Latest posts
Айаал Бурцев
20 Dec 2024, 06:05
Ахсынньы 19 күнүгэр сарсыарда Ил Дархан Айсен Сергеевич Николаев Саха Өрөспүүбүлүкэтин Судаарыстыбаннай Мунньаҕар – Ил Түмэҥҥэ Туһаайан этиитин оҥордо, онтон киэһэ Арассыыйа Президена Владимир Владимирович Путин үгэс буолбут быһа эфирыгар түмүктэрин билиһиннэрдэ, суруналыыстары уонна дойду олохтоохторун долгутар ыйытыктарыгар хоруйдаата. Бүгүн ыйыллыбыт, биһигиттэн инникитин болҕомтону эрэйэр хайысхаларга тус бэйэм санаабын үллэстиэхпин баҕарабын.Таатта улууһугар тыа хаһаайыстыбата сүрүн дьарык буолар. Айсен Сергеевич олохтоох тыа хаһаайыстыбатын бородууксуйатын оҥорон таһаарыы кээмэйин улаатыннарыы наадатын тоһоҕолоон бэлиэтээтэ. Ону сэргэ эһиилгиттэн улуустар, муниципальнай тэриллиилэр дьаһалталара тыа хаһаайыстыбатын сайыннарыы политикатын бэйэлэрэ быһаарыахтара. Саха сирин баһылыга биһиэхэ 15 хайысханан государственнай боломуочуйалары биэрэрин, субвенция кээмэйинАйаал Бурцев
20 Oct 2024, 01:16
Бүгүн айылҕаттан айдарыылаах тимир ууһа, норуот маастара, бөлүһүөк, Таатта улууһун, Саха Өрөспүүбүлүкэтин бочуоттаах олохтооҕо, ытык кырдьаҕаспыт Борис Федорович Неустроев-Мандар Уус төрөөбүт күнэ. Ытыктыыр киһибитин бүгүҥҥү үөрүүлээх күнүнэн ис сүрэхпиттэн эҕэрдэлиибин!Ытыктабыллаах Борис Федорович! Эн норуоппут култууратын, духуобунай баайын сайыннарыыга, историябытын үйэтитиигэ киллэрбит кылааккар биһиги бары сүгүрүйэбит. Бу күн эйиэхэ баҕа санаа бастыҥын, ыра санаа ырааһын аныыбыт. Оҕолоруҥ, сиэннэриҥ, аймах-билэ дьонуҥ амарах сыһыанынан арыалланан, үөрүү-көтүү үктэллэнэн, ырыа-тойук аргыстанан, чэгиэн туруктанаргар, дьоллоох олохтоноргор баҕарабыт!Айаал Бурцев
20 Oct 2024, 00:14edited
Бугүн биһиги күн курдук саныыр дьоммутугар - төрөппүттэрбитигэр эҕэрдэ тылларын аныыбыт. Таатта улууһун салалтатын уонна тус бэйэм ааппыттан эһигини барыгытын Россияҕа Аҕалар уонна Саха Өрөспүүбүлүкэтигэр бэлиэтэнэр Ийэлэр күннэринэн итиитик-истиҥник эҕэрдэлиибин!Күндү ийэлэр! Эһиги дьиэ кэргэн эргийэр киинэ буолаҕыт, дьиэ кэргэҥҥитин көмүскүүгүт, араҥаччылыыгыт, тапталынан угуттуугут, сайдарга көҕүлүүгүт. Эһиги тапталгыт кынаттыыр, олоххо тирэх буолар, инникигэ эрэли биэрэр.Ийэ күнэ - ийэҕэ дириҥ ытыктабылы, тапталы биллэрии күнэ эрэ буолбакка, эһиги уопсастыбаҕа улахан оруолгутун бэлиэтээһин буолар. Дьоллоох ийэ дьоллоох олоҕу түстүүр. Саха норуота уйгута улаатарын, чэчирии сайдарын туһугар хас биирдии ийэ дьоллоох буоларын туһугар кыһаллыах тустаахпыт.Күндү аҕалар! Аҕа – көмүскээччи, Аҕа - бигэ тирэх, Аҕа - үтүө сүбэһит, Аҕа – иллээх дьиэ кэргэн тутааҕа. Кини оҕо олоҕоАйаал Бурцев
18 Oct 2024, 06:20
Бүгүн СӨ Конституционнай сэбиэтин бэрэссэдээтэлин Гоголев Петр Васильевичтыын, философскай билим доцена, юридическай колледж директорын солбуйааччыта Маякунов Александр Эдисоновичтыын уонна СӨ Конституционнай сэбиэтин бэрэссэдээтэлин көмөлөһөөччүтэ Сивцев Сергей Гаврильевичтыын, Таатта улууһун дьокутаатарын Сэбиэтин бэрэссэдээтэлэ Максимов Петр Петровичтыын Ытык-Күөллээҕи 1 №-дээх оскуолатыгар Саха сиригэр доктора юридическай билим доктора, профессор, Саха Өрөспүүбүлүкэтин, Таатта улууһун бочуоттаах олохтооҕо, Саха ССР үтүөлээх юриһа, Аҕа дойду сэриитин бэтэрээнэ, Саха ССР-ын прокурора, Саха сиригэр үрдүкү юридическай үөрэхтээһин төрүттээчитэ Михаил Михайлович Федоровка анаммыт стенданы астыбыт.Саха сирин прокурорунан үлэлии сылдьан Михаил Михайлович сокуоннайа суох репрессияламмыт дьоннор үтүө ааттарын чөлүгэр түһэриигэ күүскэ үлэлээбитэ. Ол курдук, кини көҕүлээһининэн СахаАйаал Бурцев
18 Oct 2024, 01:11
Уһулуччулаах инфраструктурнай бырайыагынан буолар Өлүөнэ муостатын тутуу сүрүн кэрдииһэ саҕаламмытын истэн олус үөрдүм. Бу Илин эҥээр улуустага уонна өрөспүүбүлүкэ экэнэмиичэскэй сайдыытыгар саҥа саҕахтары арыйар историческай түгэн буолар.Өлүөнэ өрүс кытылыгар бастакы сыбаайаны түһэрии — улахан инженернэй тутуулары оҥорууга бастакы хардыы эрэ буолбатах, бу барыбытыгар эрэл уонна саҥа кыахтар ураты бэлиэлэрэ буолар.Бу муоста тутуллуута биһиги эрэгийиэммит үгүс олохтоохторугар ыра санаа буолар. Өр сыллар усталарыгар күүппүт түгэммит билигин чахчы олоххо киирэр буолла. Бастыҥ институттар көмөлөрүнэн оҥоһуллубут бырайыак Ил Дархаммыт Айсен Николаев көҕүлээһининэн, дойдубут Бэрэсидьиэнэ Владимир Путин өйөөһүнүнэн олоххо киирэн тырааныспар сибээһинэн хааччыйыа, олох хаачыстыбатын тупсарыа, таһаҕаһы, табаары тиэйиини судургутутуо. Ону тэҥэ экэнэмиичэскэй сайдыыга, эргиэҥҥэ суолу-ииһиАйаал Бурцев
14 Oct 2024, 06:35edited
Бүгүн Таатта улууһун бастакы баһылыга Артемьев Георгий Михайлович күн сириттэн барда. Оҕолоругар, сиэннэригэр, чугас дьонугар дириҥ кутурҕаммын биллэрэбин.Георгий Михайлович улууспут сайдыытыгар хатыламмат кылааттаах сүдү киһи. Кини сыралаах үлэтин түмүгэр Тааттабыт улууһа бэйэтин историческай аатын төннөрбүтэ. Ханна да үлэлээтэр, дьонун-сэргэтин кытта истиҥник кэпсэтэр, иккис дойдум диэбит Тааттатын хаһан да умнубат, үөрүүтүн-хомолтотун тэҥҥэ үллэстэр этэ.Георгий Михайлович саха норуотун биир чулуу киһитэ. Кини аҕалыы сылаас сыһыанын, сүбэтин-аматын иһин махталым, ытыктабылым муҥура суох!Быдан дьылларга быраһаай ытык киһибит.Айаал Бурцев
13 Oct 2024, 03:42
forwarded from @aisen_nikolaev
С Днём работников сельского хозяйства и перерабатывающей промышленности!Кэм-кэрдии ааһар, олох сайдан иһэр, ол эрээри тыа сирин сыралаах үлэтэ суолтатын сүтэрбэт. Ханнык даҕаны ыарахаттартан толлубакка, тыа сиригэр олорор, сүөһү иитиитигэр, тыа хаһаайыстыбатын бородууксуйатын оҥорон таһаарыыга сыралаахтык, таһаарыылаахтык үлэлиир дьоммут өрөспүүбүлүкэбит сайдыытыгар сүдү кылааттарын киллэрэллэр. Кинилэр бука бары - биһиги киэн туттуубут!▫️Этот праздник – дань уважения всем тем, кто трудится на земле, кто вкладывает свои силы, знания и душу в развитие аграрного сектора нашей страны. Для Якутии сельское хозяйство всегда было и остаётся одной из жизненно важных отраслей, которая обеспечивает продовольственную безопасность, занятость населения, способствует развитию сельских территорий, увеличению доходов населения. Мы продолжаем делать все, чтобы поддерживать наши аграрии. За последниеАйаал Бурцев
13 Oct 2024, 03:31
"Таатта улууһа" муниципальнай оройуон салалтатын уонна тус бэйэм ааппыттан тыа хаһаайыстыбатын уонна астыыр-үөллүүр салаа үлэһиттэрин, бэтэрээннэрин идэлээх бырааһынньыккытынан ис сүрэхпиттэн, итиитик-истиҥник эҕэрдэлиибин!Бу кэрэ күн биһиги эти-үүтү, бурдугу уонна оҕуруот аһын дэлэтиигэ сыралаһан үлэлиир дьону чиэстиибит. Эһиги үлэҕит түмүгүттэн дойду аграрнай сиэктэрин туруга, ас-үөл өттүнэн хааччыллыыга куттал суох буолуута, тыа сирин күннээҕи олоҕун таһыма, тыа сирин дьылҕата улахан тутулуктаах. Уустук кэмнэргэ хаһан баҕарар дойду аһын-үөлүн бэйэтэ оҥорон таһаарар- эрэллээх уонна кыайыылаах буолар. Хороҕор муостааҕы иитиигэ киһи ахсаанынан таһаардахха өрөспүүбүлүкэ үрдүнэн таатталар бастакы миэстэҕэ туттарбытынан киэн туттабыт!Ытыктабыллаах тыа хаһаайыстыбатын уонна астыыр-үөллүүр салаа үлэһиттэрэ, бэтэрээннэрэ! Улуус тыатын хаһаайыстыбатын үлэтэ туруктаах буоларын туһугарАйаал Бурцев
9 Oct 2024, 06:11
Бүгүн Россия Геройун Родимир Максимовы аэропортка көрүстүбүт. 68 армейскай куорпус "Шторм" этэрээтин пулеметчига, Родимир, Новомихайловка иһин киирсиигэ уһулуччулаах хорсун быһыытын иһин РФ Президенин Ыйааҕынан Россия Геройун аата иҥэриллибитэ. Наҕараадатын алтынньы ый 4 күнүгэр Москва куоракка оборона министра Андрей Белоусов туттарда. Родимир Максимов-Бурхаат биһиги улууспуттан бастакы дьоруой буолла. Бу күннэргэ уолбут Тааттаҕа тахсан биир дойдулаахтарын кытта көрсүө.Айаал Бурцев
9 Oct 2024, 03:11
forwarded from @mrtatta
Биир дойдулаахпыт, Россия Героя Родимир Максимов дойдубут киин куоратыттан Москваттан Дьокуускайга көтөн кэллэ. Чулуу уолбутун дьиэ кэргэнэ, аймахтара, чугас табаарыстара, Туора Күөл баһылыга Олег Дмитриевич Осипов уонна улуус баһылыга Айаал Семенович Бурцев аэропортка көрүстүлэр.Айаал Бурцев
9 Oct 2024, 03:10
Бэҕэһээ, алтынньы 8 күнүгэр, Саха Өрөспүүбүлүкэтин сыана бэлиитикэтин судаарыстыбаннай кэмитиэтин Бэрэссэдээтэлэ, Таатта улууһун куратора Николай Владимирович Бочков улахан сүбэ мунньах ыытта. Бу мунньахха СӨ Правительствотын отчуотун туруоруулаах боппуруостарыгар боротокуолу толорууга үлэ хаамыытын, дьон киллэрбит боппуруостарынан тула кэпсэттибит. Бу түмүгэр ОДьКХ уонна үөрэҕэрии хайысхаларыгар сытыытык турар боппуруостарынан эбии мунньах туруорарга болдьостубут.Айаал Бурцев
8 Oct 2024, 08:29
Бүгүн "РИК Плюс" компания генеральнай дириэктэрин Петр Вячеславович Алексеевы кытта көрүстүм. Ол түмүгэр Петр Вячеславович эһиил талыы талба Тааттабытыгар буолаары турар бүтүн өрөспүүбүлүкэ олохтоохторо кэтэһэр "Манчаары оонньууларын" фондатын өйүүргэ бэлэмнээҕин туһунан эттэ 👍🏻 Бу хас биирдиибит тапталлаах сирбит, төрөөбүт дойдубут Тааттабыт аатын ааттатаары үлэлииргэ көҕүлүүр быһыы буолар. Петр Вячеславовичка спорду сэҥээрээччилэр, Таатта патриоттарын ааттарыттан махтал!Айаал Бурцев
5 Oct 2024, 05:51
Ытыктабыллаах Таатта улууһун учууталлара, педагогическай үлэ бэтэрээннэрэ!Эһигини учуутал күнүнэн улуус дьаһалтатын уонна тус бэйэм ааппыттан итиитик истиҥник эҕэрдэлиибин!Эһиги бэйэҕит билиигитин, уопуккутун уонна духуобунай энергияҕытын бүтүннүү үүнэр көлүөнэни иитиигэ анаабыккыт. Билиини-көрүүнү эрэ буолбакка, кэнчээри ыччаппытын түмэ тардан, саҥа чыпчааллары дабайарга көҕүлээн, биһиги кэскилбитин түстүүр дьон буолаҕыт. Эһиги күннэтэ толорор чэпчэкитэ суох уонна эппиэттээх үлэҕит иһин улахан махталбытын тиэрдэбит.Бу бырааһынньык күн эһиэхэ, күндүтүк саныыр Убаастабыллаах дьоммутугар, чэгиэн-чэбдик доруобуйаны, дьолу-соргуну, этэҥҥэ буолууну уонна ситиһиилэри баҕарабын !Айаал Бурцев
2 Oct 2024, 03:47
Бэҕэһээ Амма нэһилиэгэр тахсан үлэлээтим. Чычымахха быйыл хочуолунай итиини биэрбэккэ турар. Нэһилиэк баһылыга Степан Петрович Старостин, ГУП “ЖКХ” Тааттатааҕы филиалын кылаабнай инженерын солбуйааччыта Александр Александрович Лиханов буолан проблемнай эбийиэги көрдүбүт. Хочуолунай тутуутун хаачыстыбатыгар, киин ситимҥэ холбонуутугар, бырайыакка көрүллүбүттэн туорааһыннарга боппуруостар үөскээтилэр. Киэһэ Саха сирин Правительствотын бэрэссэдээтэлин солбуйааччытын Дмитрий Дмитриевич Садовников ВКС нөҥүө мунньаҕар бу эбийиэк туһунан боппуруос көтөхтүм. Ол түмүгэр Дмитрий Дмитриевич ОДьКХ министерствотыгар уонна ГУП “ЖКХ” салалтатыгар Чычымах саҥа хочуолунайын итэҕэстэрин көннөрөн бу күһүн итиини биэрэргэ сорудахтаата.Айаал Бурцев
2 Oct 2024, 02:06
Ааспыт өрөбүллэргэ Саха сирин Правительствотын бэрэссэдээтэлин солбуйааччытынаан Ольга Валерьевна Балабкиналыын, СӨ экологиятын министрин Евгений Андреевич Перфильевтыын, Томпо улууһун баһылыгынаан Яков Иннокентьевич Степановтыын «"Кыталык" орнитологическай обсерваторияны тэрийии» диэн бырайыагы олоххо киллэриигэ Томпо улууһугар үлэлээтибит. Рабочай сырыы кэмигэр Охотскай Перевоз Н. А. Прокопьев аатынан орто оскуолатыгар Кыталык күнүгэр анаммыт үөрүүлээх тэрээһиҥҥэ сырыттыбыт.Охотскай Перевоз кыталыктар Кытайга кыстыыр сирдэригэр диэри көтөр транзитнай пууннунан буолар. Күн устата хас да үөр кыталыктар көтөн ааһалларын көрүөххэ сөп. Манна "Кыталык көтүүтэ" диэн Аан дойдутааҕы орнитологическай обсерватория тэрийиитэ былаанныыллар. Бу обсерваторияҕа научнай чинчийэр бырайыактар олоххо киириэхтэрэ, оскуола оҕолоругар экскурсиялар уонна айылҕаны сэҥээрээччилэргэ анаан экологическай туризмАйаал Бурцев
1 Oct 2024, 08:10
Бүгүн мин гражданнар туруорсууларыгар эппиэттэрэ кэмигэр барбатахтарынан сибээстээн прокуратураттан 8 предписание туттум. Ол да буоллар, гражданнар этиилэрин ырытар үлэ күүскэ ыытыллар. Биһиги улууспутугар 1000- тан тахса этии регистрацияламмыт уонна бүгүҥҥү күҥҥэ 800- чэтэ сабылынна. Этиилэргэ эппиэт хойутааһына араас биричиинэнэн тахсыан сөп. Холобур, аадырыстара суруллубатах суруктарга телефонунан, социальнай ситим нөҥүө эппиэттэр бэриллибиттэр, эбэтэр хамыһыйалар көрүүлэрин кэтэһэ сыппыт буолуон сөп.Айаал Бурцев
30 Sept 2024, 08:11
Бүгүн "Манчаары оонньуулара" спорт национальнай көрүҥнэригэр XXII спартакиадатын сүрүн режиссерун Роман Дорофеевы уонна сценарнай бөлөҕү кытта көрүстүм. Роман Романович хамаандата сүрүн тэрээһиннэр буолар сирдэрин көрөр сыаллаах-соруктаах кэллэ. Аһыллыы уонна сабыллыы церемонияларыгар бэлэмнэнии толору баран иһэр, сэтинньи 1 күнүгэр хамаанда тэрийэр комитет иннигэр бэйэтин концепциятын көмүскүөхтээх. Көрсүһүүбүтүгэр көстүүмнэр тигиллэр матырыйаалларынан эрдэттэн хааччыныыны, бутафорияны уустарга оҥотторууну, таҥастары Таатта иистэнньэҥнэригэр тиктэриини уо.д.а. техническэй боппуруостары ырыттыбыт.Аһылыы уонна сабыллыы церемониларыгар быһа холоон 1200 киһи кыттыыны ылыа диэн сабаҕалыыбыт.Айаал Бурцев
27 Sept 2024, 01:04
Күндү Таатта улууһун олохтоохторо!Бүгүн биһиги республикабыт историятыгар улахан суолталаах күнү - Саха Республикатын судаарыстыбаннаһын бэлиэтиибит. Биһиги норуоппут биир сомоҕотун, күүһүн-уоҕун, культуратын, үгэстэрин, төрөөбүт тылбытын көрдөрөр, үйэтитэр күн буолар.Саха Республиката кэрэ киэҥ нэлэмэн сирдээх- уоттаах, баай национальнай нэһилиэстибэлээх буолан, Российскай Федерация биир чаҕылхай уонна тэтимнээхтик сайдар регионунан аатырар. Манна, үтүө мааны Сахабыт сиригэр, өбүгэлэрбит үгэстэригэр уонна аныгы ситиһиилэргэ тирэҕирэн бэйэбит инникибитин, оҕолорбут, сиэннэрбит кэскиллэрин тутабыт.Бу улахан суолталаах күҥҥэ эһиэхэ хас биирдиигитигэр таһаарыылаах үлэҕит, хорсун быһыыгыт уонна биһиги төрөөбүт сирбитигэр бэриниилээх буолуугут иһин истиҥ махталбын тиэрдэбин. Үрдүк ситиһиилэри, дьолу-соргуну, чөл туругу баҕарабын.Судаарыстыбаннас күнүнэн, күндү биир дойдулаахтарбыт!
Related Channels
Other channels in the same section of the catalogue.
