Latest posts
Ministry of Education Ethiopia
13 Nov, 08:59
የወሊሶ ልዩ አዳሪ 2ኛ ደረጃ ትምህርት ቤት ግንባታ ተጠናቆ ተማሪዎችን ተቀብሎ የማስተማር ሥራውን ጀመረ፤ ----------------------- // -------------------------- (ህዳር 04/2019 ዓ.ም) የወሊሶ ልዩ አዳሪ 2ኛ ደረጃ ትምህርት ቤት ግንባታ ተጠናቆ፣ ዘመናዊና ለትምህርት ምቹ በሆነው አዲሱ ግቢ ተማሪዎችን ተቀብሎ የማስተማር ሥራውን በይፋ ጀምሯል። የትምህርት ሚኒስቴር በመላ ሀገሪቱ ያሉ ተሰጥኦና ችሎታ ያላቸውን ተማሪዎች አወዳድሮ በመመልመል በእውቀት፣ በክህሎትና በሥነ-ምግባር የዳበሩ ብቁ ዜጎችን ለማፍራት ልዩ አዳሪ 2ኛ ደረጃ ትምህርት ቤቶችን በተለያዩ የሀገሪቱ አካባቢዎች እያስገነባ ይገኛል። የወሊሶ ልዩ አዳሪ ትምህርት ቤትም ከእነዚህ ፕሮጀክቶች አንዱ ሲሆን የግንባታ ሥራው ተጠናቋል። ትምህርት ቤቱ በ2018 የትምህርት ዘመን የመጀመሪያ ተማሪዎቹን ተቀብሎ በጊዜያዊነት በአምቦ ዩኒቨርሲቲ ትምህርታቸውን እንዲከታተሉ አድርጎ የቆየ ሲሆን፣ በአሁኑ ወቅት የግንባታ ሥራው ተጠናቆ ወደ ቋሚ ግቢው ተዛውሯል። በዚህም የ9ኛና የ10ኛ ክፍል ተማሪዎችን በአዲሱ ግቢ ተቀብሎ የትምህርት ሥራውን በይፋ ጀምሯል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1Dy5rzcs51/11,600Open in TelegramMinistry of Education Ethiopia
12 Nov, 07:00
የሳይንስ፣ ቴክኖሎጂና ምህንድስና የፈጠራ ውድድር የንድፈ ሀሳብ ዕውቀትን በተግባር በመፈተሽ ችግሮችን ለመፍታት የሚያስችል ትልቅ አቅም እንደሚፈጥር ተገለጸ።------------------------ // ---------------------------(ሕዳር 03/2019 ዓ.ም) በአዲስ አበባ ሳይንስና ቴክኖሎጂ ዩኒቨርሲቲ የተካሄደው 11ኛው ሀገር አቀፍ የSTEM የፈጠራ ስራዎች ውድድርና አውደ ርዕይ ተጠናቋል። የከፍተኛ ትምህርት ልማት ዘርፍ ሚኒስትር ዴኤታ ዶ/ር ሰለሞን አብርሃ በማጠቃለያው ላይ እንደገለጹት የፈጠራ ሥራዎች የንድፈ ሀሳብ ዕውቀትን በተግባር ላይ በማዋል ማህበራዊ ችግሮችን ለመፍታት ወሳኝ ናቸው ብለዋል።ተማሪዎች ከተደገፉ ሳይንሳዊ እውቀትን ወደ ተግባራዊ ውጤት በመቀየር የሥራ ፈጣሪነት ክህሎታቸውን ማዳበር እንደሚችሉ ገልጸው የSTEM ማዕከላት የከፍተኛ ትምህርት ተቋማትን ከሁለተኛ ደረጃ ትምህርት ቤቶች እና ከማህበረሰቡ ጋር የሚያገናኙ በመሆናቸው ሊጠናከሩ አስገንዝበዋል።በአውደ ርዕዩ የቀረቡት ፕሮጀክቶች በግብርና፣ በጤና፣ በቱሪዝም፣ በአካባቢ ጥበቃ እና በዲጂታል ቴክኖሎጂ ዘርፎች ላይ ያሉ ተግዳሮቶች የሚፈቱ አበረታች ተግባራዊ መፍትሄዎች የታዩባቸው መሆናቸውን ጠቁመዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1EAwd7JuFB/17,400Open in TelegramMinistry of Education Ethiopia
11 Nov, 13:57
Ministry of Education and Binary University of Malaysia Explore Strategic Partnership -------------------------- // ---------------------(Nov. 11/2026 G.C) The Ministry of Education held a discussion with a delegation from Malaysia's Binary University of Management and Entrepreneurship, led by H.E. Ambassador Fekadu Beyene Aleka, Ambassador of Ethiopia to Malaysia, Singapore and other countries, alongside Tan Sri Dato' Professor Joseph Adaikalam, Founder and Executive Chairman, and Professor Dr. Rohini Devi, Co-founder and Vice Chairman of Binary University.The discussion focused on strengthening cooperation in higher education, particularly in entrepreneurship development, graduate employability, academic leadership, university-industry linkages and international academic partnerships. Use this link for the detail. https://web.facebook.com/share/p/19vBQYGriY/18,600Open in TelegramMinistry of Education Ethiopia
11 Nov, 11:38
የትምህርት ሚኒስትሩ የሚዛን ሁለተኛ ደረጃ ት/ቤት የመማር-ማስተማር ሂደትን ተመለከቱ፤---------------------- // ------------------------(ህዳር 02/2019 ዓ.ም) የትምህርት ሚኒስትሩ ፕሮፌሰር ብርሃኑ ነጋ በደቡብ ምዕራብ ኢትዮጵያ ሕዝቦች ክልል በሚገኘው ሚዛን ሁለተኛ ደረጃ ትምህርት ቤት በመገኘት የ2019 ዓ.ም የመጀመሪያ ሩብ ዓመት የመማር-ማስተማር ሂደትን ተዘዋውረው ተመለከቱ።በጉብኝታቸው ወቅትም ከተማሪዎችና ከመምህራን ጋር በመገናኘት ሀሳባቸውን በማከፈል አበረታች መልዕክት አስተላልፈዋል።ሚኒስትሩ በመልዕክታቸው ጠንካራ፣ የበለጸገችና በራሷ እግር የምትቆም ሀገር መገንባት የሚቻለው በእውቀት፣ በክህሎትና በሥነ-ምግባር የታነጹ፣ በዓለም አቀፍ ደረጃ ብቁና ተወዳዳሪ ዜጎችን ማፍራት ሲቻል ብቻ መሆኑን ገልጸዋል።ይህንን ሀገራዊ ራዕይ እውን ለማድረግም ሚኒስቴር መሥሪያ ቤቱ ጥራት ያለው ትምህርትን ለሁሉም ዜጎች ተደራሽ ለማድረግ የሚያስችሉ የተለያዩ የትምህርት ሪፎርም ተግባራትን ቀርጾ እየተገበረ መሆኑን አንስተዋል። ሙሉ መረጃውን ለማግኘት ይህንን ሊንክ ይጫኑ። https://web.facebook.com/share/p/1CnryTAzSf/17,100Open in TelegramMinistry of Education Ethiopia
11 Nov, 08:36
የከፍተኛ ትምህርት ፈተናዎች ዝግጅትና አስተዳደር ሀገር አቀፍ ስታንዳርድ ጠብቀው እንዲሰጡና ብቁ ተመራቂዎች የማፍራት ሂደትን እንዲያፋጥኑ የሚያስችል ሥርዓት መዘርጋቱን የትምህርት ምዘና እና ፈተናዎች አገልግሎት አስታወቀ፤--------------------- // ------------------------(ህዳር 02/2019 ዓ.ም) የትምህርት ምዘናና ፈተናዎች አገልግሎት በከፍተኛ ትምህርት የፈተናዎች ዝግጅትና አሰተዳደር ዙሪያ ከዩኒቨርስቲ አመራሮች ጋር ውይይት አድርጓል። በውይይቱም የአገልግሎቱ ዋና ዳይሬክተር እሸቱ ከበደ (ዶ/ር) የከፍተኛ ትምህርት ፈተናዎች ዝግጅትና አስተዳደርን በሚመለከት እንደገለጹት አገልግሎቱ በዩኒቨርስቲ በሚሰጡ ብሄራዊ ፈተናዎችን ቀጣይነት ባለው መልኩ ለማሻሻል እየሰራ እንደሚገኝ ጠቁመዋል። አገልግሎቱ የአገር አቀፍ ፈተና ምዝገባ ስርዓቱን በማዘመን በከፍተኛ ትምህርት ተቋማት የሚሰጡ የሬሚዲያል ፣ የመውጫና መግቢያ ፈተናዎችን ተፈታኞች ራሳቸው በበይነ-መረብ በቀጥታ መመዝገብ የሚችሉበትን ሥርዓት ለማዘመን እየሰራ መሆኑን ዶ/ር እሸቱ ገልጸዋል፡፡ ተፈታኞች በትምህርት ምዘና እና ፈተናዎች አገልግሎት በሚዘጋጀው ኦንላይ መተግበሪያ በመግባት የግል መረጃዎቻቸውን ፣ ፎቶግራፎቻቸውን ፣ የትምህርት ደረጃቸውንና እየተማሩ ያሉበትን የትምህርት ዘርፍ በመሙላት ምዝገባ ማካሄዳቸው ጊዜና ድካምን ከመቀነሱም ባሻገር ፈጣንና ቀልጣፋ አገልግሎት መስጠት እንደሚያስችል ዋና ዳይሬክተሩ አብራርተዋል፡፡ ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/14txFCbM8o1/19,500Open in TelegramMinistry of Education Ethiopia
9 Nov, 11:55
የአፍሪካን ዘላቂ ልማትና ዓለም አቀፍ ተወዳዳሪነት ለማረጋገጥ በሳይንስ፣ በቴክኖሎጂ፣ በምህንድስና፣ በሂሳብ (STEM) እና በፈጠራ ላይ አተኩሮ መስራት እንደሚገባ ተገለጸ።------------------------- // -------------------------(ጥቅምት 30/2019 ዓ.ም) 23ኛው የአፍሪካ የሳይንስ፣ ቴክኖሎጂ፣ ምህንድስና እና ሂሳብ ትምህርቶች አህጉራዊ ጉባኤ በአዲስ አበባ የአድዋ ድል መታሰቢያ ሙዚየም የመሰብሰቢያ አዳራሽ እየተካሄደ ይገኛል።አፍሪካውያንን ለዘላቂ ልማትና ዓለም አቀፍ ተወዳዳሪነት በሳይንስ፣ቴክኖሎጂ እና ፈጠራ ማጎልበት በሚል መሪ ቃል የተዘጋጀው ይህ ጉባኤ የአፍሪካ ሀገራት ታሪካዊ የነጻነት ትግል ከዘመናዊ የሳይንስና ቴክኖሎጂ ምዕራፍ ጋር በማስተሳሰር እንዲሰሩ ልምድና እውቀት የሚገበይበት መድረክ መሆኑ ተመላክቷል።በጉባኤው መክፈቻ ላይ በመገኘት መልእክት ያስተላለፉት የከፍተኛ ትምህርት ልማት ዘርፍ ሚንስትር ዴኤታ ዶ/ር ሰለሞን አብርሃ ኢትዮጵያ በአድዋ ድል ለአፍሪካ የነጸነትና የክብር ተምሳሌት እንደሆነች ሁሉ፣ የዘመኑ አርበኝነት ደግሞ በሳይንስና በቴክኖሎጂ እውቀት ራስን ማስታጠቅ እንደሆነ ተናግረዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1A3L8fvBZ2/19,900Open in TelegramMinistry of Education Ethiopia
9 Nov, 06:36
11ኛው ሀገር አቀፍ የሳይንስና የፈጠራ ስራዎች ውድድርና አውደ ርዕይ በአዲስ አበባ ሳይንስና ቴክኖሎጂ ዩኒቨርስቲ ተከፈተ፤--------------------------- // ------------------------(ጥቅምት 30/2019 ዓ.ም) በትምህርት ሚኒስቴር እና በተባባሪ አካላት ትብብር በተዘጋጀ አውደ ርዕይ በተማሪዎችና በመምህራን የተሰሩ ልዩ ልዩ የፈጠራ ስራዎች ይቀርባሉ። በአፍሪካ የሂሳብ እና የሳይንስ ትምህርት ማጠናከሪያ ማዕከል (SMASE-Africa) ፕሬዚዳንት ፕሮፌሰር ቤንሰን ባንዳ በዚሁ ጊዜ ባስተላለፉት መልዕክት መድረኩ ሳይንሳዊ ምርምርን፣ እውቀትንና ዓለም አቀፍ ትብብርን ለማጠናከር እንደሚያስችል ገልጸዋል። የሳይንስ ፈጠራ ስራዎች ተማሪዎች አካባቢያቸውን እና ማህበረሰባቸውን የሚፈትኑ ችግሮችን በጥናትና በፈጠራ ሥራዎች በመመርመር የፈጠራ መፍትሄዎችን እንዲያመነጩ እንደሚያነሷሷቸውም ፕሮፌሰር ባንዳ ተናግረዋል። በትምህርት ሚኒስቴር የሂሳብ የሳይንስና ሥነ ጥበብ ማበልጸጊያ ዴስክ ኃላፊ አቶ ታደሰ ተሬሳ በበኩላቸው በተማሪዎችና በመምህራን የሚካሄዱ የፈጠራ ውድድሮች ተማሪዎችን በማበረታታት ችግሮችን የመፍታት አቅም እንደሚፈጥር ገልጸዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1EJSzpHFyf/19,800Open in TelegramMinistry of Education Ethiopia
7 Nov, 09:25
የትምህርት ሚኒስቴር ለቀድሞ አመራሮች የሽኝት መርሃ ግብር አካሄደ።----------------------- // -----------------------(ጥቅምት 28/2019 ዓ.ም) የትምህርት ሚኒስቴር ባለፉት አምስት ዓመታት በአመራርነት ላገለገሉ ኃላፊዎች የሽኝት ያካሄደ ሲሆን አዲስ የተሾሙ አመራሮች ከጠቅላላ ሠራተኞች ጋር ትውውቅ አድርገዋል።በመርሃ ግብሩ ላይ የተገኙት የትምህርት ሚኒስትሩ ፕሮፌሰር ብርሃኑ ነጋ፣ የሀገር ግንባታ የትውልድ ቅብብሎሽና የጋራ ጥረት ውጤት መሆኑን ገልጸው፣ አዲስ የተሾሙ አመራሮችም የቀደሙት ኃላፊዎች የጀመሯቸውን የለውጥና የሪፎርም ሥራዎች በበለጠ ቁርጠኝነትና ብቃት አጠናክረው እንደሚያስቀጥሉ ያላቸውን እምነት ገልጸዋል።አዲስ የተሾሙት የአጠቃላይ ትምህርት ልማት ዘርፍ ሚኒስትር ዴኤታ ዶ/ር ቶላ በሪሶ፣ ሀገሪቱ በቀጣናዊና ዓለም አቀፋዊ መድረኮች የሚጠበቅባትን የመሪነት ሚና እንድትወጣ ብቁ የሰው ኃይል ማፍራት የትምህርት ዘርፉ ወሳኝ ሀገራዊ ተልዕኮ መሆኑን አንስተዋል።ይህንንም ተልዕኮ ለማሳካት የተሰጣቸውን ኃላፊነት በትጋት፣ በቁርጠኝነትና በተቀናጀ አሠራር ለመወጣት ዝግጁ መሆናቸውን ገልጸዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1C6Rdh2fBK/20,100Open in TelegramMinistry of Education Ethiopia
21 Sept, 14:29
በኢትዮጵያ እና ሞሪሸየስ ዩኒቨርሲቲዎች መካከል ያለውን ትብብር አጠናክሮ ማስቀጠል እንደሚገባ ተገለጸ።…………………………………………. // ………………………………..(መስከረም 11/2019 ዓ.ም) የትምህርት ሚኒስቴር አማካሪ ሚኒስትር ዴኤታ ፕሮፌሰር ክንደያ ገብረህይወት ከሞሪሸየስ ዩኒቨርሲቲ ከፍተኛ ሥራ አስፈጻሚዎች ጋር ውይይት አካሂደዋል።በውይይቱ ወቅት በሁለቱ ሀገራት የከፍተኛ ትምህርት ተቋማት መካከል ያለውን የትምህርት፣ የምርምር እና የቴክኖሎጂ ልውውጥ ትብብር ይበልጥ ማጠናከር በሚቻልባቸው ጉዳዮች ላይ ሰፊ ውይይት አድርገዋል።ኢትዮጵያ በከፍተኛ ትምህርት ዘርፍ የምታደርገውን ሪፎርም ለማስቀጠል ከቀጣናዊ እና አህጉራዊ ትምህርት ተቋማት ጋር የሚደረጉ የጋራ ትብብሮች ከፍተኛ ሚና እንዳላቸው ፕ/ር ክንደያ ገ/ህይወት ገልጸዋል።ከዚሁ ጋር በተያያዘም ከሞሪሸየስ ዩኒቨርሲቲዎች ጋር የሚደረጉ ግንኙነቶች ለሁለቱ ሀገራት ተመራማሪዎች እና ተማሪዎችያለውን የልምድ ልውውጥ ለማሳደግ ትልቅ እድል እንደሚፈጥር አስረድተዋል።አክለውም አሁን የተጀመረው የግንኙነት ፍላጎት ወደ ተግባር ለማውረድ በቀጣይ የመግባቢያ ስምምነት ለመፈራረም ፍላጎት ያለ መሆኑን አመላክተዋል።የሞሪሸየስ ዩኒቨርሲቲ ሥራ አስፈጻሚዎች በበኩላቸው ከኢትዮጵያ የከፍተኛ ትምህርት ተቋማት ጋር በጋራ ለመስራት እንደሚፈልጉ እና በተለይም በሳይንስ፣ በቴክኖሎጂ እንዲሁም የምርምር ስራዎች ላይ ትኩረት አድርጎ ለመስራት ከፍተኛ ፍላጎት ያላችው መሆኑን ገልጸዋል።18,100Open in TelegramMinistry of Education Ethiopia
21 Sept, 10:54
በማዕከላዊ ኢትዮጵያ ክልል በ2019 የትምህርት ዘመን የትምህርት ጥራትን ለማረጋገጥ ለተጀመሩ የሪፎርም ሥራዎች ትኩረት መሰጠቱ ገለጸ፤በክልሉ የ2019 የትምህርት ዘመን የመማር ማስተማር ሥራ ተጀምሯል።--------------------------- // ------------------------------ (መስከረም 11/2019 ዓ.ም) የክልሉ ምክትል ርዕሰ መስተዳድር፣ የማህበራዊ ክላስተር አስተባባሪና የትምህርት ቢሮ ኃላፊ አቶ አንተነህ ፈቃዱ እንደገለጹት በ2019 በክልሉ የትምህርት ጥራትን ለማስጠበቅ የሚያካሄዱ ተግባራት ተጠናክረው ይቀጥላሉ ብለዋል። በባለፈው የትምህርት ዘመን በክልሉ በትምህርት መሠረተ ልማት ማሻሻል ፣ በመምህራን አቅም ግንባታ፣ በትምህርት ለትውልድ ንቅናቄ ስኬታማ ተግባራት መከናወናቸውን ኃላፊው ተናግረዋል በተለይም በትምህርት ለትውልድ ንቅናቄ ባለፉት ሦስት ዓመታት ብቻ በክልሉ ከ4.4 ቢሊዮን ብር በላይ ሀብት በማሰባሰብ የትምህርት ቤቶችን ደረጃ ለማሻሻልና ምቹ የመማር ማስተማር ከባቢ ለመፍጠር የሚያስችሉ ሥራዎች መሰራታቸውን ጠቅሰዋል ። ከሥርዓተ ትምህርት ፣ ከግብዓት ማሟላት ፣ ከተማሪ መጽሀፍት ሥርጭት እንዲሁም የፈተና እና ምዘና ስርዓቱን ከማጠናከር አንጻርም ውጤታማ ሥራዎች መከናወናቸውን አብራርተዋል። ሙሉ መረጃውል ለማግኘት ይህንን ሊንክ ይጫኑ፤ https://web.facebook.com/share/p/1BxFBirzav/20,200Open in TelegramMinistry of Education Ethiopia
21 Sept, 08:47
ማስታወቂያለ2019 ዓ.ም በፌዴራል ልዩ አዳሪ ሁለተኛ ደረጃ ትምህርት ቤቶች ለመማር ተመዝግባችሁ የመግቢያ ፈተና ወስዳችሁ ተጠባባቂ ለሆናችሁ ተማሪዎች በሙሉ፤በ2019 ዓ.ም በፌዴራል ልዩ አዳሪ ሁለተኛ ደረጃ ትምህርት ቤቶች ለመማር ተመዝግባችሁ የመግቢያ ፈተና ወስዳችሁ ተጠባባቂ ለሆናችሁ ተማሪዎች፣ በተመዘገባችሁበት ሊንክ በመግባት ስማችሁንና ሪፈረንስ ቁጥራችሁን በማስገባት እስከ መስከረም 13 ቀን 2019 ዓ.ም ድረስ መመዝገብ እንደምትችሉ እንገልጻለን።ማሳሰቢያ ፦ ያሉን ቦታዎች ውስን በመሆናቸው በተጠባባቂነት ከተያዙ መካከል የተሻለ ውጤት ያመጡ ተማሪዎች ቅድሚያ የሚሰጣቸው መሆኑን እየገለጽን ምደባ የሚካሄደው ክፍት ቦታዎች ባሏቸው ት/ቤቶች እንደሚሆን እናሳውቃለን።የትምህርት ሚኒስቴር22,300Open in TelegramMinistry of Education Ethiopia
18 Sept, 14:11edited
ማስታወቂያ በ2019 ወደ ፌዴራል አዳሪ 2ኛ ደረጃ ትምህርት ቤቶች ለ9ኛና 10ኛ ክፍል ለመማር ተመዝግባችሁ ላለፋችሁ እና እስካሁን ድረስ ላልተመዘገባችሁ ተማሪዎች በሙሉ፣ ቀደም ሲል ለምዝገባ በተጠቀማችሁበት ሊንክ በመግባት እስከ እሁድ መስከረም 10/2019 ዓ.ም ድረስ እንድትመዘገቡ እናሳስባለን።37,100Open in TelegramMinistry of Education Ethiopia
18 Sept, 12:41
የኢትዮጵያን ብሔራዊ ጥቅም የሚያስጠብቅ ትውልድ ለመቅረጽ በትምህርት ዘርፉ ሰፊ የሪፎርም ስራዎች እየተከናወኑ ነው፦ ፕሮፌሰር ብርሃኑ ነጋ-------------------------- // -------------------------የኢትዮጵያን ብሔራዊ ጥቅም የሚያስጠብቅ፣ ብቁ፣ በቴክኖሎጂ የዳበረ፣ አገር ወዳድ እና ከግል ጥቅም ይልቅ ለጋራ ጥቅም የሚያስብ ትውልድ ለመፍጠር ያለመ የትምህርት ስርዓት አተገባበርን ባለፉት ሦስት ዓመታት ተኩል ውስጥ በትኩረት ስትተገብር ቆይታለች።የትምህርት ሚኒስትሩ ፕሮፌሰር ብርሃኑ ነጋ ከኢቲቪ ጋር ባደረጉት ቆይታ፤ የትምህርት ጥራትን ለማስጠበቅ አዳዲስ የስርዓተ-ትምህርት ማሻሻያዎችን ከመተግበር ጀምሮ፣ የብሔራዊ ፈተና አሰጣጥን በማጥበቅ የኩረጃን ልማድ ከመከላከል አንጻር ሰፊ ተግባራት መከናወናቸውን ገልጸዋል።በዚህም ባለፉት 3 ዓመታት ህብረተሰቡን በማሳተፍ በተሰበሰበ 146 ቢሊዮን ብር ወጪ ከ17 ሺህ በላይ አዳዲስ ትምህርት ቤቶች መገንባታቸውን የገለጹት ሚኒስትሩ፣ ከ36 ሺህ በላይ የሚሆኑ ነባር ትምህርት ቤቶችም እድሳት ተደርጎላቸዋል ብለዋል። ከዚሁ ጋር ተያይዞ የቅድመ-መደበኛ ትምህርት ቤቶች ቁጥር ከነበረበት 4 ሺህ ወደ 36 ሺህ ከፍ ሊል ችሏል። ከትምህርት መሣሪያዎችና ከአቅም ግንባታ አንጻርም ከተካሄደው የስርዓተ-ትምህርት ማሻሻያ ከ45 ሚሊዮን በላይ የሁለተኛ ደረጃ መማሪያ መጻሕፍት ታትመው ለተማሪዎች የተዳረሱ ሲሆን፣ ከ120 ሺህ እስከ 130 ሺህ የሚጠጉ መምህራንም በዘመናዊ የሥልጠና አሰጣጥ ዘዴዎች አቅማቸውን የሚያሳድግ ስልጠና እንዲያገኙ ተደርጓል። ሙሉ32,800Open in TelegramMinistry of Education Ethiopia
17 Sept, 11:58
ማስታወቂያ በ2018 ዓ.ም. የሁለተኛ ደረጃ ትምህርት ማጠናቀቂያ ሀገር አቀፍ ፈተና ወስዳችሁ በሪሚዲያል (Remedial) መርሃ-ግብር የከፍተኛ ትምህርት ተቋማት መግቢያ ውጤት ላስመዘገባችሁ ተማሪዎች በሙሉ፡-የከፍተኛ ትምህርት ተቋማት የምደባ ምርጫችሁን ከመስከረም 7/ 2019 ዓ.ም. እስከ መስከረም 11 ቀን 2019 ዓ.ም. ድረስ ወደ ትምህርት ቤት መሄድ ሳይጠበቅባችሁ ባላችሁበት ቦታ ሆናችሁ ከታች የተቀመጠውን ማስፈንጠሪያ (Link) በመጠቀም እራሳችሁ እንድትሞሉ እንገልጻለን።የማስፈንጠሪያ ሊንክ (Link): https://student.ethernet.edu.et/preferences80,700Open in TelegramMinistry of Education Ethiopia
17 Sept, 11:36
ማስታወቂያ በትግራይ ክልል በሚገኙ የመንግሥት ዩኒቨርሲቲዎች አዲስ ለተመደባችሁ ተማሪዎች ና ነባር ተማሪዎች በሙሉበትግራይ ክልል ካለው ወቅታዊ ሁኔታ አንጻር፣ የትምህርት ሂደታችሁ እንዳይስተጓጎልና ደህንነታችሁ ተጠብቆ ትምህርታችሁን በመደበኛነት እንድትቀጥሉ ለማስቻል፣ በጠየቃችሁት መሰርት ሁኔታዎች እስኪስተካከሉ ድረስ በጊዜያዊነት ከትግራይ ክልል ውጪ ወደሚገኙ ሌሎች የመንግሥት ዩኒቨርሲቲዎች እንድትመደቡ የሚደረግ ሲሆን በዚህ ጉዳይ ቅሬታ ያላችሁ ተማሪዎች ወደ ትምህርት ሚኒስቴር በአካል መምጣት የማይጠበቅባችሁ መሆኑን እየገለጽን በጊዚያዊነት የምትመደቡበትን ዩኒቨርስቲ በቅርቡ የሚገለፅላቹህ ሲሆን ያለው ነባራዊ ሁኔታ ሲስተካከል፣ መጀመሪያ በተመደባችሁባቸው ዩኒቨርሲቲዎች ተመልሳችሁ ትምህርታችሁን የምትቀጥሉ መሆኑን ከወዲሁ እናሳውቃለን። በተለያየ ምክንያት ትግራይ ባሉት ዩኒቨርስቲዎች መቀጠል የምትፈልጉ ነባርና አዲስ ተማሪዎች በሚመለከት ከዩኒቨርስቲዎቹ ጋር እየተነጋገርን ስለሆነ በትእግስት እንድትጠባበቁ እንጠይቃለን።የትምህርት ሚኒስቴር39,500Open in TelegramMinistry of Education Ethiopia
16 Sept, 15:56
ማስታወቂያየ2018 ዓ.ም የ12ኛ ክፍል ብሔራዊ ፈተና የዩኒቨርሲቲ ምደባን ይመለከታልበትምህርት ሚኒስቴር በ2018 ዓ.ም የ12ኛ ክፍል ብሔራዊ ፈተና የዩኒቨርሲቲ መግቢያ ውጤት ያስመዘገቡ ተማሪዎችን ወደ መንግሥት ዩኒቨርሲቲዎች የመመደብ ሂደትን አጠናቋል። ምደባው ፍትሐዊነትን፣ ግልጽነትን፣ እኩል ዕድልን እና ሚዛናዊ ስርጭትን በሚያረጋግጥ መልኩ፣ የተማሪዎችን ውጤትና ምርጫ፣ የዩኒቨርሲቲዎችን የቅበላ አቅም እንዲሁም ሌሎች የምደባ መስፈርቶችን ታሳቢ በማድረግ ተከናውኗል።1. የምደባው ዋና መስፈርቶች1.1. የተማሪዎች አጠቃላይ ውጤት እና የዩኒቨርሲቲ ምርጫየተማሪዎች አጠቃላይ የብሔራዊ ፈተና ውጤት የምደባው ዋና የቅደም ተከተል መስፈርት ሆኖ ተወስዷል። በዚህም መሠረት ከፍተኛ ውጤት ያስመዘገቡ ተማሪዎች በምርጫቸው መሠረት የመመደብ ቅድሚያ እንዲያገኙ የተደረገ ሲሆን በተቻለ መጠን ከመረጧቸው የመጀመሪያ ሦስት ዩኒቨርሲቲዎች እንዲመደቡ ተደርጓል።1.2. የዩኒቨርስቲዎች የተማሪ ቅበላ አቅምየእያንዳንዱ ዩኒቨርስቲ የተማሪ ቅበላ አቅም በምደባው ሂደት ታሳቢ ተደርጓል። በመሆኑም የተማሪው ውጤትና ምርጫ ከዩኒቨርስቲዎች የቅበላ አቅም ጋር በማጣጣም ምደባው ተከናውኗል።1.3. የክልል፣ የዞን፣ የወረዳ እና የትምህርት ቤት ስርጭትበዩኒቨርሲቲዎቻችን ብዝሃነትን ለማጠናከር እና የተማሪዎችን ሚዛናዊ ስርጭት ለማረጋገጥ፦43,500Open in TelegramMinistry of Education Ethiopia
16 Sept, 14:22
ኢትዮጵያና ስሎቫኪያ በትምህርት ዘርፍ ያላቸውን ትብብር ለማጠናከር በሚችሉባቸው ጉዳዮች ዙሪያ ተወያዩ ---------------------- // -------------------------(መስከረም 06/2019 ዓ.ም) የትምህርት ሚኒስትሩ ፕሮፌሰር ብርሃኑ ነጋ የስሎቫኪያ ሪፐብሊክ አምባሳደር በኢትዮጵያ ራስቲስላቭ ክሪዛንን በጽሕፈት ቤታቸው ተቀብለው በሁለቱ ሀገራት መካከል በትምህርቱ ዘርፍ ሊኖር ስለሚችለው ትብብር ተወያይተዋል።በውይይቱ ወቅት ፕሮፌሰር ብርሃኑ ነጋ ኢትዮጵያ ከስሎቫኪያ ጋር በትምህርት ዘርፍ ያላትን ትብብር የበለጠ ማጠናከር እንደምትፈልግ ገልጸው፣ በሀገሪቱ እየተካሄዱ ስላሉ የትምህርት ሪፎርም ሥራዎች ለአምባሳደሩ አብራርተዋል።በተለይም በከፍተኛ ትምህርት ዘርፍ ዩኒቨርሲቲዎችን በተልዕኮና በትኩረት መስክ በመለየት እንዲደራጁ እየተሠራ መሆኑን ጠቁመው፣ ዩኒቨርሲቲዎች የበለጠ አስተዳደራዊ ነፃነት እንዲኖራቸው ራስ ገዝ በሆነ መልኩ እንዲደራጁ እየተደረገ መሆኑንም አንስተዋል።የትምህርት ሪፎርሙ የበለጠ ውጤታማና ዘላቂ ውጤት እንዲያመጣ የተለያዩ የድጋፍና የትብብር አማራጮች እንደሚያስፈልጉ የገለጹት ሚኒስትሩ፣ ኢትዮጵያ በአሁኑ ወቅት በአዲስ የኢኮኖሚ ሪፎርም ላይ በመገኘቷ ከዚህ ጋር በተያያዙ አዳዲስና ተፈላጊ የትምህርት መስኮች በትብብር መሥራት እንደምትፈልግ ጠቁመዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1HF5jLJ5fu/37,500Open in TelegramMinistry of Education Ethiopia
16 Sept, 07:17edited
በመላው ሀገራችን ለሚገኙ ተማሪዎቻችን አዲሱ የትምህርት ዘመን ስኬታማ እንዲሆን እንመኛለን! ወጣቱ ትውልድ ለኢትዮጵያ ትልቁ ሀብቷ በመሆኑ የ2019 ዓ.ም የትምህርት ዘመን ጅማሮን ተከትሎ፤ እያንዳንዱ ተማሪ ለላቀ እውቀት በትጋትና ጉጉት ትምህርቱን እንዲከታተል፣ ለጥሩ ውጤት በጽናት እንዲተጋ፣ እንዲሁም የሀገራችንን የወደፊት ዕድል መቅረጽ በሚያስችሉ ክህሎቶች እንዲገነባ አበረታታለሁ። ዛሬ እየተገበርነው ያለው በርካታ የልማት ሥራዎች የነገን ትውልድ ታሳቢ ያደረጉ በመሆናቸው፣ የዚህ ቀጣይ ዕድል ተጠቃሚ እና ባለአደራ እንደመሆናችሁ መጠን፣ የኢትዮጵያን ታላቅ የስልጣኔ ታሪክ ወደፊት ለማስቀጠል የእናንተ ቁርጠኝነት መሠረት እንደሆነ ሙሉ እምነቴ ነው። ብቁ እና በራሱ የሚተማመን ትውልድ ለመገንባት በሚደረገው ጥረት ውስጥ የመምህራኖቻችን ትጋትና መሰጠት መሰረታዊ ምሰሶ ነው። ተማሪዎቻችንን ማነቃቃት፣ አቅማቸውን ማውጣት፣ እንዲሁም ነገ ተፎካካሪ ሆነው እንዲወጡ የሚያስችሏቸውን ዕውቀት፣ ክህሎትና እሴቶችን የማስታጠቅ አደራን ቀጥሉበት ስል በትህትና አሳስባለው። በትምህርት ዘርፉ ውስጥ ለምትገኙ ባለድርሻ አካላት በሙሉ፤ ስኬታማ እና ፍሬያማ የትምህርት ዘመን እንዲሆንላችሁ እመኛለሁ።ጠቅላይ ሚኒስትር አብይ አህመድ (ዶ/ር)34,700Open in TelegramMinistry of Education Ethiopia
15 Sept, 14:43
የፌዴራል ልዩ አዳሪ ትምህርት ቤቶች በሁሉም መስክ የወደፊቱ አገር መሪዎች የሚፈጠሩባቸው ተቋማት እንዲሆኑ እየተሰራ እንደሚገኝ ፕሮፌሰር ብርሃኑ ነጋ አስታወቁ ።------------------------ // ------------------------- (መስከረም 05/2019 ዓ.ም) የትምህርት ሚኒስትሩ ፕሮፌሰር ብርሃኑ ነጋ አዲስ ከተመደቡ የፌዴራል ልዩ አዳሪ ትምህርት ቤቶች መምህራን ጋር ውይይት ባደረጉበት ወቅት እንደገለጹት ልዩ አዳሪ ትምህርት ቤቶች በሁሉም በኩል የወደፊቱ የአገር መሪ የሚሆኑ ዜጎች የሚፈልቁባቸው ተቋማት ይሆናሉ ብለዋል። ትምህርት ቤቶቹ የነገዋን ኢትዮጵያ በቴክኖሎጂ ፣ በሳይንስ፣ በፖለቲካ ፣በፍልስፍና በሌሎችም የሚገነቡ አገር ወዳድ ዜጎች መፍለቂያዎች እንደሚሆኑ ያላቸውን እምነት ሚኒስትሩ ገልጸዋል። አያይዘውም ለሁሉም እኩል የሚያስቡና ሁሉንም እኩል መምራትና ማገልገል የሚችሉና አገርን ከቅርቃርና ከችግር ማውጣት የሚችሉ ዜጎች የሚፈጠሩባቸው ተቋማት እንደሚሆኑም ጠቅሰዋል። ትምህርት ቤቶቹ ከሁሉም የኢትዮጵያ ክፍሎች የተውጣጡ ዜጎች የሚማሩባቸውና ከሁሉም ቦታ የተውጣጡ መምህራንና በችሎታ ተመርጠው የሚያስተምሩባቸው ተቋማት መሆናቸውንም ጠቁመዋል። ሙሉ መረጃውን ለማግኘት ይህንን ሊንክ ይጫኑ፤ https://web.facebook.com/share/p/1Efqvo52qb/39,900Open in TelegramMinistry of Education Ethiopia
15 Sept, 11:34
35,000Open in Telegram
A feedback bot for your channel — free
Followers write to the bot, you answer by reply, your account stays hidden. Created in one tap.
How it works →Related Channels
Other channels in the same section of the catalogue.
