Latest posts
|شعر اوجاغی|
22 Sept, 11:16
▫️ سن اورادا، من بورادامن اورادا اؤلدوم، ان چوخ اورادا، بیلمزسن. اورادا زامان بوزوشموش بیر اسکی رسیم ایدی، اورادا سن یوخ ایدین، گؤزلرین بللی، بلیرسیز. قوپدون اورادان، بیر قیریق هئیکلم ایندی.بیر قولوم درین دنیزلرده تک باشینا، آیاقلاریم چؤللرده، قوم تپهلرینده گؤمولو. آلیب گؤتورور ساچلاریمی بیر سویوق روزگار، من اورادا اؤلدوم، ان چوخ اورادا، بیر باشقا طۆرلو.هئچ منده دئییلسن، بورادا یوخسان کی، اورادا وارمیسان، یا دا من یوخمویام؟ تک دئییلیک سنینله، بوتون اولمادیق هئچ، ایندی هارداییق، نئجهییک، بیلمیوروم.اورادا آخشاملار داها چوخ سرین، من بو قدر دئییلم، بو قدر ییخیق. سرخوشام، کدرلییم، یوخسولام، سنسیزم.|شعر اوجاغی|
22 Sept, 08:15
▫️اونلار مۆغنّینین کؤکسونو آرادیلار، قلبیندن باشقا، بیر شئی تاپمادیلار. قلبینی آرادیلار، خالقیندان باشقا، بیر شئی تاپمادیلار. سسینی آرادیلار، اۆزونتوسوندن باشقا، بیر شئی تاپمادیلار. سونرا اۆزونتوسونو آرایینجا، بیر دوستاقدا توتولدوغونو آنلادیلار. دوستاغینی آرادیلار، اؤزلریندن باشقاسینی حبسده گؤرمهدیلر.و گئجه، گئجه ایدی، مۆغنّی اوخویوردو.#محمود_درویش #شعر_اوجاغی @SheirOcagi|شعر اوجاغی|
22 Sept, 07:02edited
▫️Sahillər... #payız-ın nəfəsini hiss edənlər...#Qaraqan @SheirOcagi|شعر اوجاغی|
21 Sept, 17:51
▫️بیر بولبولم خوشنفسلی، همدمیمدیر باهار فصلی. خوشلامیرام دار قفسی، باغبان منی یارالاما، چمنلردن آرالاما!بیر چیچهیم آغ قوماشلی، اوستدهکی شئه اۆزوک قاشی. سئومیرم بورانی-قیشی، کولک، منی یارالاما، چمنلردن آرالاما!بیر بولاغام، سویوم سرین، داغ دؤشودور یوردوم، یئریم، موژدهسییم نغمهلرین. سئللر، منی یارالاما، چمنلردن آرالاما!#خسرو_فرجاوو #شعر_اوجاغی|شعر اوجاغی|
21 Sept, 17:50
▫️سینیرلنَنده بئله سنله نه تهر دانیشماغینی بیلن، سنه بوتون ذهنی دوروملاریندا دیَر وئرن بیرینی تاپ!📚 365 گون سنسیز #آکیرا #شعر_اوجاغی @SheirOcagi|شعر اوجاغی|
21 Sept, 17:25
دیالوق▫️- بارماغینی هر کسه طرف توتسان، اوچ بارماغین اؤزونه طرف اولاجاق.🎬 Shutter Island 2010 آمریکا #مارتین_اسکورسیزی #شعر_اوجاغی @SheirOcsgi
|شعر اوجاغی|
21 Sept, 08:36edited
▫️بؤیومهیه تلَسمه!اوغلوم! سن بؤیودوکجه، من سنین یاشیدین اولورام. بیر گون صینیف یولداشین، بیر گون محله اوشاغین، بیر گون دوستون اولورام.ریاضیاتی سئومهدیگینی، فوتبول اوینامادیغینی، نهدن اوتاندیغینی، هامیدان یاخشی بیلیرم.«حیات» آدلی اویوندا اودوزماقدان قورخما! قورخولو اولان اودوزماق دئییل، غالیب اولدوغونو بیلمهمکدیر.اینسانلاری تانییاندا تلسمه! هامی سنین کیمی دئییل. آغاجلارین یارپاقلارینا توخون،|شعر اوجاغی|
20 Sept, 12:55
▫️رسیملرسن دَییشدین، رسیملرین هئچ دَییشمهدی، نئجه سئویرم بو آلبومو، بیلمزسن! رسیملر یالانچی دئییل، رسیملر اؤلمور، اصلینده، آجی اولان شئی، سئوگیلرین اؤلومو. ساختا رنگلر یئرینی کؤلگهلره بوراخمیش، رسیملرده سیاه بیاضدیر گؤزلرین، دوداقلارین. ایشده باخ، اللرین اللریمی آختاریر، رسیملرده بسبللیدیر آنلادا بیلمهدیکلرین.ایندی بیر چرچئوهدن گولومسهییرسن منه، خاطیرلاییرسانمی بو رسیم چکیلدیگی گونو؟ باخیشلارین نه قدر دویغولو، نه قدر سیجاق! آنلاییرام نهلر دۆشوندویونو. بیر باشقا رسیمده بیرآز کدَرلیسن، حوزونلو بیر ماهنی تؤکولور دوداغیندان.ایندی سندن چوخ اوزاق بیر شهرده، سنی سئیر ائدیرم بیر آلبوم یارپاغیندا.|شعر اوجاغی|
19 Sept, 19:21
▫️کؤنلوم او گولون وصلینه نئیچون چاتا بیلمز، هجرانین الیندن گئجه-گوندوز یاتا بیلمز؟سودایِ محبّتده کی مشهورِ جهانم، چوخ سادهدی بو کؤنلوم ائوی، هئچ خاطا بیلمز.نادان نه بیلیر عشق و محبّت نه دئمکدیر؟! هئچ واخت کؤمورچو لعل و گوهر ساتا بیلمز.اینساندا نجابتله اونون اصلی گرکدیر، آیران نه قدر قالسا دا، قایماق توتا بیلمز.هرکسدن اوزاقلاشماق اولار نانجیب اولسا، اولاد اولا فرسیز، اونو اینسان آتا بیلمز.دائم آنادانگلمه شیرین اولمالیدیر دیل، گر اولسا آجی، هئچ کس اونا قند قاتا بیلمز.«باکیر»، ائله بیر دۆرّ یارات، خالق سنی سئوسین! خالق سئوسه صنعتکاری، اونا داغ باتا بیلمز.|شعر اوجاغی|
19 Sept, 18:19
دیالوق▫️- بو دونیادا هر شئیی سنه، اولدوغوندان داها دا چتینلشدیرمک ایستهین آلچاق آداملار وار. اونلارا حیرص وئرمک اوچون، هئچ نهدن کدرلنمهدیگینی گؤسترمهییندن داها یاخشی بیر یول یوخدور.🎬 Papillon 1973 آمریکا #مایکل_نوئر #شعر_اوجاغی @SheirOcagi
|شعر اوجاغی|
19 Sept, 17:53edited
▫️بیر گونبیر گون بو دونیادا یئریمی تاپسام، همین گون او یئردن قاچارام یقین! نه واختسا یاخامی بلا توتاندا، اونا دا بیر قوجاق آچارام یقین!بلامی قیسقانار باشقا قوجاقلار، بلاما آیری یئر سئچهرم، یقین! من کی بلالاری نعمت بیلمیشم، صراط کؤرپوسوندن کئچهرم یقین!اکیب اورهییمده غمین توخومون، قوشلارا دن بیلیب بیچهرم یقین! اوشاقلار همیشه گولسونلر دئیه، یالان دا اولسا، آند ایچهرم یقین!#تورال_جعفرلی #شعر_اوجاغی @SheirOcagi|شعر اوجاغی|
18 Sept, 19:50edited
▫️رندلر بزمیسانمایین، احوالیمیز عشق ایچره ناساز اولسا دا، رندلر بزمیندهنیک، وار ذوقوموز، آز اولسا دا!اهلِ حالین حالینی نااهله اظهار ائتمهریک، غافل و ناقابله تکلیفِ اِشعار ائتمهریک، عالمِ عشق ایچره هر بیگانهنی یار ائتمهریک، خوشدور اؤز معشوقهمیز، قلبینده مین ناز اولسا دا، رندلر بزمیندهنیک، وار ذوقوموز، آز اولسا دا.رونقِ میخانهمیز چنگ و دف و تار ایلهدیر، دردمندِ فرقت ایکن، فکریمیز یار ایلهدیر، سانمایین عارفلرین شهرتلری وار ایلهدیر! خوش کئچر ایّامیمیز، بسدیر کیچیک ساز اولسا دا، رندلر بزمیندهنیک، وار ذوقوموز، آز اولسا دا.فخردیر، اولموش فضولیلر بیزیم اجدادیمیز، عالمِ شعر ایچره اونلاردیر بیزیم استادیمیز، وجهی واردیر، چیخماییر افلاکه چون فریادیمیز،|شعر اوجاغی|
18 Sept, 16:47
▫️چیچکلریمه یئنی دیبچک، کیتابخاناما یئنی کیتابلار آرتیردیقجا، حیاتین نه قدر گؤزل اولدوغونا اینانیرام.#پاشا_موغانلی @SheirOcagi|شعر اوجاغی|
18 Sept, 09:43
▫️اؤنجه سئودیگینیز ترک ائدر سیزی، آردیندان یوخونوز. سونرا نه سئودیگینیز گئری دؤنر، نه ده یوخونوز.#جمال_ثریا #شعر_اوجاغی @SheirOcagi|شعر اوجاغی|
18 Sept, 08:32
▫️داریخان آدامدن سپیر قوشلارا پارکدا بیر آدام، هاوا بولودلودور، بیر آز دا سویوق. ایندی بو شهرده داریخیر هامی، کولکلر سرخوشدور، آغاجلار آییق.دن سپیر قوشلارا پارکدا بیر آدام، موبارک اۆزو وار، نجیب حالی وار. ائله بیل سوْروشور قوشلاردان نهسه، گؤرهسن قوشلارا نه سؤالی وار؟!دن سپیر قوشلارا پارکدا بیر آدام، اوچور فیکیرلری گؤیلره ساری. دونیانین ان زنگین آدامی او'دور، اووجوندا دنیدیر دؤولتی-واری.#تورال_جعفرلی #شعر_اوجاغی @SheirOcagi
|شعر اوجاغی|
17 Sept, 19:56
▫️بیر چیمدیک ایشیق اولسایدی، اینسان آرایاردیم بیر ده، یاشاییش کوچهلرینده.#حمیده_رئیسزاده #شعر_اوجاغی @SheirOcagi|شعر اوجاغی|
17 Sept, 15:57
دیالوق▫️- دردینه قولاق آس، هم کئچمیشدن درس وئریر سنه، هم گلهجکدن دئییر. درد بیزه کیم اولدوغوموزو اؤیرهدیر.🎬 Deadpool 2 2018 آمریکا #دیوید_لیچ #شعر_اوجاغی @SheirOcagi
|شعر اوجاغی|
17 Sept, 08:30edited
▫️گوزگوده آی ساختا دیواردان تاوانا هؤرولموش چیچک ساختا، تابلوداکی شهری فیلملرده گؤرموشم.فیلملر ساختا فیلملرده آجینی جانا چکیرلر دردلرین الیندن چایدا بوغولورلار.آجیلار گئرچک درد شکیللر دالیندان دا بوغور آدامی کامئرا گؤرموشم بیر یولداش الینده، ساختا گولورم. گؤزومدهکی کدرلری عئینکین رنگلی شیشهسی بویاییر. آجیلاریم کراواتیمین دۆیونونه دۆیونلنیب، سون شاتی ووروب کامئرانین باشینی قات!گولومسهییرم، قوی شکلینه باخان سنه «هونرمند»، منه «دردسیز» دئسین!|شعر اوجاغی|
17 Sept, 07:23
▫️بیر سس گؤندر منه، گئجه چاغی پنجرهیه توخونان یاغیشا بنزهسین!#نزار_قبانی #شعر_اوجاغی @SheirOcagi|شعر اوجاغی|
16 Sept, 20:47edited
▫️Of dağlar of...#ferdi_tayfur @SheirOcagi
Related Channels
Other channels in the same section of the catalogue.
