Latest posts
ᴇʟɪᴀꜱ ᴍᴇꜱᴇʀᴇᴛ
9 Nov, 17:19
የቡጢ፣ የቲክቶክ፣ የቁንጅና ወዘተ. ውድድሮችና ደመቅ ያሉ የገንዘብ ወይም የዓይነት ሽልማቶች እየገነኑ ሲመጡ በአንድ ወቅት እንደ አገር ጎላ ያለ ፋይዳ የነበራቸው፣ ቢቀጥሉ ኖሮ ለብዙ ታዳጊዎች አርአያዎች መሆን የሚችሉ ሰዎች የሚደምቁበት እንዲሁም የሙያተኞችን ተስፋ ሊያለመልሙ ይችሉ የነበሩ የእውቅናና ሽልማት ፕሮግራሞች ትዝ አሉኝ። አንዱ የሚከተለው ነው።በአገር አቀፍ ደረጃ ለአገር ባበረከቱት አስተዋጽዖ 5 ሰዎች ከፍተኛ እውቅናና ሽልማት እንዲያገኙ የተደረገበት ጊዜ ነበር። ይህን ከሰማን ከአስር ዓመት በላይ ስላስቆጠረ ሁለቱን ተሸላሚዎች ዘንግቻቸዋለሁ። ከሶስቱ፦የመጀመሪያው እና ትልቅ እውቅና ያገኙት ዶ/ር አብርሐም የሚባሉ በራስ ደስታ ሆስፒታል ስፔሻሊስት ሐኪም የነበሩ ናቸው። የሽልማቱ ምክንያት ከፍተኛ ህክምና የሚያስፈልጋቸውን ጨምሮ በቁጥር በጣም በርካታ ህሙማንን ከስራ ሰዓት ውጪ ያለማንም አስገዳጅነት በግል ፈቃደኝነት ለረዥም ጊዜ በነፃ የሕክምና አገልግሎት መስጠታቸው፤ሁለተኛዋ ስሟን የዘነጋኋት በሙያዋ ነርስ የነበረች ናት። ይህቺ ነርስ ተሸላሚ የነበረችው በራሷ ፈቃደኝነት በራሷ ወጪ በአገሪቱ በሚገኙ በርካታ የጸበል ሥፍራዎች 'ደከመኝ ሰለቸኝ' ሳትል እየተዘዋወረች የጸረ-ኤች አይ ቪ መድኃኒት ያቋረጡ ሰዎችን ጸበልም እየተጠመቁ መድኃኒታቸውንም እንዲወስዱ ለረዥም ጊዜ ስታስተምር (ስትወተውት) የቆየች በመሆኗ፤ሦስተኛው የመቄዶንያው ቢንያም በለጠ ነው። በተለይ በተለይ የአዕምሮ ሕሙማንን ከወደቁበት እያነሳ ሕክምና እንዲያገኙ በማድረጉ፤ነበር።እንደዚህ ያሉ የእውቅና እና የሽልማት (ትርጉም ያለው እና ሕይወትን የሚለውጥ) ፕሮግራሞች በተለያዩ የሙያ ዘርፎች (ለምሳሌ ጤና፣ ትምህርት፣ በጎ አድራጎት...) በአገር አቀፍ ደረጃ በመንግሥት ታግዘው መከናወን አለባቸው። ተጽዕኖአቸውን በበጎ መስመር በብዙ አቅጣጫ መመንዘር የሚቻል በመሆኑ ብናስብበት መልካም ነው።ልጆቻችንን አርአያ አናሳጣቸው!Via Hawlet Ahmed@EliasMeseretᴇʟɪᴀꜱ ᴍᴇꜱᴇʀᴇᴛ
9 Nov, 02:38
ከሰሞኑ መሠረት ሚድያ አርሲ ውስጥ እየተፈፀሙ ባሉ ግድያዎች ዙርያ የሰራቸው ዘገባዎች ለአለም አቀፍ ሚድያዎች ጭምር ምንጭ ሆነው እያገለገሉ ይገኛሉ፣ ድርጊቱን የመንግስት ሚድያዎች እንዳላየ ያለፉት ቢሆንም ክስተቱ የነፃ ሚድያዎች አስፈላጊነትን አጉልቶ ያሳያል።የመሠረት ሚድያ ባልደረቦች የሚያስመሰግን ስራ እየሰሩ ነው፣ በርቱ እንበላቸው።ትዊተር/ኤክስ ላይ ለህዝብ በማጋራት የተሳተፍንባቸው መልዕክቶችም ውጤት አሳይተዋል። መልዕክቱን ለበርካታ አለም አቀፍ ተቋማት እና ግለሰቦች ጋር ማድረስ የቻልን ሲሆን አሁን ለሚድያ ፍጆታ የማይውል ነገር ግን በኮሚቴ ደረጃ የህግ አውጪ እና አስፈፃሚ አካላት ሊያነጋግሩን ጥያቄ አቅርበው እየሄድንበት ነው። ሳንጨምር እና ሳንቀንስ ከተጎጂ አካላት የደረሰንን መረጃ መሠረት አርገን የህዝብን ሀቅ እናስረዳለን።The world is watching!@EliasMeseretᴇʟɪᴀꜱ ᴍᴇꜱᴇʀᴇᴛ
7 Nov, 13:02
የኢትዮጵያ ቡና ተወዳጅ በሆነበት እና በየዕለቱ እየተፈላ በብዛት በሚሸጥበት የፖርትላንድ፣ ሜይን Coffee by Design አዳራሽ/መጋዘን ውስጥ ከሀገር ቤት እስከ አሜሪካ የነበረንን ጉዞ አንስተን ከበርካታ ሰዎች ጋር ተወያየን፣ መልካም ግዜ ነበር።What a powerful time of reflection!@EliasMeseretᴇʟɪᴀꜱ ᴍᴇꜱᴇʀᴇᴛ
7 Nov, 12:21
ጠ/ሚር አብይ እንደ ፕሬዝደንት ትራምፕ!?የአሜሪካው ፕሬዝደንት ዶናልድ ትራምፕ ባለፉት ሁለት አመታት አብዛኛው ህዝብ በኑሮ ውድነት በተጨነቀበት ወቅት ትኩረታቸውን ዋይት ሀውስን በወርቅ ማንቆጥቆጥ፣ በግብዣ አዳራሽ እና በሚያንፀባርቅ ፑል ግንባታ እና ተመሳሳይ ይዘት ባላቸው "የካቢኔ ፕሮጀክቶች" ላይ አድርገው ነበር። በዚህ ምክንያት በቅርቡ በተካሄደው ምርጫ አሜሪካውያን በድምፃቸው የሪፐብሊካን ፓርቲን በከፍተኛ ሁኔታ ቀጥተዋል።በኢትዮጵያም በሀገሪቱ በርካታ አካባቢዎች የሚካሄዱት ደም አፋሳሽ ግጭቶች በየሳምንቱ የብዙ ንጹሃን ዜጎችን ህይወት እያጠፉ ባሉበት እና የኑሮ ውድነቱ ህዝቡን ክፉኛ ጎዳበት በአሁኑ ወቅት የመንግስት ዋና ትኩረት የኮሪደር ልማት፣ የከተማ ማስዋብ፣ የቤተ-መንግስት ፕሮጀክቶች እና የከባድ መሳሪያዎች ግዢ ላይ ሆኗል።በአሜሪካ እና በኢትዮጵያ መካከል ያለው ዋና ልዩነት የመፍትሔ መንገዱ ላይ ነው። አሜሪካ ዲሞክራሲያዊ ስርዓት ስላላት ህዝቡ በምርጫ የፖሊሲ ስህተቶችን መቅጣት እና ለውጥ ማምጣት ችሏል። በኢትዮጵያ ግን ዜጎች መሰረታዊ ችግሮቻቸው ተረስተው በመንግስት ፕሮጀክቶች ጥላ ስር እንዲኖሩ ቢገደዱም ይህን አሰራር የሚቀይሩበት ወይም ድምፃቸውን በዲሞክራሲያዊ መልኩ ሰጥተው ነገሮችን መቀየር ባለመቻላቸው ችግራቸውን ተሸክመው ይኖራሉ።ዜጎች የሀገር ውበት እና ልማት አይጠሉም። ነገር ግን የህይወት ዋስትና፣ ሰላም እና የዕለት ተዕለት የኑሮ እድገት ከምንም በላይ ቅድሚያ ሊሰጣቸው የሚገቡ አገራዊ ጉዳዮች ናቸው። ህዝብ ቅድሚያ የሚሰጣቸው መሰረታዊ እና አስቸኳይ የህይወት ጥያቄዎች እንዲመለሱ ይፈልጋል።@EliasMeseretᴇʟɪᴀꜱ ᴍᴇꜱᴇʀᴇᴛ
6 Nov, 11:21edited
X/Twitter ላይ ይህን መልዕክት ወስዶ በማስተጋባት ቢያንስ ድምፅ እንሁናቸውALERT: The violence in Ethiopia’s Arsi Zone is escalating. 34 more Christians bodies discovered yesterday in Robe Woreda just 11 days after the Shirka massacre of 45+ believers. Ongoing silence enables ongoing atrocities.@StateDept @USCIRF @HouseForeign @HouseForeignGOP @SenateForeign @SecRubio @USEmbassyAddis @RepGregoryMeeks @BrianMast @SenatorRisch @USAmbUN @VOLKER_TURK @EUinEthiopia @hrw @amnesty @ADFIntl- Impose Global Magnitsky sanctions - Demand accountability & protection for target communities#ProtectArsiChristians #EthiopiaHumanRightsᴇʟɪᴀꜱ ᴍᴇꜱᴇʀᴇᴛ
6 Nov, 10:58
ትናንት ከጠዋቱ 11 ሰዓት ጀምሮ በምሥራቅ አርሲ ዞን ሮቤ ወረዳ ውስጥ ታጣቂዎች በፈፀሙት ጥቃት እስካሁን ብቻ የ34 ምዕመናን አስከሬን መገኘቱ ተሰምቷል፣ ይህ እየሆነ ያለው እዛው አርሲ ዞን ሺርካ ወረዳ ከ45 የሚበልጡ የኦርቶዶክስ ተዋህዶ ምዕመናን ላይ አሰቃቂ ግድያ ከተፈፀመ ከ11 ቀን በኋላ ነው።ይህ ሁሉ ግፍ ሲፈፀም ትንፍሽ የማትሉ የመንግስት ሚድያዎች ውስጥ የምትሰሩ ጋዜጠኞች ምን ይሰማችሁ ይሆን? ህዝብን ወክላችሁ የመንግስት ወንበር ላይ የተቀመጣችሁ ባለስልጣናትስ? ከሁሉም በላይ ሀገሪቱን እየመሩ ያሉት ጠቅላይ ሚኒስትርስ?አንዳንዱ 'ለምን?' ብሎ ሲጮህ የነበረ ድርጊቱ ተደጋግሞ ሲፈፀም ሰልችቶት ሊተው ይችላል፣ ይህ ሁሉ ጉድ የሚፈፀምባቸው በህይወት የተረፉ ዜጎች ግን ምን እየተሰማቸው ይሆን? በቁማቸው ሞታቸውን እየተጠባበቁ?የመንግስት ዋና ስራ ግን ምንድን ነው?@EliasMeseretᴇʟɪᴀꜱ ᴍᴇꜱᴇʀᴇᴛ
4 Nov, 05:47
የአሜሪካንን የ Midterm ምርጫን ከንጋት እስከ አሁን እኩለ ለሊት ድረስ በመላው ግዛት እየተከታተልን ዜናዎችን እየሰራን እንገኛለን። በጋዜጠኝነት ሙያዬ የሌላ ሀገር ምርጫ ስዘግብ ይሄ የመጀመርያዬ ባይሆንም ለአሜሪካ ምርጫ አዲስ ነኝ።አንድ ነገር አስገረመኝ: የአሜሪካ የምርጫም ይሁን የፖለቲካ ስርዐት ከችግር የፀዳ ባይሆንም የአሜሪካ ህዝብ እጅግ ብልህ፣ ነፃነቱን እና ሀገሩን የሚወድ እና ቃል የገባውን የማይፈፅም ፖለቲከኛ አሽቀንጥሮ የሚጥል ጀግና ህዝብ ነው። እኛስ ነፃ ምርጫ ኖሮን እዚህ ደረጃ ላይ መቼ እንደርስ ይሆን?America, you continue to surpise me!Photos: Amjambo Africa@@EliasMeseretᴇʟɪᴀꜱ ᴍᴇꜱᴇʀᴇᴛ
3 Nov, 16:23
በኢትዮጵያ ፕረስ ታሪክ ረዥም እድሜ ካላቸው አንዱ የሆነው ሪፖርተር ጋዜጣ በታገደበት እለት የኳታሩ አልጀዚራ 30ኛ አመት የምስረታ በአል በትልቅ ድግስ አዲስ አበባ ውስጥ ተከብሮ ውሏል።ቢያውቁበት ኖሮ ሁል ግዜ ከሚያሸበሽብ አክቲቪስት እና ሚድያ ይልቅ ደካማ ጎንን የሚያሳይ አንድ ሚድያ ይሻል ነበር፣ ይሄ ለሌቦች እና ሙሰኞች እንዲሁም ወንጀለኞች ትልቅ ብስራት ሲሆን ለኢትዮጵያ ሚድያ ግን የመጨረሻው መጀመርያ ነው።@EliasMeseretᴇʟɪᴀꜱ ᴍᴇꜱᴇʀᴇᴛ
19 Sept, 16:50edited
እነዚህን ስፖርተኞች እንደ ምሳሌ (role models) አድርገው ለሚመለከቱ ህፃናት እና ወጣቶች የምናስተላልፈው መልዕክት ምንድነው?https://www.meseretmedia.org/p/mmawww.meseretmedia.orgከኤምኤምኤ (MMA) ስፖርት ጋር ተያይዞ ከሪንግ ውጭ የሚደረጉ ድብድቦች እና አምባጓሮዎች ለምን?በጋዜጠኛ ኤልያስ መሠረት ለመሠረት ሚድያᴇʟɪᴀꜱ ᴍᴇꜱᴇʀᴇᴛ
17 Sept, 22:28edited
የዛሬ 5 ወር ገደማ ለስራ ወደተዛወርኩበት ሜይን ግዛት በገባሁ በነጋታው ለቡና ቁጭ ባልኩበት ካፌ ሮቤልን ተዋወቅኩት፣ መልካም ሰው መሆኑን ለመረዳት ግዜ አልፈጀብኝም፣ በዛኑ ጠዋት ተወውቀን ለምሳ ቤቱ ይዞኝ ሄደ።በዚህ ወቅት ነበር የካንሰር ተጠቂ መሆኑን እንባ ባዘሉ አይኖቹ ያጫወተኝ። ከዛ ወዲህ በብዛት እንደዋወል ነበር። የዛሬ አንድ ወር ገደማ ግን "ዶክተሮች አንድ ወር ግዜ ብቻ ነው ያሉህ አለኝ" በማለት ነገረኝ፣ ወዲያው ቤቱ ሄጄም አገኘሁት። ኢትዮጵያ ሄዶ የህይወቱን መጨረሻ ቀናት ማሳለፍ እንደሚፈልግ ነግሮኝ ተሰነባበትን። ከዛ ወዲህ ስልኩ አይሰራም፣ ተጠፋፋን።ከኢትዮጵያ ተመልሶ እንደነበር እና እዚሁ ማረፉ ትናንት ተነገረኝ። ዛሬ ቀብሩ ፖርትላንድ ከተማ ውስጥ ተፈፀመ። ሮቤል በ19 አመቱ የዛሬ 20 አመት ገደማ ነበር ወደ አሜሪካ የመጣው፣ የሁለት ሴት ልጆች አባትም ነበር።ነብስህ በሰላም ትረፍ ወንድሜ!ᴇʟɪᴀꜱ ᴍᴇꜱᴇʀᴇᴛ
11 Sept, 11:49
Me: “Just one lamb for Enkutatash.”Farmer: “Say no more.” Brings the excavator.ገመድ ፍለጋ የለ፣ እግር ያዝልኝ የለ 😊ᴇʟɪᴀꜱ ᴍᴇꜱᴇʀᴇᴛ
11 Sept, 03:08
ፖርትላንድ፣ ሜይን ውስጥ ከኢትዮጵያ እና ኢትዮጵያውያን ወዳጆች ጋር የአዲስ ዓመት ዋዜማን አሳለፍን።እንኳን አደረሳችሁ! መልካም አዲስ ዓመት!ᴇʟɪᴀꜱ ᴍᴇꜱᴇʀᴇᴛ
26 Aug, 18:35
ሜርላንድ ግዛት እያለሁ በሐዋርድ ካውንቲ ውስጥ ባለ የጥቁሮች ታሪክ ዙርያ ለ 'Beacon' ሚድያ የፃፍኩት ትንታኔ የሰሜን አሜሪካ የአታሚዎች ማህበር (North American Mature Publishers Association- NAMPA) ሽልማት አስገኝቷል፣ ሽልማቱ በቴነሲ ግዛት በቅርቡ።That was a surprise! Thank you 🙏🏽ፅሁፉን ለማንበብ: https://www.thebeaconnewspapers.com/unearthing-howard-countys-black-history/ᴇʟɪᴀꜱ ᴍᴇꜱᴇʀᴇᴛ
25 Aug, 02:54
አቶ ገዱ አንዳርጋቸውን ያሳያል የተባለ አንድ ቪድዮ ሲዘዋወር ተመለከትኩ፣ ቪድዮውን የለጠፉት ሰዎች ደግሞ 'የቀድሞው የክልል ፕሬዝደንት አሁን ላይ ይህን ስራ አሜሪካ እየሰሩ ነው' በሚል ለማሸማቀቅ ያሰቡ ይመስላል።ቪድዮው የእውነት ከሆነ ትክክለኛ መልዕክቱ ግለሰቡ እንደ ሌላው ሳይዘርፉ፣ በውጭ ሀብት ሳያካብቱ እንዲሁም በዱባይ፣ በናይሮቢ፣ በአውሮፓ እና በአሜሪካ የህዝብ ሀብት ይዘው እንዳልሸሹ፣ አሁን ላይ ደግሞ በነፃ ህሊና ስራ ሰርተው እየኖሩ እንደሆኑ የሚያሳይ ነው።ይህን መልዕክት የለቀቁ ሰዎች ስራ ሰርቶ ከሚኖር አንድ ባለስልጣን ከነበረ ግለሰብ ይልቅ የህዝብን ሀብት ዘርፎ ዱባይ ላይ ቪላ በመግዛት የሚንደላቀቅ ባለስልጣንን አክብረው እና አድንቀው የሚኖሩ ለመሆናቸው ምስክር አይሻም።@EliasMeseretᴇʟɪᴀꜱ ᴍᴇꜱᴇʀᴇᴛ
10 Aug, 15:49
ፎቷቸውን ትኩር ብዬ ተመለከትኩት፣ ህይወታቸው ገና ከፊታቸው የሚጠብቃቸው ወጣቶች እንደሆኑ ያስታውቃሉ። መሀል ላይ ያለው ወጣት ድንጋጤው ይጋባል፣ ሰው ባላጠፋው ጥፋት ሲከሰስ የሚሰማው ስሜት።ሁሉም 'ፋኖ ናችሁ' ተብለው ተረሸኑ፣ አስከሬናቸው እንኳን እንዳይነሳ ለቀናት ተከለከለ።ተመስገን ጌታቸው፣ ይታገሱ አሰግደው፣ ግዛው ግርማዬ!ነፍስ ይማር!https://www.meseretmedia.org/p/346www.meseretmedia.orgበጉራጌ ዞን አበሽጌ ወረዳ ሶስት ወጣቶች 'ፋኖ ናችሁ' ተብለው ከመኪና እንዲወርዱ ከተደረጉ በኋላ በአሰቃቂ ሁኔታ መረሸናቸው ታወቀ(መሠረት ሚድያ)- በማዕከላዊ ኢትዮጵያ በጉራጌ ዞን አበሽጌ ወረዳ ኢሰብአዊ እና ዘግናኝ ድርጊት መፈጸሙ ተሰምቷል።ᴇʟɪᴀꜱ ᴍᴇꜱᴇʀᴇᴛ
4 Aug, 01:20
መንግስትን መቃወም እና የህዝብ ተቋማትን ማጥቃት ሙሉ በሙሉ የተለያዩ ነገሮች ናቸው!እንደ የኢትዮጵያ አየር መንገድ እና ንግድ ባንክ ያሉ የህዝብ ሀብቶች ላይ ያተኮሩ ጥቃቶች ድንቁርና ካልሆኑ ምን ሊባሉ ይችላሉ? መንግስታት ይመጣሉ፣ ይሄዳሉ: ተቋማቱ ግን የህዝብ ሆነው ይኖራሉ። የሀገራችንን ሰንደቅ አላማ ይዞ አለምን የሚዞርን ታላቅ አየር መንገድ አርማ መሬት ላይ ጥሎ መርገጥ ከቀውስነት የዘለለ ትርጉም ያለው አይመስለኝም።@EliasMeseretᴇʟɪᴀꜱ ᴍᴇꜱᴇʀᴇᴛ
28 Jul, 20:33
ከአሜሪካዋ Maine ግዛት ዋና ገዢ (Governor) ጃኔት ሚልስ ጋር ትናንት በወቅታዊ ጉዳዮች ላይ ቃለ-መጠይቅ አርጌ ነበር፣ ዝርዝሩን ከታች ይገኛል ⤵️https://www.amjamboafrica.com/amjambo-exclusive-gov-mills-vows-to-protect-maines-immigrant-communities-after-fatal-ice-shooting/ᴇʟɪᴀꜱ ᴍᴇꜱᴇʀᴇᴛ
27 Jul, 15:41edited
የቀድሞው የኢትዮጵያ አየር መንገድ ዋና ስራ አስፈፃሚ፣ አሁን ላይ ደግሞ በአሜሪካ የግዙፉ Delta Air Lines ስትራቴጂክ አማካሪ የሆኑት አቶ ተወልደ ገብረማርያም ከአየር መንገዳችን ከለቀቁ ወዲህ የመጀመርያውን ሰፊ ቃለ መጠይቅ ከ LTM- Network/Amjambo Africa ሚድያችን ጋር ቆይታ አድርገዋል።ሙሉው ቃለ መጠይቅ ከቀናት በኋላ በድረ-ገፃችን እና ሶሻል ሚድያ ገፆቻችን ላይ ይለቀቃል፣ ይጠብቁን amjamboafrica.comፌስቡክ: https://www.facebook.com/share/1JeWXnEfkK/ኤክስ: https://x.com/AmjamboAfricaዋትሳፕ: Follow the Amjambo Africa channel on WhatsApp: https://whatsapp.com/channel/0029VbCHMDG0AgWGXjzVk03Kኢንስታግራም: https://www.instagram.com/amjamboafrica?igsh=MWt2eDV1aWx0OHIyYg==ᴇʟɪᴀꜱ ᴍᴇꜱᴇʀᴇᴛ
23 Jul, 16:29
'ሀገር እየመከረ ነው' በሚባልበት ወቅት ንፁሀን ዜጎች ላይ እንዲህ አይነት የጭካኔ ተግባር መፈፀም ምን ማለት ነው?https://t.me/meseretmedia/1787TelegramMeseret Media#ዜናመሠረት በአባይ ግዮን ቅድስት አርሴማ አንድነት ገዳም ላይ ዛሬ ጠዋት የድሮን ጥቃት ተፈፅሞ ምግብ ሲያዘጋጁ የነበሩ እናቶች መገደላቸው ተሰማ የአይን እማኞች ለሚድያችን ዛሬ ምሽት በስልክ እንደገለፁት ጠዋት 4:30 ላይ የተፈፀመው ጥቃት ያነጣጠረው በገዳሙ ውስጥ "ቤተ-እግዚአብሔር" በመባል በሚጠራው እና እናቶች ለምዕመናን ምግብ ለማብሰል በሚጠቀሙበት ክፍል ላይ ነበር። በዚህም ምክንያት የሰው ህይወት…ᴇʟɪᴀꜱ ᴍᴇꜱᴇʀᴇᴛ
17 Jul, 18:53
#የግልምልከታ"ጽምዶ" የተባለው ስብስብ በጋራ ጥቅምና በሰላም ላይ የተመሰረተ ሳይሆን የውስጥ ችግሮችን በኃይል ለመፍታት ከውጭ ኃይል ጋር መጣመርን የመረጠ ሀይል መሆኑን እያሳየ ነው፣ ይህ አካሄድ ደግሞ ታሪካዊ ስህተት እና የሕዝብ እልቂት ምንጭ መሆኑ የማይቀር ነው።የውስጥ የፖለቲካ ልዩነቶችንና ቅራኔዎችን በውይይት፣ በዕርቅና በሰላማዊ መንገድ በሀገር ውስጥ ከመፍታት ይልቅ የውጭ ኃይላትን ጦርና ጋሻ ጋብዞ የገዛ ወገንን ለማስጨፍለቅ ማሰብ እኩይ ተባር ነው።ቀደም ሲል የኢትዮጵያ መንግሥት ከኤርትራ ጋር በመጣመር በራሳችን ሕዝብ ላይ ያደረሰውን ሰብአዊ ቀውስና ስቃይ ስንተች የነበረውም ለዚሁ ነው ምክንያቱም እንዲህ ያሉ አሰላለፎች የሕዝብን ሕልውና የሚያጠፉ፣ ሀገርን ለባዕድ ጣልቃ ገብነት አሳልፈው የሚሰጡና ጠባሳቸው ለትውልድ የማይሻር በመሆኑ ነው።በመሆኑም አሁንም ሆነ ወደፊት ማንኛውም አካል በየትኛውም ስም “ጽምዶ” የሚል ስብስብ ፈጥሮ የሕዝብን ስቃይና መከራ የሚያበዛ ከሆነ በምንም ዓይነት መመዘኛ ተቀባይነት ሊኖረው አይችልም። የፖለቲካ ትርፍ ለማግኘት ሲባል የሰላማዊ ሰዎችን ሕይወት መገበሪያ ማድረግና ሀገርን ማፈራረስ የታሪክ ተጠያቂነትን ያስከትላል።እውነተኛ መፍትሔ ሊመጣ የሚችለው ከውጭ ኃይላት በሚገኝ የጦር ድጋፍ ሳይሆን በሀገር ውስጥ ኃይሎች መካከል በሚደረግ እውነተኛና ሁሉን አቀፍ ውይይት ብቻ እንደሆነ በጽኑ አምናለሁ፣ ሰላም የሚገነባው በጠመንጃ አፈሙዝ ሳይሆን በሰላማዊ ድርድር ነው።@EliasMeseret
A feedback bot for your channel — free
Followers write to the bot, you answer by reply, your account stays hidden. Created in one tap.
How it works →Related Channels
Other channels in the same section of the catalogue.
