حلو" 🕯️وأنا واثقة بربي، وواثقة.. بحدس أمّي❤️إشراقة
20 Sept, 07:29
عودة مباركة للدراسة يا ربّ 📔إشراقة
20 Sept, 07:29
صباح الخير ☕️إشراقة
19 Sept, 20:02
بختام هالحدث التافه بدي أتذكر إني انتابتني مشاعر متناقضة:⚪️نوع من الامتنان العميق لله عزّ وجل يلي شغلنا بالعلم والتزكية وملء الوقت بما ينفع، وشغلنا بالطبّ يلي نرجو يكون طريق للجنة بإذن الله.. شغلنا بكلّ هاد عن الاهتمام بالتفاهات والترندات وصدامات السوريين يلي ما بتخلص.⚪️نوع من الحزن العميق المتجدّد عالوضع، يلي صارت فيه الناس إما قريبة قريبة من الدين أو بعيدة بعيدة .. رجعت أسأل نفسي أسئلة صرلي فترة مشغولة عنها: يلي بالمنتصف والبعاد مين الهم؟ مين رح يتصدّر لمهمة إنه يرجعهم ويحببهم وياخد بأيديهم؟ ومع نوبة الغضب الشديد يلي انتابتني لاقيت حالي مو متقبلة إنهم متقبلين! فخفت بزيادة، من إني ما أصبر بوقت الصبر هو أهمّ سلاح بيد المؤمن الداعية.اللهم أعنا ولا تعن علينا، وارزقنا شرف الدعوة على الوجه الذي يرضيك 💔إشراقة
19 Sept, 18:39
صدقًا بهال٣ أيام عصبت عن سنتين لقدام، يخرب بيت هالحدث شو مستفزّإشراقة
19 Sept, 18:39
ولسا لسا ما حكيتلكم..بتكون عم تدرس طبّ بشري وطالعة عينك من التشاخيص والأعراض والتحاليل والحفظ والبصم، وعمرك يلي عم تدفعه لتداوي البشربتطلع "صولا" خانوم بتقول: الشفاء ما رح يصير إلا بالفنّ والموسيقى 🥹دخلك عمليات التجميل تبعك صارت بالموسيقى ولا بالمصاري والطبّ (طبعا نوع الطب يلي ما بشرفنا) ؟؟ :")
Related Channels
Other channels in the same section of the catalogue.
