Latest posts
Uzdiplomat | Расмий канал
25 Sept, 14:34
🔴Ўзбекистоннинг қазилма бойликлари ҳақида АҚШ Геология хизмати нималарни маълум қилди?Ўзбекистон дунёда ишлаб чиқариладиган ренийнинг 9,3 фоизини, ураннинг 6,6 фоизини таъминлайди. АҚШ Геология хизмати — USGSнинг 2024 йилга оид ҳисоботида бу минералларни ишлаб чиқариш бўйича мамлакат бешинчи ўринда экани қайд этилган.Критик минераллар — замонавий саноат учун зарур, аммо таъминотида узилиш бўлса, ишлаб чиқаришга жиддий таъсир қиладиган хомашёлардир.Европа комиссияси бундай хомашёлар «яшил» энергетика, рақамли технологиялар, мудофаа ва аэрокосмик саноат учун кераклигини таъкидлайди. Шу сабаб уларни етказиб берувчи мамлакатлар билан ҳамкорликка қизиқиш юқори. ЕИ Ўзбекистон билан бу соҳадаги меморандумни 2024 йил 5 апрелда имзолаган.USGS маълумотига кўра, Ўзбекистон 2024 йилда Жанубий Корея, Германия ва АҚШ билан ҳам критик ва стратегик минераллар бўйича ҳамкорлик ҳужжатларини имзолаган.Ҳисобот мамлакатнинг амалда қанча маҳсулот ишлаб чиқарганини ҳам очиқлади. 2024 йилда Ўзбекистонда 113,2 тонна олтин, қазиб олинган рудадан олинган концентрат таркибида 154,2 минг тонна мис ва тахминан 4 минг тонна уран ишлаб чиқарилган. Олтин жами экспорт тушумининг 27,8 фоизини — яъни ҳар 100 долларининг қарийб 28 долларини таъминлаган.Ўзбекистон технологик металлар комбинати 2028 йилгача 1,6 миллиард долларлик 70 дан ортиқ лойиҳа устида ишлашни, маҳсулот турларини 15 тадан 48 тага кўпайтиришни режалаштирган. Олмалиқ комбинати эса 2030 йилгача мис ишлаб чиқаришни йилига 500 минг тоннага етказишни кўзлаган. Булар ҳали эълон қилинган режалар, бажарилган ишлар натижаси эмас.Telegram |Instagram | You Tube | Facebook | X
Uzdiplomat | Расмий канал
25 Sept, 13:34edited
🔴 Европа тиллари бир майдонда30 сентябрь куни Тошкентда Европа тиллари куни 2026 доирасида тиллар ярмаркаси, интерактив ўйинлар, фильм намойиши, маданий алмашинув ва мусиқий дастурлар ташкил этилади.Тадбирлар Европа Жамоаси, дипломатик ваколатхоналар, маданий ташкилотлар, университетлар, талабалар, тил ўрганувчилар ва кенг жамоатчиликни бирлаштиради.БатафсилTelegram |Instagram | You Tube | Facebook | X
Uzdiplomat | Расмий канал
25 Sept, 13:20
🔴Қибрайда қарийб 95 кг гашиш топилди✔️Уни олиб кетишга келганларни 8 кун кутилганТошкент вилоятининг Қибрай туманида қарийб 95 килограмм гашиш гиёҳвандлик воситасининг ноқонуний муомалага чиқарилиши олди олинди.Божхона қўмитасининг Контрабандага қарши курашиш бошқармаси ва ДХХ ходимлари ўтказган тезкор тадбирда даладаги дарахтлар орасига яширилган 4 та қоп топилган. Улар ичидаги 109 та ўрам лаборатория текширувидан ўтказилиб, модда салкам 95 кг гашиш экани тасдиқланган.Аммо тезкор тадбир шу билан тугамаган. Ҳуқуқни муҳофаза қилувчи органлар гиёҳвандлик воситасини ким олиб кетишини аниқлаш учун ҳудудни 8 кун давомида кузатган. Саккизинчи куни яширинган юкни олиш учун келган икки нафар шахс қўлга олинган.Тергов давомида уларга топшириқ берган шахс ҳам аниқланиб, ушланган. Божхона қўмитаси маълумотига кўра, у аввал ҳам бензин контрабандаси билан боғлиқ жиноят учун жавобгарликка тортилган.Расмий ҳисоб-китобга кўра, мусодара қилинган гашиш 700 мингга яқин истеъмол дозасига тенг. У охирги истеъмолчигача етиб борганида қора бозордаги қиймати 10 млн доллардан ошиши мумкин эди.95 килограмм сўнгги йилларда аниқланган йирик партиялардан бири. Бироқ 2026 йилнинг ўзида бундан қарийб олти баравар катта гашиш партияси ушланган.17 май куни «Термиз-авто» чегара-божхона постида Афғонистондан келган юк машинаси тиркамасидаги экскаватор текширилганда, унинг кўтаргич қисми ичига яширилган 593 кг гашиш ва 3 кг опий аниқланган.Бундан сал олдин — апрель ойида ҳам «Термиз-автойўл» постида Афғонистондан келган юк машинасидаги 750 та қозоннинг 210 таси ичига 190 кг 800 грамм гашиш яширилгани фош этилган эди.Telegram| Instagram | You Tube | Facebook | XUzdiplomat | Расмий канал
25 Sept, 11:55
🔴Фермерларга субсидия бериш тартиби ўзгаради✔️Натижа бўлмаса, пул қайтарилиши мумкинЎзбекистонда қишлоқ хўжалигига субсидия бериш тизими ўзгариши кутилмоқда. 2027 йилдан «маблағ ажратиш» моделидан «натижавий субсидия» моделига босқичма-босқич ўтиш таклиф қилинди. Бу ҳақида бугун Президент ҳузурида ўтган йиғинда айтилган.Яъни давлат фермернинг харажатини шунчаки қоплаб бермайди. Субсидиянинг самараси ҳосилдорлик, сув ва энергия тежамкорлиги, сарфланган ресурс эвазига олинган маҳсулот ҳажми бўйича баҳоланади.Дастлаб янги тартиб сув тежовчи технологияларда синаб кўрилади. Субсидия олган хўжаликнинг натижалари 2–3 йил кузатилади. Белгиланган кўрсаткичлар бажарилмаса, субсидия пулини қайтариш механизми қўлланиши мумкин.Ҳар бир субсидия олувчининг электрон паспорти яратилиб, маълумотлар давлат тизимларидан автоматик олинади. Бу жараёнда инсон омилини камайтириш кўзда тутилган.Айни пайтда аграр соҳада 29 йўналиш бўйича 91 турда субсидия мавжуд бўлиб, 2026 йилда уларга 2,7 триллион сўм ажратиш режалаштирилган.Қишлоқ хўжалиги суғуртаси ҳам кенгаяди. Боғ ва узумзорлардаги дарахтлар, импорт қилинган чорва, шунингдек, чорвачилик, полизчилик, картошка ва пиёз етиштириш билан боғлиқ хавфлар учун янги суғурта маҳсулотлари жорий этилади.2027 йилда 45 мингта қишлоқ хўжалиги корхонасини суғуртага қамраб олиш, маҳсулотларнинг суғурта қамровини 60 фоизга етказиш режалаштирилган.Шунингдек, суғурта мукофотининг 3–5 фоизини вакцинация, ветеринария, экинларни биологик ҳимоя қилиш ва табиий офатларнинг олдини олиш чораларига йўналтириш таклиф этилди.Ҳозирча янги тартиблар таклиф босқичида. Президент мутасаддиларга тегишли ҳуқуқий ҳужжатлар лойиҳаларини тайёрлашни топширди, деб хабар берди давлат раҳбари матбуот хизмати.Telegram| Instagram | You Tube | Facebook | X
Uzdiplomat | Расмий канал
25 Sept, 10:12
🔴Хитой Ўзбекистонга қирувчи самолётлар етказиб берилиши учинчи давлатларга қарши қаратилмаганини маълум қилдиХитой Мудофаа вазирлиги Ўзбекистонга J-10CE қирувчи самолётлари етказиб берилгани ҳақидаги саволларга муносабат билдирди.Вазирлик матбуот котиби Цзян Биннинг айтишича, Хитой ва Ўзбекистон, шунингдек, икки мамлакат қуролли кучлари ўртасида дўстона муносабатлар мавжуд. Ҳарбий савдо ҳамкорлиги халқаро ҳуқуқ ва амалиётга мувофиқ бўлиб, учинчи давлатларга қарши қаратилмаган. Бу ҳақда Global Times хабар берди.Аввалроқ Ўзбекистон Мудофаа вазирлиги ҳам J-10CE самолётлари етказиб берилганини маълум қилган эди. Global Times маълумотига кўра, Ўзбекистон Покистондан кейин ушбу самолётларни харид қилган иккинчи хорижий давлатдир.Хитой Мудофаа вазирлиги шартнома қиймати ва етказиб бериш тафсилотларини очиқламаган.✔️Ўзбекистон ҳарбий авиацияси ҳақида яна ўқиш✔️Ўзбекистоннинг замонавий разведка ва кузатув дронлари ҳақида ўқишTelegram |Instagram | You Tube | Facebook | X
Uzdiplomat | Расмий канал
25 Sept, 08:55edited
🔴 Бош прокуратура диққатига!Одамларни алдаганликда гумонланаётган фирма ортида собиқ прокурорлар турганлиги айтилмоқда✔️Терговчилар собиқ амалдорни сўроқ қилмаганини билдирди🎥 Батафсил видеоАвтомобиль олиш учун минглаб доллар тўлаган фуқаролар уч ойдан ортиқ вақтдан бери на машинасини, на пулини ололганини айтмоқда. Ҳолат юзасидан жиноят иши қўзғатилган, компания раҳбари қамоққа олинган. Бироқ мурожаатчилар компанияни амалда ким бошқаргани ва унинг собиқ прокуратура ходимлари билан эҳтимолий алоқалари ҳам ўрганилишини талаб қилмоқда. Терговчилар шу вақтгача собиқ прокурорни текширмаганини айтмоқда. Собиқ прокурор ҳам бу ҳақида ўз муносабатини билдирган.Батафсил ўқишTelegram |Instagram | You Tube | Facebook | XUzdiplomat | Расмий канал
25 Sept, 06:56
🔴200 млрд сўмдан ортиқ зарарни қоплаб, ҳибсдан чиққан генерал яна ИИВ тизимига қайтдиИчки ишлар вазирининг собиқ ўринбосари, генерал-майор Бекмурод Абдуллаев Тошкент шаҳри Чилонзор тумани Ички ишлар органлари фаолиятини мувофиқлаштириш бошқармаси бошлиғи этиб тайинланди. Тайинлов тўғрисидаги буйруқ 24 сентябрь куни имзоланган. ИИВ матбуот хизмати бу маълумотни Uzdiplomat мухбирига тасдиқлади.Эслатиб ўтамиз, Бекмурод Абдуллаев 2021 йил апрелидан ички ишлар вазири ўринбосари — Жамоат хавфсизлиги департаменти бошлиғи бўлиб ишлаган. Бунгача Мудофаа вазирлиги, ИИВ ва Миллий гвардия тизимида турли юқори лавозимларда фаолият юритган. 2025 йил 3 ноябрда у вазир ўринбосари лавозимидан озод этилди.Орадан уч ой ўтиб, 2026 йил 27 январда президент Шавкат Мирзиёев ИИВ тизимидаги давлат харидларида 186 млрд сўм бюджет маблағи ўзлаштирилгани аниқланганини очиқлади. Шу иш доирасида Бекмурод Абдуллаев ҳамда Жазони ижро этиш департаментининг собиқ бошлиғи Рустам Турсуновга нисбатан жиноят иши қўзғатилиб, улар қамоққа олинган эди.Кейин воқеалар кутилмаган тус олди. Апрель ойида Абдуллаев озодликка чиқди. Манбаларга кўра, у давлатга етказилган 200 млрд сўмдан ортиқ зарарни нақд пул шаклида қоплаган, шундан кейин унга нисбатан қамоқ эҳтиёт чораси гаровга ўзгартирилган.Июль ойида иш судга оширилди. Абдуллаев Жиноят кодексининг 167-моддаси — ўзлаштириш ёки растрата йўли билан талон-торож қилишнинг бир қатор қисм ва бандлари бўйича айбланди. У билан бирга Рустам Турсунов ва яна 28 киши — жами 30 нафар шахс судлангани айтилган эди.Сентябрь ўрталарида ОАВ ва ижтимоий тармоқларда Бекмурод Абдуллаев унга қўйилган айбловлар бўйича реабилитация асосида оқлангани ҳақида маълумот тарқалди. Айрим манбалар ҳатто зарарни қоплаш учун депозитга киритилган маблағларни унга қайтариш белгиланганини ҳам ёзди.Бироқ суд жараёни ёпиқ ўтказилгани сабабли оқлов ҳукмининг мазмуни, қайси айбловлар бўйича қандай қарор қабул қилингани ва ҳукм қонуний кучга кирган-кирмагани ҳақида расмий маълумот жамоатчиликка тақдим этилмаган.Telegram| Instagram | You Tube | Facebook | X
Uzdiplomat | Расмий канал
25 Sept, 06:14
🔴Сирдарёда 1,6 ГВт қувватнинг ўчиши Қозоғистонга ҳам таъсир қилди25 сентябрь тонгида Сирдарё вилоятидаги янги иссиқлик электр станциясида қарийб 1,6 ГВт генерациянинг бир вақтда тармоқдан чиқиши нафақат Ўзбекистоннинг айрим ҳудудларида, балки Қозоғистонда ҳам электр таъминоти чекланишига олиб келди. Ҳодиса Марказий Осиё мамлакатлари электр тармоқларининг ўзаро қанчалик боғланганини яна бир бор кўрсатди.Ўзбекистон Энергетика вазирлиги маълумотига кўра, ҳодиса соат 05:05 да Сирдарё вилоятидаги EDF иштирокида қурилган янги станцияда синов-созлаш ишлари давомида юз берган. 1 600 МВт қувват авариявий равишда ўчган. Аварияга қарши автоматика ишга тушиб, Ўзбекистоннинг айрим ҳудудларида аҳоли ва қишлоқ хўжалиги сув насослари вақтинча электрсиз қолган.Соат 07:27 га келиб барча истеъмолчилар тармоққа қайта уланган.Ҳодисанинг кўламини Қозоғистоннинг миллий электр тармоғи оператори — KEGOC берган маълумот янада яққол кўрсатади.KEGOC ҳисоб-китобига кўра, Ўзбекистон энерготизимида соат 05:02 да 1 516 МВт генерация йўқолган. Бу Марказий Осиё бирлашган энерготизимидан Ўзбекистон томон қувват оқимининг кескин ошишига олиб келган ва натижада Қозоғистон электр тармоғидаги «Шимол–Жануб» транзити ажралиб кетган.Оқибатда Қозоғистонда истеъмолчилар учун жами 962 МВт қувват чекланган.Демак, Сирдарёдаги битта йирик генерация объектининг ўчиши амалда трансчегаравий энергетик ҳодисага айланган.«Сирдарё-2» станцияси 25 август куни, Ўзбекистон мустақиллигининг 35 йиллиги арафасида янги энергетика объектларини ишга тушириш маросими доирасида расман очилган эди.Унинг аниқ белгиланган қуввати 1 573 МВт. Станция йилига 13 млрд кВт·соатгача электр энергияси ишлаб чиқариши режалаштирилган.Бироқ Энергетика вазирлигининг бугунги ахборотига қараганда, объектда ҳали ҳам синов-созлаш ишлари давом этмоқда.China Energy маълумотига кўра, станциянинг буғ турбинаси 12 июлдагина биринчи марта электр тармоғига уланган. Компания уни Марказий Осиёдаги энг йирик буғ-газ электр станцияси лойиҳаси деб атаган.Лойиҳанинг қиймати 900 млн доллар бўлиб, маблағ тўғридан-тўғри хорижий инвестициялар ҳисобидан жалб қилинган. Станцияни Франциянинг EDF, Қатарнинг Nebras Power ҳамда Япониянинг Sojitz ва Kyuden компаниялари иштирокидаги консорциум қурган.IFC ҳужжатларида лойиҳа компаниясидаги улушлар ҳам кўрсатилган: EDF — 33,3%, Nebras — 33,3%, Sojitz — 19%, Kyuden — 14,3%. Электр энергиясини Ўзбекистоннинг «Миллий электр тармоқлари» компанияси 25 йиллик шартнома асосида сотиб олади.Sojitz бу лойиҳани япон компанияси инвестиция киритган Ўзбекистондаги биринчи мустақил электр ишлаб чиқарувчи — IPP лойиҳаси деб таърифлаган.Telegram|Instagram | You Tube | Facebook | X
Uzdiplomat | Расмий канал
10 Sept, 16:18
🔴Қайтиш: Асаджон Ходжаев рақамли технологиялар вазирининг ўринбосари этиб тайинландиПрезидент Администрацияси раҳбарининг тегишли фармойиши билан Асаджон Азатбекович Ходжаев рақамли технологиялар вазирининг комплаенс ва коррупцияга қарши ички назорат бўйича ўринбосари лавозимига тайинланди.У ҳозирда тугатилган Президент Администрацияси ҳузуридаги Ахборот ва оммавий коммуникациялар агентлиги — АОКА директори лавозимида фаолият юритган.Telegram |Instagram | You Tube | Facebook | X
Uzdiplomat | Расмий канал
10 Sept, 15:11
🔴 Энди тунда шовқин сололмайсизАҳоли осойишталигини ҳимоя қилувчи қонун қабул қилиндиЎзбекистонда иш кунлари соат 23:00 дан 07:00 гача, дам олиш ва ишланмайдиган байрам кунлари эса 22:00 дан 09:00 гача меъёрдан ортиқ шовқин чиқариб, фуқаролар осойишталигини бузишга йўл қўйилмайди.Бу 2026 йил 9 сентябрда қабул қилинган «Аҳолини шовқиннинг зарарли таъсиридан ҳимоя қилиш тўғрисида»ги қонунда белгиланди.Қонун турар жойлардаги маиший фаолият, қурилиш ишлари, техника ва транспорт воситаларидан келиб чиқадиган шовқинларни ҳам қамраб олади. Шовқиннинг йўл қўйиладиган даражаси санитария қоидалари ва нормаларида белгиланади.Шовқиннинг зарарли таъсири натижасида етказилган зарар учун суд орқали компенсация ундириш мумкин бўлади. Соҳадаги ваколатли орган — Санитария-эпидемиологик осойишталик ва жамоат саломатлиги қўмитаси.Қонун ҳали кучга киргани йўқ.
Uzdiplomat | Расмий канал
10 Sept, 11:21
Ўзбекистон электротехника экспортини 5 млрд долларга етказмоқчиЎзбекистон электротехника саноатини янада кенгайтиришни режалаштирмоқда. Президент Шавкат Мирзиёевга тақдим қилинган режага кўра, 2030 йилга бориб соҳадаги экспорт ҳажми 5 млрд долларга етказилиши керак.Ҳозир мамлакатда электротехника маҳсулотлари ишлаб чиқариш ҳажми 2018 йилга нисбатан қарийб 9 баравар ўсиб, 43,1 трлн сўмга етган. Ўзбекистонда ишлаб чиқарилган маҳсулотлар 65 та давлатга экспорт қилинмоқда.Айни пайтда аҳоли ишлатаётган маиший техниканинг 80 фоизи маҳаллий корхоналарда ишлаб чиқариляпти. Қуёш панеллари, электромобил қувватлаш станциялари, юқори кучланишли кабеллар ва иссиқлик насослари каби маҳсулотлар ҳам маҳаллийлаштирилган.Энди корхоналарга мис сотиб олиш ҳам енгиллаштирилади. Янги тартибга кўра, мис хомашёси қийматининг 25 фоизини корхонанинг ўзи, қолган 75 фоизини эса «Ўзсаноатэкспорт» тўлаб
Uzdiplomat | Расмий канал
10 Sept, 11:00
🔴Ўзбекистоннинг темир йўл ташаббуси Хитой таъсирини кучайтириши мумкинми?Ўзбекистон таклиф қилган ШҲТга аъзо давлатлар темир йўл тармоқларини интеграция қилиш кенгаши Марказий Осиёдаги транспорт йўналишларига Хитой таъсирини ошириши мумкин. Бу ҳақда АҚШдаги Foundation for Defense of Democracies (FDD) таҳлил маркази материалида сўз боради.Таҳлилда қайд этилишича, Хитой ва Европани Россия ҳамда Эронни четлаб ўтиб боғловчи Транскаспий халқаро транспорт йўлаги — Ўрта йўлак АҚШ–Хитой рақобатининг янги йўналишига айланмоқда.Батафсил ўқишTelegram |Instagram | You Tube | Facebook | X
Uzdiplomat | Расмий канал
10 Sept, 08:19edited
🔴Ўзбекистонда цемент ишлаб чиқариш 12,1 млн тоннага етдиПрезидент цемент заводлари оқибати бўлган экологик таъсирни камайтиришга чақирган эдиЎзбекистонда 2026 йилнинг январь–июль ойларида 12,1 млн тонна цемент ишлаб чиқарилди. Бу ўтган йилнинг шу даврига нисбатан 100 минг тонна ёки 0,8 фоиз кўп. Бу ҳақда Миллий статистика қўмитаси маълумотларига таяниб, Global Cement хабар берди.2025 йилнинг дастлабки етти ойида 12 млн тонна, 2024 йилнинг шу даврида эса 9,1 млн тонна цемент ишлаб чиқарилган. Демак, икки йилда ҳажм 3 млн тоннага — қарийб 33 фоизга ошган.Эслатиб ўтамиз, Шавкат Мирзиёев 2024 йил 18 январдаги йиғилишда мамлакатда цементга бўлган йиллик эҳтиёжни тўлиқ қоплайдиган қувватлар мавжудлигини айтган. У шундай шароитда мутасаддилар яна 22 та цемент заводи қуришни таклиф қилаётганини танқид қилган.Президент юқори қўшилган қийматли
Uzdiplomat | Расмий канал
10 Sept, 07:25
🔴Сенат алифбо ўзгаришларини маъқуллади✔️33 йилдан кейин ҳам ўтиш «босқичма-босқич»Сенат лотин ёзувига асосланган ўзбек алифбосига ўзгартиришлар киритишни маъқуллади. Янги алифбо 26 та ҳарф ва 3 та ҳарф бирикмаси ўрнига 28 та ҳарф ва 1 та тутуқ белгисидан иборат бўлади.«Sh» ўрнига «Ş», «Ch» ўрнига «Ç», «Oʻ» ўрнига «Ö», «Gʻ» ўрнига «Ğ» ишлатилади. «Ng» эса алифбо таркибидан алоҳида бирлик сифатида чиқарилади.Сенатда бу ўзгаришлар матн териш, қидирув тизимлари ва ўзбек тилини рақамлаштиришдаги қийинчиликларни бартараф этиш зарурати билан изоҳланган.Ўтиш яна босқичма-босқич амалга оширилади. Амалдаги алифбода расмийлаштирилган ҳужжатлар ўз кучини сақлайди, пул ва қимматли қоғозлар муомалада қолади. Пешлавҳа ва кўрсаткичлардан эса эскиргунига ёки белгиланган муддатгача фойдаланиш мумкин бўлади.Ўзбекистонда лотин
Uzdiplomat | Расмий канал
10 Sept, 06:11
🔴Эҳтиёжманд оила аъзосини ишга олган корхоналар учун ижтимоий солиқ 12 фоиздан 2 фоизга туширилади2026 йил 1 октябрдан қишлоқ туманларида эҳтиёжманд оила аъзосини ишга қабул қилган корхоналар мазкур ходим учун 2 фоиз ижтимоий солиқ тўлайди.Ҳозирда корхоналар учун ижтимоий солиқнинг умумий ставкаси 12 фоизни ташкил этади. Демак, янги имтиёз доирасида иш берувчининг ушбу ходим бўйича солиқ юки 6 баробар камаяди.Масалан, ходимга 5 млн сўм иш ҳақи ҳисобланса, умумий ставка бўйича корхона 600 минг сўм ижтимоий солиқ тўлайди. 2 фоизлик ставкада эса тўлов 100 минг сўмни ташкил этади. Корхона ҳар бир шундай ходим учун ойига 500 минг сўм тежайди.Бу ҳақда президент Шавкат Мирзиёев раислигидаги йиғилишда маълум қилинди. Чора эҳтиёжманд оилалар аъзоларини доимий иш билан таъминлаш ва уларнинг даромадини оширишга қаратилган.Ҳозирча имтиёз қайси қишлоқ
Uzdiplomat | Расмий канал
10 Sept, 05:12
🔴 Ўзбекистон ЖСТга аъзо бўлгач, импорт божи ставкалари президент ҳужжати эмас, қонун билан белгиланадиБу божлар пасаяди деганими?Президентнинг 2026 йил 27 августдаги фармонига кўра, ягона ҳужжатда товарларнинг ТИФ ТН кодлари, ЖСТ билан келишилган энг юқори бож ставкалари ва амалда қўлланадиган ставкалар кўрсатилади. Қонун лойиҳаси 2027 йил декабригача тайёрланади.ЖСТда bound rate — божнинг келишилган энг юқори чегараси. Амалдаги ставка ундан паст бўлиши мумкин, аммо юқори бўла олмайди.Бу янгилик импорт божлари дарҳол пасаяди ёки товарлар автоматик арзонлашади, дегани эмас. Ҳақиқий таъсир ЖСТ билан келишилган ставкалар очиқлангач маълум бўлади.Ўзбекистон ЖСТга аъзо бўлиш жараёнини 2026 йил охиригача якунлашни режалаштирмоқда.Telegram| Instagram | You Tube | Facebook | X
Uzdiplomat | Расмий канал
10 Sept, 04:02
📄uzdiplomat иқтибоси:🖍«Биз ҳар доим ҳар қандай кўтарилган масалага зудлик билан ва тўғри жавоб бериш тарафдори бўлиб келганмиз. Самимийлик ва очиқлик фойда берса берадики, лекин зарар келтирмайди».Март, 2021 йилКомил Алламжонов,Ўзбекистон Республикаси Президенти Администрацияси Раҳбарининг шартнома асосида жалб қилинадиган маслаҳатчисиTelegram| Instagram | You Tube | Facebook | X
Uzdiplomat | Расмий канал
9 Sept, 13:39
🔴«Ислом Каримовдан бир неча бор интервью олганман»✔️Қобилбек Каримбеков ўша давр телевидениеси ва цензура ҳақидаЎзбекистонда хизмат кўрсатган журналист Қобилбек Каримбеков биринчи президент Ислом Каримовдан бир неча марта интервью олгани ҳамда ўша давр телевидениесида айрим сўзларни эфирдан олиб ташлаш бўйича топшириқлар бўлганини айтди.Каримбековнинг сўзларига кўра, у Ислом Каримовнинг Россия, Қирғизистон ва Японияга сафарларида иштирок этган.«Ислом Каримовдан интервью олганман, бир неча бор олганман. У киши билан Россияга сафар қилганим, Қирғизистоннинг Чўлпонотасига борганим ёдимда. Японияга ҳам беш кунлик сафар бўлган. 1994 йил 16 май куни кетиб, 19 май кечқурун қайтиб келганмиз», — деди журналист.У, шунингдек, Мустақил Давлатлар Ҳамдўстлиги анжуманларида қатнашиб, интервьюлар тайёрлаганини айтди. БироқUzdiplomat | Расмий канал
9 Sept, 11:18
🔴Режалаштирилган, аммо ўтказилмаган қабуллар бўйича Зоир Мирзаев вилояти олдинда2026 йил август ойида давлат идораларида режалаштирилган мингта шахсий қабул ўтказилмаган. Бу бўйича энг юқори кўрсаткич Тошкент вилоятида қайд этилган — ҳудудда 148 та шахсий қабул амалга оширилмаган.Кейинги ўринларда Фарғона вилояти — 137 та ва Тошкент шаҳри — 134 та билан турибди. Наманган вилоятида 106 та, Самарқанд вилоятида 85 та режалаштирилган шахсий қабул ўтказилмаган. Энг паст кўрсаткич Андижон вилоятида бўлиб, у ерда иккита қабул амалга ошмаган.Августда республика бўйича 5 666 та шахсий қабул ўтказилиши режалаштирилган, амалда эса 4 666 таси ташкил этилган. Демак, режанинг қарийб 18 фоизи бажарилмаган.Сайёр қабулларда ҳам режа тўлиқ ижро этилмаган. Масалан, 4 495 та қабулдан 4 327 таси ўтказилган. Электр тармоқлари корхоналари 39 та, ободонлаштириш
Uzdiplomat | Расмий канал
9 Sept, 10:00
🔴«Туронбанк»нинг 98,9 фоизи сотилмоқдаЎзбекистон «Туронбанк»даги 98,9 фоиз давлат улушини хусусийлаштиришга қарор қилди. Сотув Иқтисодиёт ва молия вазирлиги томонидан халқаро маслаҳатчилар хулосаси ҳамда банкнинг хусусийлаштиришга тайёрлик даражаси ҳисобга олинган ҳолда ўтказилади.Ўзбекистон давлат банкларини сотишга аввал ҳам бир неча бор уринган, аммо белгиланган муддатлар қайта-қайта узайтирилган.2026 йил февралида Стратегик ислоҳотлар агентлиги директорининг ўринбосари Абдулла Абдуқодиров кечикишни давлат банкларининг инвесторлар учун жозибадор эмаслиги билан изоҳлаган эди.Унинг айтишича, айрим банкларда катта ҳажмдаги қайтмаётган кредитлар мавжуд. Кредит портфели бир ёки икки йирик қарздорга тўпланган, давлат лойиҳаларига узоқ муддатли кредитлар берилган ва риск даражаси юқори.Telegram |Instagram | You Tube | Facebook | X
Links
Related Channels
Other channels in the same section of the catalogue.
