Latest posts
ЭШҚОБИЛ ШУКУР ижоди
10 Sept, 03:21
Абулхайр Тайнотий кўрган УЧ ОДАМУ бировни кўрди: Сувнинг юзида Ерда юрган каби юрарди масрур. Деди: “Бу не бидъат, қуруғлиққа чиқ, Томиринг ерда-ку, эй тубан ғурур!” Бир кун кўриб қолди яна бировни Арвоҳдай ҳавода борарди юриб. Деди: “Бу не бидъат, тезроқ ерга туш, Ердан томирларинг узилмай туриб! Учинчи кўргани йўлда борарди, “Қайга?” деб сўраса, “Ўзимга!” дер у. Деди: “Хуш бор унда, эй, йўлнинг марди, Хуш бор, қадамингда гулласин туйғу!✍️ Эшқобил ШУКУР@Eshqobil_Shukur_ijodiЭШҚОБИЛ ШУКУР ижоди
6 Sept, 05:51edited
#Бобосўз_изидан“Чинг" сўзининг маъносини биласизми?📺"Бобосўз" — Эшқобил Шукур биланIjtimoiy tarmoqlardagi rasmiy sahifalarimiz.⬇️ 😂Online ko’rish 🎥Instagram|🟦Facebook ☎️ Telegram |🟥YouTube@Eshqobil_Shukur_ijodiЭШҚОБИЛ ШУКУР ижоди
3 Sept, 11:40
#Сиёҳи_қуримаган_сатрларЭСИЗМайсалар ярқираб чиқдилар қишдан, Капалакка дўнди ҳатто хасу хор. Сен-чи, безмадингми ахлат титишдан, Ахир... атрофда баҳор.Зангори боғларда ҳаёт ғарқ пишган Бўйга етган гуллар қабоғида ноз. Толмадингми тинмай қабр ковлашдан, Ахир... атрофда олтин ёз.Зарҳал адирларда йиғлаганда най Булутлар Ер билан дийдорлашган он. Бир зум туролсайдинг мағзава тўкмай, Ахир... атрофда баргрезон.Оппоқ сукунатга чўкар далалар,ЭШҚОБИЛ ШУКУР ижоди
1 Sept, 12:28edited
#Карвон_қўнғироғиМУСИҚА – ХАЛОСКОР, МУСИҚА – ҚОТИЛИнсоният тарихидаги иккинчи муаллим Абу Наср Форобийнинг шундай гапи бор: “Инсонни тубанликдан ва чорасизликдан мусиқа қутқаради”. Мен ҳозирги замоннинг баъзи “хит” қўшиқлари мусиқаларини эшита туриб, шу ҳақда ўйлайман. Ақл ва қалбни ўлдираётган бақир-чақир, шовқин-сурон, ҳайвоний қичқириқлар, бемаъни тапир-тупурлар билан тўла бу мусиқалар одамни тубанлик ва чорасизликка чоҳига итқитади. Форобий замонидаги ҳаётбахш мусиқа билан ҳозирги фитнакор “мусиқа”нинг фарқи шунда, бири – маърифий халоскор, бири – маънавий қотил. Бу гаплар ҳақиқий мусиқа яратаётган фидойи санъаткорлар ҳақида эмас, уларни Худо ёрлақасин, балки миллионлаб ёшларни йўлдан ураётган бетамизлар ҳақида.✍️ Эшқобил ШУКУР@Eshqobil_Shukur_ijodiЭШҚОБИЛ ШУКУР ижоди
31 Aug, 02:02
Ассаломалайкум, қадрдонларим!Мустақиллик байрамини катта қувонч ва шодликлар билан бирга кўзда ёшлар билан ҳам кутиб олмоғимиз керак. Бу байрамда Беҳбудий, Қодирий, Чўлпонлар руҳи билан қалбан учрашмак ва озодлик йўлида қатл этилган азизларнинг чўнг армонларини теран ҳис этмак керак. Мустақиллик куни бизга шаънимизни, қадримизни, ор-номусимизни, ўзлигимизни танитадиган улуғ бир кундир. Озодлик туйғуси бизни миллат сифатида бирлаштирадиган, кўнгилларимизни, фикрларимизни, амалларимизни бирлаштирадиган қудратли таянч бўлмоғи керак. Азиз элдошларим, дилдошларим, сизларга Ватан байрами қутлуғ бўлсин! Маърифат ва эзгулик фаришталари йўлларда йўлдошингиз бўлсин! Доимо Худонинг паноҳида бўлинг!✍️ Меҳр билан, Эшқобил ШУКУРОЗОДЛИК1 Саёқ сак эмасман, кўчкин қуюнмас, Уясиз илонмас, уя излаган. Бир парча нон менга азиз туюлмас, Бир парча юрагим эрк деб бўзлаган. Қандай ёлғонлайин... ҚандайЭШҚОБИЛ ШУКУР ижоди
29 Aug, 10:07edited
🎬 #Анонс«Тоғдан тошлар қулайди, Кўздан ёшлар қулайди. Қалбингдан бир чуқурга Ой, қуёшлар қулайди...»Катта шоирнинг битганларини сўзни ҳис қиладиган одамлар ижро этганда кўнгилларга етиб борадиган асар пайдо бўлади...«Сўз»ни соғинганлар учун теле туҳфа! Эртага — 30 август, соат 19:20 да «Маданият ва маърифат» телеканалида устоз Эшқобил ШУКУРнинг «Мегаполисдан Ҳимолай чўққисигача» китоби асосида тайёрланмиш театрлаштирилган тақдимотни ўтказиб юборманг.@Eshqobil_Shukur_ijodiЭШҚОБИЛ ШУКУР ижоди
28 Aug, 04:26
#Мустақиллигимиз_35_йиллигиХоразм вилояти Ёшлар марказида юртимиз мустақиллиги эълон қилинган тарихий сана муносабати билан «35 йилликка 35 китоб» номли тақдимот тадбири ташкил этилди. Қувонарлиси, ушбу маънавий хазинадан жой олган китоблар орасида устоз Эшқобил ШУКУРнинг «Мегаполисдан Ҳимолай чўққисигача» китоби ҳам бор.Шубҳасиз, китоб — инсониятнинг энг улуғ обидаси. Аммо у ўзининг ҳақиқий улуғлигига ўқилгандагина эришади. Шу боис китобнинг ўқилиши, тарғиб этилишидек хайрли ишга бел боғлаган, ёшларни мутолаага чорлаётган барча инсонларга ҳамиша қуллуқ!@Eshqobil_Shukur_ijodiЭШҚОБИЛ ШУКУР ижоди
27 Aug, 15:30
ШЕЪР ОДАМЛАРИИнсон туйғулари қарийдими ҳеч, Баргрезон қопларми гул туйғуларни? Сизга гулзорларим очаман бу кеч, — Ҳасратим, севинчим... ва қайғуларни. Шабистон, нуристон оралиғида Шабнамдай титранар дунёи қадим. Соҳир кавкабистон чимилдиғида Сизга юрагимни очмоқ истадим, Сизга юрагимни очмоқ истадим.Мен ахир ўзгача англайман Сизни, Сиз туйғу элчиси, севги одами. Қирқ йил сайр этибман юрагингизни, Орзулар ватани, меҳр олами... Ғойиб дарёларни мен Сиздан топдим, Куйловчи тоғларни Сиздан изладим. Ой мусиқа сочган ойдин кечада, Сизга юрагимни очмоқ истадим,ЭШҚОБИЛ ШУКУР ижоди
24 Aug, 14:03
forwarded from @soz_loyihasi
🔥 Soʻzdan yangi she’riy kompozitsiyaUni boy bersang bas, Uyog‘i xatar... Bir qadam narida tayyor turibdi, Tumonat vahshiy kuch, tumonat lashkar.Bu safargi shoirimiz Eshqobil ShukurTinglang, zavqlaning, fikrlaringizni esa izohlar qismida yozib qoldiringYouTubeda koʻrish: https://youtu.be/yUHXJ1WRr4o?si=blNHMPKf4TFtF7f_Instagramda koʻrish: https://www.instagram.com/reel/DcYyCcUtYI3/?igsi=MWE2bmJxb3JyMDhsMg==ЭШҚОБИЛ ШУКУР ижоди
23 Aug, 05:38edited
#Карвон_қўнғироғиБизда “эл” деган тушунча азалдан бор ва у кўп нарсалардан бизни ҳимоя қилиб келган. Ҳозирги пайтда дунёга таҳдид солиб турган ёлғизлик деб аталмиш иллат ҳам айни шу тушунча ҳаракатда бўлмаган жойларда тез урчиб кетди. Бир сўз билан айтганда, элсизлик бу йўлсизликдир, ёлғизликдир. Эл бор жойда ор ва номус бор, андиша ва уят бор. Ор-номус йўқ жойда ҳамма нарса мумкин. Ҳатто қотилликни жасорат деб кўрсатиш, ахлоқсизликни эркинлик деб кўрсатиш мумкин. Шу ўринда яна бир мулоҳазани қистириб ўтсам. Номуснинг муҳим таянчларидан бири андишанинг оти бугун жуда кўпайиб кетди. Дуч келган ноқис унга ўзича от қўйиб олади. Қўрқоқ, кўнгилчан, содда, бўшанг, юмшоқ, тортинчоқ, авайчи каби отларни сурбетлар андишанинг нақ манглайига ёпиштириб қўйишяпти. Энг ачинарлиси, камтарликни ҳам нуқсон деб қаровчилар тўдаси пайдо бўляпти. Неча давраларда эшитдим, кимдир орияти устун келиб, бирорЭШҚОБИЛ ШУКУР ижоди
21 Aug, 06:10
✍ Эшқобил ШУКУР 🎼Арзи ҳол 🎤 Эшқобил ШУКУР@Eshqobil_Shukur_ijodiЭШҚОБИЛ ШУКУР ижоди
18 Aug, 02:57edited
#Бобосўз_изидан"Бурун" — ҳаммага тушунарли сўзнинг биз билган ва билмаган жиҳатлари📺"Бобосўз" — Эшқобил Шукур биланIjtimoiy tarmoqlardagi rasmiy sahifalarimiz.⬇️ 📺 Jonli efir 📷 Instagram | 👥 Facebook 🔵 Telegram | 🟥 YouTube@Eshqobil_Shukur_ijodiЭШҚОБИЛ ШУКУР ижоди
15 Aug, 02:43edited
АДАШГАН«Агар у мен бўлсам тезроқ кел дўстим.» А.ОриповТун. Тўқайзор. Ваҳмазор. Совуқ. Ҳорғин йўлчи, манзилинг қаён? Қамишзорни кўрпадай қавиб, Оёқларинг толди, ошнажон.Тун. Тўқайзор. Ваҳмазор. Совуқ. Бўри увлар ойни соғиниб. Нур ушоғин терар тустовуқ. Сен борарсан маъюс оғриниб.Кимсан ўзи, далли йўловчи? Кетаяпман аста изингдан. Дўстмисан, ё ғанимсан гарчи… Эҳтимол, сен менинг ўзимсан.ЭШҚОБИЛ ШУКУР ижоди
13 Aug, 11:54edited
#Карвон_қўнғироғиАБУ РАЙҲОН БЕРУНИЙ ФЕЙК ХАБАРЛАР ҲАҚИДАБеруний “Ҳиндистон” асарини 1017-1030 йиллар оралиғида ёзган. Бу асар 1000 ёшга киряпти. Даҳо олим бундан 1000 йил аввал “ақл машъали билан денгиз ортини ёритиб”, Америка борлигини башорат қилиш билан бирга ХХI асрнинг 26 йилларида яшайдиган бугунги авлодларни фейк хабарлар тарқатишдан сақланишга чақиргандай гўё. Мен “Ҳиндистон” асарини ўқиётиб, олимнинг қуйидаги фикрларига дуч келдим: Шундай кишилар ҳам бўладики, ёлғон хабар тарқатиш уларнинг табиатига ўрнашиб қолиб, гўё унга шу вазифа юклатилгандек бўлади ва ёлғон хабар тарқатмасдан сира тинчимайди; бу эса уларнинг ёмон хоҳишлардан ва табиатига бузуқилик ўрнашиб қолганлигидан келиб чиққан”.✍️ Эшқобил ШУКУР@Eshqobil_Shukur_ijodiЭШҚОБИЛ ШУКУР ижоди
11 Aug, 10:28edited
«Қора холига бахш этгум Самарқанду Бухорони» ҲофизНимани истадинг, барини бердим, Булутлар патидай кетдим сочилиб. Ўзимни оламдай туганмас дердим, Кўкрагим бўшлиқдай қолди очилиб.Барини бердим-ку, мен энди йўқман, Ҳатто томчи қони, на бир сўзи йўқ. Ярим оғиз исмим бўлган чоғда ҳам, Лутф ила тутгувчи қўлнинг ўзи йўқ.Раъно, барин бердим ўзимда бўлган, Боқасан кўп нарса кутиб дафъатан. Кўкрагида фақат битта мушт қолган, Боши, оёғи йўқ мустамлакадан.(1983-йил)ЭШҚОБИЛ ШУКУР ижоди
9 Aug, 11:12edited
#ТақдимотКузатувчиларимизга «СЎЗ» лойиҳасининг «Мегаполисдан Ҳимолай чўққисигача» китоби тақдимотига бағишланган дастурини илинмоқдамиз. Бу ўша кун турфа сабаблар билан дастур томошасига кела олмаган дўстларимизга ҳам устоз Эшқобил ШУКУРнинг бадиият оламига сайр қилиш имконини берса, хурсанд бўламиз.Манба: 🔴 ▶ YouTube@Eshqobil_Shukur_ijodiЭШҚОБИЛ ШУКУР ижоди
7 Aug, 12:54
forwarded from @bookuzbekistan
💫 Sotuvda – "Boboso‘z izidan"O‘zbek tilida biz har kuni qo‘llaydigan so‘zlar qanday tarixiy yo‘lni bosib o‘tganini bilasizmi?📔 Ushbu kitobda Mahmud Koshg‘ariy, Yusuf Xos Hojib, Rabg‘uziy va Alisher Navoiy kabi buyuk ajdodlarimiz merosi asosida so‘zlarning kelib chiqishi va asl ma’nolari tahlil qilinadi. Sheva va adabiy tildagi so‘zlar qiyoslanib, tilimizning boyligi yangicha ko‘rinishda ochib beriladi.✨ Tilimiz tarixi, so‘zlar sehri va istiqboliga befarq bo‘lmagan har bir kitobxon uchun ajoyib qo‘llanma!Nashriyot: "Yoshlar matbuoti"; Muqova: Yumshoq, 528 bet; Narx: 44.000 so‘m.✅ Buyurtma berish: @bookuzbot +998339030050 +998712300050📍 Filiallar manzili📚 @bookuzbekistanЭШҚОБИЛ ШУКУР ижоди
6 Aug, 13:00edited
#ЭълонСавияси, мавзулар кўлами ва мазмун-моҳияти билан алоҳида эътироф этиб келинаётган «Маънавий ҳаёт» журналининг, ниҳоят, сайти иш бошлади!Қувонарлиси, энди журналнинг электрон шаклини айнан шу сайт орқали юклаб олиб, ўқишингиз мумкин.Сайт ҳаволаси: 👉 manaviyhayot.uzСайтдан ташқари журналнинг канали ҳам ташкил этилган: 👉 https://t.me/Manaviy_hayot_jurnaliЎзанимиз кузатувчиларига эслатиб ўтамиз: журнал бош муҳаррири — Эшқобил ШУКУР.ЭШҚОБИЛ ШУКУР ижоди
6 Aug, 10:05edited
ОЛИМПИАДА ЧЕМПИОНИНИ ЕНГГАН ШОИРБугун Эшқобил ака ажиб бир воқеани айтиб берди: Бир сафар Эшқобил акани Қозоғистонлик мухлислари меҳмонга таклиф қилишади. Ўша кунларда у ерда катта тўй бўлаётган ва шу муносабат билан бутун Марказий Осиёдан келган номдор полвонлар иштирокида катта кураш мусобақаси ташкил этилган экан. Кураш аввалида баковул даврага Олимпиада чемпиони бўлган машҳур курашчини чақиради. Чемпион томошабинлар олқиши остида лочиндек парвоз қилиб даврага киради. Унга рақиб сифатида эса... Ўзбекистондан келган меҳмон — полвон Эшқобил Шукурни таклиф қилади. Шоир ўша лаҳзадаги ҳолатини шундай хотирлайди: «Чемпион шу даражада бақувват, шунчалар ҳайбатли эдики, менга бир усул қўллаши ҳам шарт эмасди. Бир турткиласа йиқиламан — ўртамиздаги тафоут ер билан осмонча эди. Номига суяшиб туришга ҳам ярамайман. Лекин мезбонлар "Меҳмон, даврага чиқинг!" деб ҳайқиришяпти. Уят ўлимданЭШҚОБИЛ ШУКУР ижоди
5 Aug, 03:10
Севгилим, сен гулсан, севгининг гули, Мен эса дунёнинг залворли тоши. Пойингда умримнинг ўттиз бир йили, Ўттиз бир ёшимда айланди бошим.Севгилим, сен ойсан, севгининг ойи, Узансам етмайди... етмайди қўлим. Чархи кажрафторнинг райъига мойил, Ўттиз бир ёшимда айланди дилим.Нечун паришонсан менинг қошимда, Сўлим бир оҳангсан, сўлим бир баёт... Ўттиз бир ёшимда, менинг бошимда, Тегирмон тошидай айланди ҳаёт.Севгилим, сен гулсан, севгининг гули, Сенга бўйлай олмас на давлат, на шон. Пойингда умримнинг ўттиз бир йили Кечиккан гуллардай йиғлар паришон.
Related Channels
Other channels in the same section of the catalogue.
