Latest posts
City planner
10 Sept, 15:04
Инсон ахлатидан бетон тайёрланишини тасаввур қила оласизми?Ҳиндистондаги Manipal University Jaipur тадқиқотчилари инсон нажасидан олинган биокўмирни бетон таркибида ишлатиб кўришибди. Албатта, гап нажасни тўғридан тўғри бетонга аралаштириш ҳақида эмас :)Канализация ва санитар тизимларда тўпланган фекал чўкма махсус услубда қайта ишланиб, юқори ҳарорат ва кислород кам бўлган шароитда пиролиз қилинади. Натижада қуруқ, углеродга бой биокўмир олинади. Тадқиқотчилар цементнинг бир қисмини шу материал билан алмаштириб кўришган.Цементнинг 5, 10 ва 15 фоизи биокўмир билан алмаштирилган ва энг яхши натижа 10 фоизлик вариантда кузатилган.91 кундан кейин бундай бетоннинг сиқилишга мустаҳкамлиги 21 фоиз, эгилишга мустаҳкамлиги эса 42 фоизга ошган. Яъни бетоннинг эгилишга мустаҳкамлиги юқорилаган, сиқилишга мустаҳкамлиги эмас.Демак, одатда чиқинди сифатида қараладиган ахлат биланScienceAlertScientists Are Making Concrete With Human Poop – And It Gets 42% StrongerWait, what?City planner
9 Sept, 08:02edited
Мана шу бино олдидаги ҳавозалар мен учун Германияда қурилиш ишлари қанчалик узоқ давом этишининг ўзига хос тимсолига айланиб қолган. :)Ҳозирги иш жойимга келган пайтларим бу ердаги таъмирлаш (балки қисман реконструкция) ишлари энди бошланганди. 2,5 йилдан ортиқ вақт ўтди ҳамки, ишлар ҳали-ҳануз давом этяпти.Ҳамкасбларимнинг айтишича, бинонинг ўзи ҳам унчалик эски эмас, қурилганига тахминан 8 йил бўлган, холос.Бу катта офис биноси. Шу вақт ичида бу ерда анча катта ишлар қилинди. Катта кранлар ўрнатилди, қурилиш материаллари олиб келинди. Бир пайтлар қурилиш майдони анча фаол эди.Соҳамга боғлиқ бўлгани учун жараён менга ҳам қизиқмасми, рўпарадаги кафеда кофе ичиб вақт-вақти билан қурилишни томоша қилиб ўтирардим. :)Тасаввур қилинг-а, шаҳар марказида жойлашган, ўзи ҳам нисбатан янги бўлган катта офис биносида салкам уч йилдан бери таъмир давом этса.Қиссадан ҳисса шуки,City planner
1 Sept, 06:04
Дам олиш кунлари шаҳарнинг Gärtnerplatz ҳудудини айландим. Бугун бу майдон Мюнхеннинг энг жонли ва таниқли жойларидан бири — айниқса ёз кунлари одамлар бу ерга шунчаки ўтириш, суҳбатлашиш ва вақт ўтказиш учун келишади. Майдон эса Klenzestraße’га уланиб кетади.Бу икки ном Мюнхен шаҳарсозлик тарихида алоҳида из қолдирган.Gärtnerplatz — немис тилидаги “Gärtner”, яъни «боғбон» сўзидан олинган ном эмас. Майдон XIX асрда яшаган меъмор (Baumeister) Friedrich von Gärtner (Фридрих фон Гэртнер) шарафига номланган.Friedrich von Gärtner — Мюнхеннинг бугунги қиёфаси шаклланишига катта таъсир кўрсатган меъморлардан бири. У қирол Ludwig I даврида ишлаган ва Leo von Klenze (Лео фон Кленце) билан бир қаторда ўша давр Бавариясининг энг муҳим меъморларидан ҳисобланади.Бугун Мюнхеннинг ташриф қоғозига айланган кўплаб бинолар уларнинг лойиҳалари асосида қурилган. Масалан, BayerischeCity planner
28 Aug, 10:01
Бир қараганда бу оддий ахлат тортиб оладиган (ассенизационная машина) машинадек кўринади. Аслида эса у томдаги шағални тортиб оляпти.Германияда томларни таъмирлаш ёки реконструкция қилиш жараёнида устки қисмидаги шағал қатламини олиб ташлаш учун шу каби техникалар қўлланади. Шағални судраб, чангитиб, кейин очиқ машинага солиб ташиб кетишмайди. Махсус техника ёрдамида шағалнинг барчаси томнинг ўзида сўриб олиниб, машинага йиғилади.Шаҳар ичидаги қурилиш ишларида майда, лекин шундай ўйланган ечимлар ҳам анча аҳамиятли.City planner
26 Aug, 05:32
5 йилдан бери Мюнхенда яшаётган бўлсам, шу йилдагидек ёзни бирор марта ҳис қилмагандим. Кўчада, паркларда юрганда ўтларнинг шунчалик тез сарғайиб кетгани, дарахтлар ва яшил ҳудудларнинг бундай қуриб қолганини энди кўришим. Ҳарорат ҳам бошқача кучлироқ сезиляпти.Бу фақат Мюнхендаги ҳолат эмас. Ўзи бу ёз Ғарбий Европа учун жуда иссиқ келди. Июнь ойи кузатувлар тарихидаги энг иссиқ июнь бўлди. Иссиқлик ва қурғоқчилик Рейн ва Дунайда сув сатҳининг кескин пасайишига, кемаларнинг юк ташиш имконияти чекланишига олиб келди. Айрим АЭСларда ҳам реакторларни совитиш учун етарли сув қолмагани учун ишлаб чиқариш қувватини камайтиришга мажбур бўлишди. Қишлоқ хўжалигида экинларнинг пишиш даври ва ҳосилдорлик прогнозлари ўзгарди.Мюнхенда эса сув истеъмоли билан боғлиқ муаммолар пайдо бўлди. Баҳорда ёғингарчилик кам бўлгани, ёзда иссиқлик кучайгани учун сувга талаб кескин ошди. Оддий кунларда шаҳарCity planner
25 Aug, 07:01
500 кишилик қишлоқ ва 4000 кишилик стадионМен футболни яхши кўрсам-да, Telegram каналимда футбол ҳақида ёзмайман. Лекин ўтган ҳафта Германия кубоги, DFB-Pokal доирасида жуда қизиқ бир ўйин бўлиб ўтди. Бундеслигада (юқори лига) ўйнайдиган Mainz 05 жамоаси Бранденбургдаги кичик Кришов (Krieschow) қишлоғига меҳмон бўлди.Натижа — мезбон VfB Krieschow 0:9 ҳисобида мағлуб бўлди.Лекин менга ўйин натижасидан кўра, унинг атрофидаги воқеалар қизиқроқ туюлди.Krieschow — аҳолиси атиги 500–560 киши атрофида бўлган қишлоқ. Маҳаллий VfB Krieschow эса Германия футболининг бешинчи дивизионида ўйнайди.Кубокда уларга Mainz 05 тушгач, бир муаммо пайдо бўлади: қишлоқдаги оддий спорт майдони бундай даражадаги ўйин ва минглаб мухлисларни қабул қилишга мос эмас эди.Ўйинни каттароқ шаҳарга кўчириш ҳам мумкин эди.Аммо улар бошқа йўлни танлашди.Қишлоқдаги ўз майдонини катта ўйинга тайёрлашга қарорCity planner
24 Aug, 15:39
Шу йили таътилни Ўзбекистонда, асосан Тошкент ва Каттақўрғонда бир ойдан кўпроқ ўтказдим. Шаҳарларда қурилиш ва ободонлаштириш ишлари анча фаол кетяпти.Тошкентдаги маҳалла ва кварталлар орасида янги, замонавий спорт майдончалари менга жуда ёқди. Велойўлаклар узунлиги янада ортибди.Урбанистика соҳасида ҳам қизиқарли ишлар қилинаётганини соҳа вакиллари билан суҳбатлардан билдим. Уй-жой қурилиши ҳам доимгидек авжида. (Айрим лойиҳалар ҳақида ҳали маълумот беришга рухсат олмаганим учун, уларни алоҳида айта олмайман)Лекин шаҳар ривожланиши фақат янги бинолар ва инфратузилма қуриш билан чекланмайди. Инсоннинг шаҳарда ўзини қандай ҳис қилиши, пиёда юриши ва жамоат маконидан қандай фойдаланиши ҳам муҳим.Тошкентда кўп пиёда сайр қилдим ва бир ҳолат эътиборимни тортди. Айрим жойларда скутерлар велойўлак тугаганидан кейин тротуарларда, пиёдалар орасида ҳаракатланяпти. Мен скутерларниCity planner
21 Aug, 20:27
Шаҳар қиёфасини яратадиган майда деталлар ҳақидаҲар куни ишга борадиган йўлимда Веймар Республикаси даврида қурилган бир нечта оддий турар жой бинолари учрайди. Қарийб юз йиллик тарихга эга бу уйларнинг фасадларидаги майда архитектуравий деталлар (эшик атрофидаги безаклар, ҳайкалчалар, карнизлар, нақшлар ва фасад пластикаси) ҳалигача сақланиб қолган. Оддий турар жой бўлишига қарамай, уларни бошқа бинолардан айнан шу деталлар ажратиб туради.Ўзбекистонда ҳам бундай бинолар кўп бўлган, ҳали ҳам сақланиб қолганлари бор. Лекин вақт ўтиши билан уларнинг бир қисми “совет пропагандаси билан боғлиқ” деган қарашлар асосида олиб ташланди. Қолган баъзилари эса биноларни алюкобонд, шиша ёки композит панеллар билан қоплаш жараёнида йўқолиб кетди.Шу билан безаклар ҳам, биноларнинг тарихи ва индивидуал қиёфасини кўрсатиб турадиган майда деталлар ҳам камая борди. Натижада бир хил материал биланCity planner
15 Jul, 06:50edited
Кеча ишга кетаётганимда мана шу постерга кўзим тушди.Mission: Schatten pflanzen - «Соя экиш миссияси».Маълум бўлишича, бу BaumEntscheid München деб номланган фуқаролик ташаббуси бўлиб, улар ҳокимиятни кўчаларни кўкаламзорлаштириш бўйича узоқ муддатли дастур қабул қилишга чақирмоқда.Дарахт шаҳарда ҳароратни пасайтиради, пиёдаларни иссиқдан ҳимоя қилади, ҳавони тозалайди, ёмғир сувини ушлаб қолади ва кондиционерсиз ҳам шаҳарни қулайроқ қилади.Шунинг учун ҳам уларнинг шиори жуда аниқ танланган:«Дарахт экиш эмас, соя экиш».Чунки инсон учун дарахтнинг ўзи эмас, ёзнинг жазирамасида салқин кўчадан юриш муҳим.Ташаббус муаллифлари Мюнхенда:-кўчаларда дарахт тожлари (крона) қопламини 30% га етказишни;-энг иссиқ ҳудудларни биринчи навбатда кўкаламзорлаштиришни;City planner
12 Mar, 07:44
forwarded from @davletovuztw
Темур Малик кўчаси ўпирилиб тушибди.City planner
12 Mar, 07:44
Бу "подпорная стенка" дейилади, ўзбек тилига қирғоқ бўйи девори ёки тиргак девор деб таржима қилардик. Мен ТАСИда дарс берганимда, талабалар шу “подпорная стенка”ни ҳисоблашни курсовой ишларида бажаришарди.City planner
10 Mar, 06:53
Қуёш нурлари чақнаб, ҳаво сал танани қиздириши билан Мюнхендаги кафе ва ресторанлар столларини кўчага олиб чиқишади.Одатда бу столлар пиёдалар йўлаги қисмида жойлаштирилади. Албатта, бу ҳолат пиёдаларнинг эркин юриб ўтишига тўсқинлик қилиши мумкин. Шунинг учун шаҳар (хокимият) томонидан кафе столларини қўйиш мумкин бўлган аниқ чегаралар белгилаб қўйилган.Юқоридаги суратда кўриб турганингиздек, бу чегаралар ерга қўйилган махсус нуқталар билан белгиланади.Энг қизиғи шундаки, агар сиз 5 киши бўлиб келсангиз, лекин фақат 4 кишилик стол бўш бўлса, бешинчи стулни ушбу чегарадан ташқарига чиқариб қўя олмайсиз. Шундай вазиятда 5 кишилик стол бўшашини кутишингизга тўғри келади.City planner
5 Mar, 06:55
Яқинда “Süddeutsche Zeitung” да 2025 йил Баварияда архитектура ёдгорлиги сифатида рўйхатга олинган бинолар ҳақидаги мақолага кўзим тушди. Қизиғи шундаки, улардан бири мен яшайдиган, иккинчиси эса ишлайдиган маҳалламда жойлашган экан.Иш жойим яқинидаги бино - автомобилларга ёқилғи қуйиш шахобчаси. Бу бино 1958 йилда қурилган бўлиб, мутахассислар фикрича, у урушдан кейинги Германиядаги “Wirtschaftswunder” - иқтисодий мўъжиза даврининг намунаси ҳисобланади. Яъни, мамлакатда автомобилизация жараёнининг бир тимсоли сифатида баҳоланади.Унинг ўзига хос жиҳатлари - “нафис, юмалоқ шакллар ва ингичка рамали профилларга эга ойнаванд фасад бўлиб, улар иқтисодий юксалишнинг замонавийлиги ва динамикасини акс эттиради”.Маълумот ўрнида айтиш керак, бино жойлашган ҳудуд шаҳар марказига яқин, Октоберфест ўтказиладиган зич районда жойлашган. Шунга қарамасдан, у шу кунгача сақланиб қолганиCity planner
4 Mar, 06:33
Германияда Versiegelung ва Teilversiegelung каби аниқ тушунчалар мавжуд.Versiegelung - бу тупроқни тўлиқ ёпиб қўйиш: асфальт, бетон, зич терилган плитка. Бунда сув ерга сингмайди, табиий сув айланиши бузилади, юза ҳарорати ошади.Teilversiegelung эса мувозанатли ечим: қоплама мустаҳкам бўлади, аммо сувнинг маълум қисми ерга сингиши сақланади. Бу ёмғир сувининг инфильтрациясини таъминлаб, оқова тизимига тушадиган юкни камайтиради ва табиий мувозанатни сақлайди.Бу шунчаки атамалар эмас, балки уларга қараб экологик меъёрлар, ёмғир суви учун йиғимлар, Bebauungsplan (кадастр планга яқин) доирасида қурилиш майдонининг қанча қисмини бетонлаш мумкинлиги ҳақидаги талаблар белгиланади.Суратда айнан шундай ечимни кўриш мумкин: пластик, олтибурчак шаклдаги эко-панжара дренаж қатлами устига ётқизилиб, ичи тупроқ ва шағал билан тўлдирилган. У юзани барқарорлаштиради, юкни тенг тақсимлайди ваCity planner
28 Feb, 07:46
Мюнхендаги оддий йўл ёқасида жойлашган бу кичик яшил ҳудудни биринчи қарашда тартибсиз, парвариш қилинмаган ер деб ўйлаш мумкин. Аслида эса бу биохилма-хиллик учун мўлжалланган майсазор - Wiese für Artenvielfalt. Бу ерда асосан маҳаллий ўтлар ва гуллар ўсади. Улар чиройли кўринмаслиги мумкин, лекин шаҳар шароитида жойи қолмаган қўнғизлар, капалаклар ва асаларилар учун муҳим макон ҳисобланади.Қўйилган белгилар эса бу жой тасодифан қолдирилмагани, балки атайлаб шундай режалаштирилганини тушунтириш учун керак.Мюнхен каби шаҳарлар учун бу жуда содда ва амалий ёндашув. Бундай майсазорлар оддий газонга нисбатан камроқ парвариш талаб қилади, намликни яхшироқ ушлаб туради ва ёзда камроқ қизийди. Ҳатто йўл ёқасидаги торгина яшил тасма ҳам кичик экологик коридор сифатида ишлайди ва шаҳарни иссиққа ҳамда ҳаво ифлосланишига нисбатан барқарорроқ қилади.Ўзимизда ҳам уйлар ва бинолар олдиниCity planner
26 Feb, 15:47
Миландан YouTube канали учун қисқа видео тайёрлагандик. Шуни жойладим. Айрим жойларида AI қўлланилган. Умуман олганда, яхши чиққан, деб ўйлайман 😀 Кўриб, лайк босиб, фикр ёзиб қолдирсангиз, жуда хурсанд бўламан. https://youtu.be/LCmI8T6nyFE?si=xYV_AibfwDLPFJKAYouTubeMilanMilan | Porta Nuova Milan - bu faqat moda va Duomo emas. Shahar kelajagi aynan Porta Nuovada ko‘rinadi. Bu yerda shisha minoralar, jamoat maydonlari va yashil arxitektura bir sahnada ishlaydi. Zamonaviy urbanizm, lekin italiyancha did bilan. Porta Nuova …City planner
26 Feb, 07:10
Қишки Олимпия ўйинлари Милан-Кортина 2026 22-февраль куни Италияда ўз ниҳоясига етди, ёпилиш маросими эса Верона шаҳрида бўлиб ўтди.Қизиғи шундаки, очилиш маросимининг асосий саҳна кўриниш қисми Сан-Сиро стадиони (Милан)да ўтказилди, спортчиларнинг тантанали чиқиши эса Сан-Сиро билан бирга Кортина-д’Ампеццо шаҳрида ҳам ташкил этилди.Яъни, қишки Олимпиадага италияликлар учта йирик шаҳарни (ва бир нечта кичик шаҳарларни) жалб қилишди.Миланда (хоккей, шорт-трек, фигурали учиш ва бошқалар), Кортина-д’Ампеццода эса (тоғ чанғиси, бобслей, скелетон ва ҳ.к.) мусобақалар бўлиб ўтди. Қисқача айтганда, ареналарда ўтадиган спорт турлари Миланда, қор ва қиш шароити талаб қилинадиган спорт турлари эса Альп тоғлари бағрида жойлашган Кортина ва атрофдаги кичик шаҳарларда ўтказилди.Бу каби қишки Олимпиада формати 1956 йилдан бери биринчи марта қўлланилди. Тўғриси, бу формат менга жуда ёқди.City planner
24 Feb, 06:05
Мюнхен кўчаларида қиш мавсумида бир элемент кўзга ташланади - бинолар фасадларидаги “Vorsicht Dachlawinen” (“Томдан қор ёки муз тушиши мумкин”) деган огоҳлантирувчи белгилар.Қор ёки музнинг томдан тўсатдан қулаб тушиши пиёдалар учун жиддий хавф туғдириши мумкин. Шу сабабли бинолар ёнида махсус қизил-оқ рангдаги устунчалар ўрнатилади. Улар том "свеси"дан пастга тушадиган эҳтимолий хавф зонасини визуал тарзда белгилаб беради ва одамларни девор ёнида тўхтаб қолмасликка ундайди.Бу каби ечимлар Германияда шаҳар муҳитини бошқаришдаги муҳим тамойилни кўрсатади: хавфни тўлиқ йўқ қилиш имкони бўлмаса-да, уни аниқ ва тушунарли тарзда ахборот орқали бошқариш. Айниқса тарихий бинолар жойлашган ҳудудларда конструктив ўзгартишлар киритиш доим ҳам мумкин эмас. Шу ҳолатда оддий, арзон ва самарали навигация элементлари пиёдалар хавфсизлигини таъминлайди.City planner
23 Feb, 06:33
Твиттерда қизиқ видеога кўзим тушди. Унда бир йўловчи Токиодаги Шинжуку метро бекатида бир чиқиш йўлагидан иккинчи чиқиш йўлагигача пиёда бориш учун 28 дақиқа сарфлаган. Кўриниб турибдики ўта катта транспорт комплекси/узели.Шинжуку метро бекати шаҳарсозликда транспортга асосланган ривожланиш (инглизча Transit-Oriented Development, TOD) концепциясига жуда яхши мисол бўла олади. Яъни, мазкур ҳудуд асосан жамоат транспорти маркази атрофида ривожлантирилган. Ҳар куни тахминан 3–3,5 миллион йўловчига хизмат кўрсатади. 200 дан ортиқ чиқиш йўлаклари бор.Ушбу кейсда алоҳида эътибор қаратмоқчи бўлган жиҳат - навигация (йўл кўрсаткичлар). Жамоат транспорт узелларида, вокзал ва аэропортларда навигация энг муҳим элементлардан бири ҳисобланади. Акс ҳолда, транспорт самарали ишлаётгандек кўринса-да, фойдаланувчи учун у ноқулай ва чарчатувчи муҳитга айланиб қолиши мумкин.P.S. Transit-OrientedCity planner
21 Feb, 09:58
Архитекторлар аслида энг зўр романтикларЛола ва Констанинг шу қўшиғи ҳақида анчадан буён ёзмоқчи эдим. Чунки, қўшиқ клипида менга энг яқин бўлган йўналиш – кўприклар архитектураси ўзига хос ракурсда тасвирланган. Мюнхендаги кечаги қор илҳом берди.Аслида, архитекторлар энг зўр романтиклардан бири бўлса керак. Чунки, улар туйғуларни фақат сўзларда эмас, балки ҳали бунёд этилмаган бинолар ва шаклларда ҳам кўра олади. Оддий инсон асосан уйни девор ва том сифатида қабул қилса, архитектор уни орзулар, учрашувлар ва хотиралар яшайдиган жой деб тасаввур қила олади.Одамлар орасидаги муносабатлар ҳам худди меъморчилик каби режа ва сабр талаб қилади. Чунки архитектор бирор бир бино қуриш орзусини йиллар давомида ўз хаёлида олиб юради.Архитектор аввало келажакни кўра олиши керак — у ҳали мавжуд бўлмаган биноларни хаёлида қуриб, кейин реалликка айлантиради. Романтик инсон ҳам шундай: у орзуYouTubeKonsta & Lola - Sog'indim (Official Music Video)Directed by - Rick Mamatkulov Produced by - Bogdan Frolov D.O.P. - Damir Mubinov 1st AD - Nilufar Anarkulova Line Producer - Aselya Idayatova Starring - Muhammadali Aliev / Munisa Magomed Location Manager - Muzaffar Yusupov Set Designers - Temur Hasankhodjaev…
Related Channels
Other channels in the same section of the catalogue.
